Otsotsa 2:18 - Ohwihwim Olehe

¹⁸ Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Etatira o lu mi le, Oshpa he lo o wo oshpa la o zgi abgo ba Anwye ba Ahogbrẽ. Ayi baŋ a shka ayi eka ovo. Adga baŋ nga a shka ayi eka ba ahwre abme ba moa a khwa lo adzadzi.

Otsotsa 2:18 ပူးပေါင်းရင်းမြစ်များ

Amatiyu 17:5

Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!

Amatiyu 27:54

Omba ba andakʼpo ba moanwyeakyuŋ, pa la moanwyea-kyuŋ la a kʼpu Eyesu ka la ŋa, moa a ka ba obiŋ o zhga ara, ta la ayakplo egbregbre la a kpo nga, moa a kpo eyli nzenze. Nga moa a lu mi le, Adlidzi angyiŋ baŋ a wo Anwye Ahogbrẽ.

Amatiyu 3:17

Ambla he nga, enzi e zgi Ongyeŋ e ba e lu mi le, Anwye me ba esesla angyiŋ a wo ahi. Esõ me e la e gno oraŋ ka la ŋa e gre eshri.

Oluka 1:35

Anwyeadga ba Ahogbrẽ a tno ma a lu mi le, Ogbgaodzi ó bli ŋo, nga ekʼpo ba Ahogbrẽ angyiŋ é ba e kpo otum ka la ŋo. Okyku eka he anwye ba esesla he lo, moa á bzi ŋa Anwye ba Ahogbrẽ.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

Eyohana 1:49

Enataniyelu a nyuŋ Eyesu a lu mi le, Andakʼpo, aŋo o wo Anwye Ahogbrẽ angyiŋ! Aŋo o wo Anyuŋ-areŋ ba Esrayila!

Eyohana 10:36

Eshri me e mbi, Ada angyiŋ a sla me nga a hom me otum a da me e ba obiŋ hi. Ekayaŋ agimi e lu mi ma ame e dzi Ahogbrẽ, okyku ba ame e lu ma ame e wo Anwye Ahogbrẽ?

Eyohana 3:16

Ahogbrẽ a klo moarehwi ba obiŋ hi ma-me, nga a shri Anwye baŋ akyakyeŋ a shri a di, okyku o da areyaŋ a mbo la a bmi ba adlidzi ka la ŋa a yla mbo, ambo a hwiŋ eso ba gbagbu-amo.

Eyohana 3:18

Areyaŋ a mbo la a bmi ba adlidzi ta la Anwye lo, moa á sõ ŋa ombgu mbo. Areyaŋ a mbo la a bmi ba adlidzi ta la Anwye lo mbo, moa a sheŋ a sõ ŋa ombgu bgu, okyku eshi a bmi ba adlidzi ta la Anwye ba Ahogbrẽ akyakyeŋ mbo.

Eyohana 5:25

Ame e lu adlidzi e da gimi, omba o yi ó ba, o sheŋ o ba bgu, ba moa la a sheŋ a kpu á ba a gno enzi ba Anwye Ahogbrẽ. Moa la a gno lo nga moa á hwiŋ eso.

Otum 16:14

Akyeŋ eshki moashe he lo a yga oshpa. Eshko baŋ e ri Elidiya. Aŋa a wo a ba Etatira. Aŋa a la a shri aknye moa a ghwo lo etu a gbmo. A wo are la a hlu Ahogbrẽ eshko. Adigi-odne nga a hwile ŋa eso okyku o daŋ a gno oshpa ba Oblus a nyum.

Otum 8:36

Moa a dzi a gre fi nga, moa a gbu okrokyeŋ ba ami-hĩ a wo ma, nga alom lo a zhĩ a lu mi le, Amihĩ a wo ahe. Eshi e nyom boŋ o kpo me abaptisma? [

MoaOroma 1:4

Ambo ibu odzudzu baŋ ba Ahogbrẽ ba esesla, moa a tsa baŋ a wo Anwye Ahogbrẽ, la ekʼpo egagre, okyku ba moa a daŋ a kso ongybi.

MoaOroma 8:32

Aŋa a nyom gi Anwye baŋ mbo, ambo a shri Anwye baŋ a di okyku gi mvye! A shri Anwye baŋ a da gi, okyku eka he á shri ekployaŋ a mbo á da gi mbo?

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

Otsotsa 2:1

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Afisu o lu mi le, Oshpa he lo o wo oshpa la o zgi abgo ba are la a kom eyi enzo efoha lo obgori baŋ, nga la a dzi eshki ba emgbakha ovo efoha ba azurfa.

Otsotsa 2:24

Ambo agimi ahwõ la e ra Etatira agimi e bmi ta la edgu onyenye ba eshre he lo mbo. Agimi e nye ayakplo ba moahwõ a la a bzi lo ma onyenye la o wo ogyugyuŋ ba Eshitaŋ ko mbo. Okyku eka he ame e da ewukyeŋ e hwiŋ gimi mbo.