Otsotsa 2:3 - Ohwihwim Olehe

³ Aŋo o wo la esõ la e wo eheheŋ, nga o la o kpo ewu okyku me, ambo aŋo o ka o ndba me o ta mbo.

Otsotsa 2:3 ပူးပေါင်းရင်းမြစ်များ

Amarku 15:21

Omba moanwyeakyuŋ a shri Eyesu a shri a yi okro moa a gŋe moare egŋe aki nga, moa a ka alom moa a bzi ŋa Esima ba obiŋ ba Esirini, moa a vu ŋa a daŋ a shri egŋe aki ba Eyesu. Esima a wo adaŋ Alaksanda ta la Orufu.

Oluka 14:27

Areyaŋ a mbo la a bmi a kpo ewu okyku me mbo le, a tse ma baŋ a lu me ma mbo.

Oluka 18:1

Eyesu a ta egŋe he lo a da moanwyeotum baŋ okyku o nye mo, okyku o da mo a fa olu ombamba pyeŋ nga a zga eso ekyekyeŋ.

Oluka 21:19

E da egʼba e shki gimi ami mbo, okyku eshi, ozhẽ he lo sha angyiŋ, agimi é ba e gro.

Oluka 5:5

Esima a tno ma a lu mi le, Andakʼpo, agi e kpo atsa ba okyukyukyku, ambo agi e vu emakyeŋ mbo. Ambo o wo boŋ o lu eka he bgu le, ame é shri ekyeŋ é ndba é ygi é ka.

Oluka 8:15

Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.

Eyohana 15:21

Moa á kpo edgu he lo ka la gimi, okyku ba agimi e wo moarehwi me angyiŋ, okyku eshi moa a yi are la a hom me otum mbo.

MoaOroma 12:12

Agimi e la e ka ayi ozhẽ la ovyevye, nga e ghwo eso omba bimi e kpo ewu, nga e fa olu ombamba mvye.

MoaOroma 16:12

Ame e sa e shko Etrafena ta la Etrafosa, moahi lo moa a kpo otum Adigi-odne, nga ame e shko akyemeazba ba adlidzi Ebesi. Aŋa a kpo otum nzenze okyku Adigi-odne.

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

MoaOroma 8:25

Ambo o wo ba agi e la e ka ayi ozhẽ okyku ekplo ba agi e ka mbo le, o raŋ o gre ba agi e ghwo eso.

1 MoaOkorinti 13:7

Oklo ó khwo mbo ku-ku. Obmi ba adlidzi ba oklo ta la okayiozhẽ, ta la oheheŋ baŋ, ó khwo ku-ku mbo.

1 MoaOkorinti 16:16

okyku o da gimi a mbo e kpo edgu ekplo moahi lo a mbo a kpo. Nga e kpo eka ba areyaŋ a mbo la a kpo otum pa la mo.

2 MoaOkorinti 10:15

Okyku eka he, agi e la e nyom egʼba ba otum moahwõ a kpo, e bmyi engla ba Ahogbrẽ a shri a zga gi mbo. Ambo agi e la e ka ayi ozhẽ ba obmi ba adlidzi bimi ó ba o ta ma, nga ba agi é kpo é gbu ba agi é ba e kpo otum la ó gre ohe eshki bimi, ambo agi e sko lo e zga engla ba Ahogbrẽ a shri a zga angyiŋ.

2 MoaOkorinti 11:23

Ame é zhĩ ozhĩ he lo eka ba adro angyiŋ. Moa a wo moawaghrẽ ba Ekristi angyiŋ? Ambo ame e wo awaghrẽ ba owlama e gre mo pyeŋ! Ame e kpo otum e gre mo. Moa a vu me a ta aku a gre mo. Moa a yla me andzu a gre mo, nga ame e gre osusku ta la eku ombamba e gre mo.

2 MoaOkorinti 4:1

La okayiekŋe ba Ahogbrẽ angyiŋ, aŋa a shri otum he a shri a da gi. Okyku eka he, agi e da egʼba e shki gi ami mbo.

2 MoaOkorinti 4:16

Okyku okũ odlo he lo, agi e da egʼba e shki gi ami ondakyeŋ mbo ku-ku. Odzudzu bi ba egʼba o la o vrẽ, ambo ekakahelo, odzudzu bi ba eso o la o zhiŋ o dzu ohe elulum.

2 MoaOkorinti 5:9

Ekplo la e gre pyeŋ, agi e klo e raŋ ŋa eso angyiŋ odne bi ahe ta la odne bi a mi.

2 MoaOkorinti 6:5

Moa a taŋ gi andzu. Moa a vu gi a ygi aku, nga moa a klo odlo ka la gi. Moa a da gi e kpo otum la o gre gi eshri, nga agi e hwiŋ algori mbo, nga agi e ka e ndze enu mbo.

MoaEgalasiya 6:2

O raŋ o gre ba agimi e la e sko oshri bimi e ghwo egimi. Ozhẽ he lo angyiŋ agimi é ba e kpaŋ odaŋ ba Ekristi.

