Otsotsa 2:14 - Ohwihwim Olehe

¹⁴ Ambo ayakplo fi ba ame e gno oraŋ ka la ŋo mbo a wo ma. Eshki bimi moakyeŋ a la a kpo otum ta la onyenye ba Abalam. Abalam angyiŋ a nye Abalaka a daŋ a da moarehwĩ ba Esrayila a kpo odlobi okyku baŋ a da mo a ri algo ba moa a shri a ndba okyku okpko, nga a da mo a kpo ayakplo ba eshre.

Otsotsa 2:14 ပူးပေါင်းရင်းမြစ်များ

Amatiyu 18:7

O wo ekplo ayiekŋe angyiŋ okyku eshi ayakplo la a da moare a tsi a gbu a wo obiŋ hi nzenze! Edgu ayakplo hi lo, á kpo ombamba pyeŋ, ambo a ba eshri are la a shri edgu ayakplo hi lo a shri a ba!

Otum 15:29

Agimi e ri algo ololo mbo. Agimi e wa amanzhli mbo. Agimi e taŋ ebyi moa a kplu lo oto sha. Nga agimi e kpo ayakplo eshre mbo. O wo bimi e kpaŋ odaŋ he lo le, agimi e tspi adzadzi. Ondanda dne a mo.

Otum 21:25

Ambo moa la a wo moaEyahuda mbo la a bmi ba adlidzi, agi e ta akpa e kom mo e lu mi ma moa a ri algo ololo mbo, nga a wa amanzhli mbo, nga a taŋ ebyi moa a kplu lo oto mbo mbo, nga moa a kpo ayakplo eshre mbo.

MoaOroma 11:9

Adawuda a lu mi le, O da oriabgo mo o dzu ekyeŋ ta la amgbaŋ, Ta la ekplo ba osheŋevgo. Alo angyiŋ o dzu egbre mo.

MoaOroma 14:13

Okyku eka he, agimi e da gi e kyu oso egi embgu abgo. Ekplo la e raŋ e gre boŋ o kpo, alo o raŋ o gre boŋ o kpo ekplokyeŋ la e da anóŋ a ta akpu mbo, o mbo le a kpo odlobi mbo.

MoaOroma 14:21

Ekplo la e raŋ e gre, aŋo o taŋ ebyi mbo, nga o wa ami anab la a no mbo, nga o kpo ekplokyeŋ la é ba e da anóŋ a tse a gbu mbo.

MoaOroma 9:32

Okyku eshi moa a hwiŋ lo mbo? Okyku ba moa a sko ekployaŋ a mbo a zga obmi ba adlidzi mbo, ambo moa a sko ekployaŋ a mbo a zga otum sha. Moa a sheŋ evgo ezhim

1 MoaOkorinti 1:23

Ambo agi e su Ekristi egŋe aki. Oshpa he lo o la o tpi moaEyahuda eso ayi, nga o dzu ekplo adro angyiŋ pa la moa la a wo moaEyahuda mbo.

1 MoaOkorinti 7:2

Ambo okyku obile, o raŋ o gre ba arealomyaŋ a mbo a kyu ashe, nga ba asheyaŋ a mbo a kyu alom.

MoaIbrani 13:4

Areyaŋ a mbo a ka eble la ololbi. O dzu omgbybi ba moarealom pa la moashe, moa a kpo adlidzi ta la emo, okyku eshi Ahogbrẽ á sõ moa la a wo eshre pa la moa la a ta ekpa ombgu.

1 Ebitru 2:8

Odlo ba Ahogbrẽ o sa o lu mi le, Ezhim he lo angyiŋ é ba e da moarehwĩ a sheŋ evgo. Alo angyiŋ é ba e dzu onmwre la ó ba o da moare a tsu a gbu. Moa a sheŋ evgo okyku ba moa a bmi ba adlidzi ta la odlo lo mbo angyiŋ. Ohe lo angyiŋ o wo okoklo ba Ahogbrẽ okyku mo.

2 Ebitru 2:15

Moa a sheŋ a dzu ozhẽ la o wo kye a zga, nga moa a ta akpu ozhẽ lo. Moa a zhiŋ a sõ ozhẽ ba Abalam anwye ba Obosoro. Aŋa a klo amgbaŋ baŋ moa a hwiŋ lo ozhẽ ba o kpo ayakplobi.

Eyahuda 1:11

O wo ekplo ayiekŋe pa la mo o gre eshri! Moa a sõ ozhẽ ba Akayinu a sõ. Moa a shri eshri mo a zga okyku o kpo ayakplobi okyku amgbaŋ eka ba Abalam a kpo. Moa a bga mo okyku ba moa a shye eshri, eka ba Okora a mbo a shye eshri.

Otsotsa 2:20

Ambo ame e gno oraŋ ka la ŋo mbo okyku eshi aŋo o bmi ta la ashe ba moa a bzi ŋa ma Ejezeble. Aŋa a lu ma aŋa a wo anwyeadga ba Ahogbrẽ angyiŋ. Ashe he lo a la a nye moawaghrẽ me nga a la a bile mo, nga a la a da mo a kpo ayakplo ba eshre, nga a la a da mo a ri algo ba moa a shri a ndba okpko.

Otsotsa 2:4

Ambo aŋo o klo me ohuhuhi eka boŋ o klo me oriori mbo. Okyku eka he nga, ame e gno oraŋ ka la ŋo mbo.

Otsotsa 21:8

Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

Otsotsa 22:15

Moa la a tpi ayi pa la moa la a kpo ololo, pa la moa la a kpo ayakplo ba eshre, pa la moa la a bga ebga, pa la moa la a hlu okpko eshko, pa la moa la a la a gno oraŋ ta la osheŋ akpro nga ba moa a la a sheŋ akpro, moa á tspi egi edzi ba osku he lo.