Otsotsa 2:5 - Ohwihwim Olehe

⁵ O ka, aŋo o tsi o gbu ogyugyuŋ nzenze! O raŋ o gre boŋ o ngʼba o sku edlobi boŋ nga o kpo ayakplo eka boŋ o kpo okũ oriori. Ame é ba okro boŋ nga é sko emgbakha ovo ba azurfa lo, o wo boŋ o ngʼba o sku edlobi boŋ mbo le.

Otsotsa 2:5 ပူးပေါင်းရင်းမြစ်များ

Amatiyu 5:14

Agimi e wo eka ayimom angyiŋ obiŋ hi. Odne ba moa a mbdzi lo akũ ongyeŋ o ghre o gbu mbo.

Amatiyu 5:15

Arekyeŋ a la a ta ovo emgbuovo nga, a shri atku a shum lo mbo. Ambo a la a shri emgbuovo lo a shri a zga ambgu okyku o da ayimom a tra aku lo.

Amarku 12:9

Eyesu a zhĩ mo a lu mi le, Eka ekplo bimi e gno hi, eka bimi e ka, areagbi lo á kpo moa la a kpaŋ agbi eshi? Eyesu a tno ma a lu mi le, Areagbi lo á ba a bga moa la a kpaŋ agbi lo nga á shri agbi á ghwo moahwõ abgo.

Oluka 1:17

Á yi eka anwyeadga ba Ahogbrẽ, la oshye, ta la ekʼpo eka ba Eliya arehwĩ ba Ahogbrẽ a hom ŋa otum. Á shri moada, pa la moanwye á zga ozhẽ okyekyeŋ. Nga á zhiŋ moa la a shye eshri a da mo a dzu moare ba odlodzi. Á nyuŋ odzudzu ba moarehwi ba Adigi-odne á kpo o tsa baŋ a ba.

Oluka 20:16

Eyesu a lu mi le, Areagbi á ba a bga moare he lo, nga á shri agbi á ghwo abgo moare alahe. Ambo omba ba moare a gno eka he nga, moa a lu mi le, O wo eka he tsitsi a mbo mbo!

MoaEgalasiya 5:4

Agimi are la e klo ba opyapyaŋ o dzu agʼbaha bimi ta la Ahogbrẽ ozhẽ ba okpaŋodaŋ, e ngʼba egimi e sku Ekristi angyiŋ. Agimi e wo abgo ba okpoghwo ba Ahogbrẽ mbo ku-ku.

MoaEfilibi 2:15

okyku o da gimi e wo la ombgu eshri bimi mbo, nga okyku o da gimi e dzu moa la a wo odlobikyeŋ ma mbo. Nga okyku o da gimi e dzu moarehwĩ ba Ahogbrẽ la e wo shasha la a dzu obiŋ hi la o wo kyekye mbo, pa la moarehwĩ la a wo ototno. O raŋ o gre ba agimi e la e shka ayi egi ayi mo eka ba eyi enzo e la e shka ayi ahrẽ,

MoaIbrani 10:32

Agimi e ka eka ba ayakplo a wo ka la gimi ayga. Omba mi lo, ambla ba ayimom ba Ahogbrẽ a tra gimi, agimi e kpo ewu okyku ayakplo nzenze. Ambo ewu he lo e da gimi e tsi e gbu mbo ku-ku.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 16:9

Moa a dzõ moare la ovo la o bmye ovo o gre eshri, nga moare he lo a ta ogbukyu a ygi eshko ba Ahogbrẽ la a wo la ekʼpo eshri ba elolo he lo. Ambo moa a ka a nyiŋ odzudzu mo mbo nga moa a hlu ŋa eshko okyku ekʼpo baŋ mbo.

Otsotsa 2:16

Aŋo o ngʼba o sku edlobi boŋ ohuhuhi! O wo eka he mbo le, ame é ba okro boŋ ambla fi, nga ame é kpo ambgu pa la moarehwĩ he lo ta la akõ la a zgi anyu me.

Otsotsa 2:19

A lu mi le, Ame e yi eka ekplo boŋ o la o kpo, nga ame e yi eka ba oklo boŋ o wo, ta la adlidzi boŋ, ta la otum boŋ, nga oheheŋ boŋ. Ame e yi boŋ o kpo otum ohuhuhi o gre eka okũ oriori.

Otsotsa 2:2

A lu mi le, Ame e yi ayakplo boŋ o kpo, nga ame e yi eka boŋ o zga ayi ngre nga o kpo otum, nga o wo la esõ la e wo eheheŋ. Ame e yi boŋ o la o kpo ekpom pa la moarehwĩ ba ototno mbo. Nga agimi e sheŋ e mbga moarehwĩ la a bzi emo ma moare la a nyum oshpa e ka bgu, ambo moa a wo moare la a nyum oshpa angyiŋ mbo. Nga aŋo o ka lo o bmye ba moa a wo moare la a sheŋ akpro angyiŋ.

Otsotsa 3:19

Ame e la e nye, nga e la e kpo moare ba ame e klo ewu. O nyuŋ o kpo-kpo nga o ngʼba o sku edlobi boŋ.