Otsotsa 2:23 - Ohwihwim Olehe

²³ Ame é sa é bga moanwye baŋ. Nga moaEklisiya pyeŋ moa á yi ba ame angyiŋ e wo are la a yi aga esõ moarehwĩ ta la ayakplo ba moa a la a klo. Areyaŋ a mbo á hwiŋ egbre okro me eka ekplo baŋ a kpo.

Otsotsa 2:23 ပူးပေါင်းရင်းမြစ်များ

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Oluka 16:15

Eyesu a nyuŋ mo a lu mi le, Agimi e sko eshri bimi e zga eka moarehwi la a wo shasha egi ayi moarehwi, ambo Ahogbrẽ a yi edgu eso bimi. Ekplo ba moarehwi a sko lo a zga la anyuanyuŋ e wo ekplokyeŋ angyiŋ egi ayi Ahogbrẽ mbo.

Eyohana 21:17

Eyesu a sa a zhĩ ŋa odgo otra a lu mi le, Esima, aŋo anwye Eyohana, aŋo o klo me? Alo o kpo Ebitru ewu eso okyku ba Eyesu a zhĩ ŋa odgo otra a lu mi le, Aŋo o klo me? Ebitru a tno ŋa ma a lu mi le, Adigi-odne, aŋo o yi ekployaŋ a mbo, aŋo o yi ba ame e klo ŋo! Eyesu a nyuŋ ŋa a lu mi le, O kpaŋ ékylu me.

Eyohana 4:16

Eyesu a tno ŋa ma a lu mi le, O wo eka he bgu le, o yi o bzi alom boŋ o daŋ a ba ka la ŋo.

Otum 1:24

Moa a fa olu a lu mi le, Adigi-odne aŋo o yi eso moarehwi mvye. Aŋo Adigi-odne, o tsa gi are boŋ o klo eshki moarehwi aha hi,

MoaOroma 14:12

Areyaŋ a mbo eshki bi, á lu ekployaŋ a mbo baŋ a kpo ababgo baŋ á ba a da Ahogbrẽ.

MoaOroma 8:27

Ahogbrẽ nga la a yi eso moarehwi a yi eka ba aga ba Ogbgaodzi a wo, okyku eshi Ogbgaodzi angyiŋ o vẽ Ahogbrẽ okyku moarehwi ba Ahogbrẽ, eka ba Ahogbrẽ a zga eso ba o kpo-kpo.

2 MoaOkorinti 5:10

Okyku eshi, o dzu omgbybi ba agi pyeŋ é tspi egi ayi ba emgbakyiŋ ombgu ba Ekristi, okyku o da areyaŋ a mbo a hwiŋ egbre baŋ eka ekplo baŋ a kpo, odzi o mbo le obi, omba baŋ a wo ma obiŋ hi.

MoaEgalasiya 6:5

Okyku eshi o dzu omgbybi angyiŋ ba areyaŋ a mbo á shri oshri baŋ ababgo baŋ.

MoaIbrani 4:13

Ekplokyeŋ ba moa a ghre lo okro ba Ahogbrẽ e wo ma mbo. Ekployaŋ a mbo ba moa a kpo, e wo zheŋ nga e lom egi ayi baŋ. Nga agi é shri etsko ba odzudzu bi pyeŋ é shri é daŋ angyiŋ.

1 Ebitru 1:17

Omba ba agimi e fa olu e vẽ Ahogbrẽ la a la a sõ moare ombgu ozhẽ okyekyeŋ, eka ekployaŋ a mbo ba areyaŋ a mbo a kpo, agimi e la e bzi ŋa ma Ada. Okyku eka he, agimi e kpo otum ta la omba bimi la o ra obiŋ hi ayi okyku o hlu ŋa eshko,

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.

Otsotsa 20:13

Ambla he lo nga anyuŋ-ondzu a shri ekom ba moa la a kpu anyuŋ-ondzu a shri a ba. Eku ta la obiŋ ba moarehwĩ la a kpu, moa a shri ekom moare la a kpu a shri a ba. Nga moa a sõ mo pyeŋ ombgu eka ekplo ba moa a kpo.

Otsotsa 22:12

Eyesu a lu mi le, Agimi e ngli atuŋ e gno! Ame é ta adzadzi é ba! Nga ame é shri egbre é da areyaŋ a mbo eka ekplo baŋ a kpo angyiŋ.

Otsotsa 6:8

Ame e zhiŋ e ka nga, ame e ka enyma la e wo ehwĩ mlemle. Eshko ba are la a vre lo e ri Eku, nga are la a ri Ahades a la a lu ŋa ma osususku. Moa a shri ekʼpo eshri ogʼba okyeŋ eshki ba egʼba enyi ba obiŋ hi a shri a da mo, okyku o da mo a kpo otum ta la akõ, ta la aguembyle, ta la ololo, ta la ébyi ba akla la e wlu ayi, okyku o da mo a bga moare.