MoaEgalasiya 6:9

Okyku eka he agi e da lo o khwo gi ta la okpo ayakplo la a wo adzi mbo. O wo ba agi e kpu adga ozhẽ angyiŋ mbo le, omba o yi o ba ba agi é ba é yla edgo lo.

MoaEfilibi 2:16

eka ba agimi e shri oshpa ba esõ e shri e da mo. O wo ba agimi e kpo eka he lo angyiŋ le, ame e wo la ohwilegʼba ma e gre eshri olum Onda ba Ekristi lo, okyku eshi alo ó tsa ba ozgayi me ta la otum me o wo otum ba ototno angyiŋ mbo.

MoaEfilibi 4:3

Aŋo are ba adlidzi la o kpo otum pa la me nga, ame e klo boŋ o kpo o ghwo la moashe he lo, okyku eshi moa a kpo otum ngre pa la me okyku o ngla Oshpaodzadzi he lo, pa la Eklimeti, pa la moahwõ la a kpo otum pa la me. Ashko mo a wo akpa ba esõ ba Ahogbrẽ.

MoaOkolosi 1:11

A da gimi e hwiŋ oshye okro oshye pyeŋ la o zgi okro ba anyuŋ ekʼpo baŋ la e wo egre, okyku o da gimi e kom ekployaŋ a mbo la esõ oheheŋ.

1 MoaEtasolonika 1:3

Agi nga, agi e tne aga e ka egi ayi ba Ahogbrẽ bi la a wo Adigi, eka bimi e la e kpo otum ta la obmi ba adlidzi bimi, nga okyku oklo bimi agimi e kpo otum la osheshye, nga agimi e tspi gaŋ ibu ba okayiozhẽ bimi okro ba Adigi-odne Eyesu Ekristi.

1 MoaEtasolonika 2:9

Agimi anáŋ, e tne aga adzadzi eka ba agi e kpo otum nga e kpo ewu! Agi e kpo otum okyukyku ta la olulum, okyku o da gi e shri ewu ekplokyeŋ e zga eshri bimi mbo omba ba agi e la e nyum Oshpaodzadzi la o zgi okro ba Ahogbrẽ o ba.

1 MoaEtasolonika 5:12

Agimi anáŋ, agi e vẽ gimi okyku o da gimi e fa olbi e da moa la a la a kpo otum agʼbaha bimi eka ba alo o raŋ o gre, moa ba Adigi-odne a sla mo okyku o da mo a tsa gimi nga a nye gimi.

2 MoaEtasolonika 3:13

Ambo agimi anáŋ, agimi e da lo o khwo gimi mbo, ta la o kpo otum la o wo odzi mbo.

2 MoaEtasolonika 3:5

Adigi-odne nga a bmi le, a kpo otum esõ bimi okyku o da gimi e hwiŋ oklo okyku Ahogbrẽ, ta la oheheŋ ba Ekristi a la a shri a di.

2 MoaEtasolonika 3:8

Agi e la e yga okpoghwo abgo moare ototno mbo. Agi e hre okyku lo. Ambo agi e la e kpo otum nga e kpo ewu olulum ta la okyukyku. Agi e la e kpo otum okyku o da gi e kpo arekyeŋ ewu mbo.

1 Etimoti 4:10

Okyku eka he lo agi e kpo nga e kpo otum la osheshye, okyku eshi agi e sko Ahogbrẽ la a wo la esõ ma angyiŋ e zga okayiozhẽ bi. Aŋa angyiŋ a wo Areoshla moarehwĩ pyeŋ, ambo esĩ ba oshla he lo e wo okyku moa la a bmi ba adlidzi ka la ŋa.

1 Etimoti 5:17

Moandakʼpo la a kpo otum adzadzi, moa a raŋ o hre mo ékplu eha. Esĩ lo e wo okyku moa la a kpo otum ngre a la a nyum oshpa, nga a la a nye moare odlo ba Ahogbrẽ.

MoaIbrani 10:36

O raŋ o gre ba agimi e kpo heheŋ okyku o da gimi e kpo ekplo ba Ahogbrẽ a klo, okyku o da gimi e hwiŋ ekplo baŋ a hwim ka la gimi.

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.

MoaIbrani 13:13

Agimi e da gi e zgi e yi alidzi la apu lo nga e kpo ewu ka la ŋa otsotse.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

MoaIbrani 6:12

Agi e klo ba agimi e kpo oreŋ mbo, ambo agi e klo ba agimi e dzu eka moare la a bmi ba adlidzi nga moa a kpo heheŋ, okyku o da mo a yga ekplo ba Ahogbrẽ a hwim okyku mo.

MoaIbrani 6:15

Ebrahim a wo heheŋ, okyku eka he a hwiŋ ekplo ba Ahogbrẽ a hwim okyku ŋa.

2 Ebitru 1:6

Nga okyku o da oyioyi boŋ o ta ma la onyuŋ-eshrizga. Nga okyku o da ovueŋoghwo boŋ o sa o ta ma la oghwo-esõ. Nga okyku o da oghwo-esõ boŋ o sa o ta ma odzudzu la o raŋ Ahogbrẽ esõ.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.