Otsotsa 2:2 - Ohwihwim Olehe

² A lu mi le, Ame e yi ayakplo boŋ o kpo, nga ame e yi eka boŋ o zga ayi ngre nga o kpo otum, nga o wo la esõ la e wo eheheŋ. Ame e yi boŋ o la o kpo ekpom pa la moarehwĩ ba ototno mbo. Nga agimi e sheŋ e mbga moarehwĩ la a bzi emo ma moare la a nyum oshpa e ka bgu, ambo moa a wo moare la a nyum oshpa angyiŋ mbo. Nga aŋo o ka lo o bmye ba moa a wo moare la a sheŋ akpro angyiŋ.

Otsotsa 2:2 ပူးပေါင်းရင်းမြစ်များ

Amatiyu 7:23

Ame nga é tno mo ma é lu mi le, Agimi la e la e kpo ayakplobi, e kye e sku me, ame e yi gimi ondakyeŋ mbo!

Eyohana 6:6

A lu eka he okyku o mbga Efilibu o ka angyiŋ. Ambo aŋa a sheŋ a yi eka ekplo baŋ á ba a kpo.

MoaEgalasiya 1:7

Adlidzi angyiŋ, oshpakyeŋ ondundum o wo ma okrokyeŋ mbo ku-ku. Ame e lu eka he okyku eshi moarekyeŋ a klo o so gimi ayi nga o nyiŋ Oshpaodzadzi ba Ekristi.

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

1 MoaEtasolonika 1:3

Agi nga, agi e tne aga e ka egi ayi ba Ahogbrẽ bi la a wo Adigi, eka bimi e la e kpo otum ta la obmi ba adlidzi bimi, nga okyku oklo bimi agimi e kpo otum la osheshye, nga agimi e tspi gaŋ ibu ba okayiozhẽ bimi okro ba Adigi-odne Eyesu Ekristi.

1 MoaEtasolonika 5:21

Agimi e mbga ekployaŋ a mbo e ka. E kpaŋ ekplo la e wo edzi,

2 Etimoti 2:19

Ambo esĩ la e wo oshye ba Ahogbrẽ a sheŋ a ta, arekyeŋ a kpo lo esku a gbu mbo ku-ku. Moa a ta odlo he lo ma a lu mi le, Ahogbrẽ a yi moare la a wo moarehwĩ baŋ. Nga moa a sa a ta a lu mi le, Areyaŋ a mbo la a lu baŋ a wo a ba Ahogbrẽ angyiŋ bgu le, o dzu omgbybi baŋ a kyu ayakplobi pyeŋ abgo.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

1 Eyohana 4:1

Agimi akyemeazba, agimi e bmi e da arekyeŋ la a lu ma aŋa a wo la Ogbgaodzi ma mbo. Ambo agimi e mbga mo e ka okyku o da gimi e yi o wo ba ogbga lo o wo Ogbga ba Ahogbrẽ angyiŋ. Okyku eshi moarehwĩ la a la a sheŋ akpro ma Ahogbrẽ angyiŋ a hom mo otum moa a ngla a bli okro a gre eshri.

Otsotsa 2:5

O ka, aŋo o tsi o gbu ogyugyuŋ nzenze! O raŋ o gre boŋ o ngʼba o sku edlobi boŋ nga o kpo ayakplo eka boŋ o kpo okũ oriori. Ame é ba okro boŋ nga é sko emgbakha ovo ba azurfa lo, o wo boŋ o ngʼba o sku edlobi boŋ mbo le.

Otsotsa 2:6

Ambo o ka odlodzi boŋ o la o kpo, nga o tla ayakplo ba moaEnikolata eka ba ame a mbo e tla lo.

Otsotsa 2:9

A lu mi le, Ame e yi ewu boŋ, nga ame e yi boŋ o wo la ekŋe ma. Ambo egyagi a mbo, aŋo o wo are ba angyiŋ angyiŋ! Ame e yi edgu ayakplo ba ototno ba edgu moarehwĩ la a la a bzi emo ma moaEyahuda, a lu eshri bimi. Ambo moa a wo moaEyahuda angyiŋ mbo. Moa a wo eshki ba moarehwĩ ba Eshitaŋ angyiŋ!

Otsotsa 3:1

Ogbgaodzi o sa o lu mi le, Aŋo o ta anwyeadga ba Eklisiya ba Esadi akpa, o lu mi le, Oshpa he lo o wo oshpa la o zgi abgo ba are la a kom egbga efoha ba Ahogbrẽ, ta la eyi enzo efoha abgo baŋ. A lu mi le, Ame e yi ayakplo boŋ o la o kpo. Nga ame e yi boŋ o gbu eshko okyku boŋ o yi o wo la esõ ma, ambo egyagi a mbo aŋo o sheŋ o kpu!

Otsotsa 3:15

A lu mi le, Ame e yi ayakplo boŋ o kpo. Ame e yi boŋ o ka o bʼbu mbo, o mbo le o ka o bmye ovo mbo. Ame e klo e mbi boŋ o wo okyeŋ eshki he lo e gre eshri!

Otsotsa 3:8

A lu mi le, Ame e yi ayakplo boŋ o la o kpo. Nga ame e yi boŋ o wo la oshye ma nzenze mbo. Nga aŋo o la o kpaŋ onyenye me, nga o la o kpo adlidzi pa la me. Ame e sheŋ e hwile ayizhẽ e zga egi ayi boŋ. Are-kyeŋ a kpo a gbu baŋ a shki lo mbo ku-ku.