Otsotsa 2:10 - Ohwihwim Olehe

¹⁰ Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 2:10 ပူးပေါင်းရင်းမြစ်များ

Amatiyu 10:22

Areyaŋ a mbo á tla gimi okyku me. Ambo are la a ta esõ akpyli o tsa omba amom-abgo le, aŋa á gro.

Amatiyu 10:28

Moarehwĩ la a bga egʼba agimi e kpo eyli mo mbo, okyku eshi moa a wo ekʼpo ma ba moa a bga esõ arehwĩ mbo. Ambo agimi e kpo eyli Ahogbrẽ la a kpo a gbu baŋ a bga egʼba pyeŋ, ta la esõ a mbo enzheovo.

Amatiyu 24:13

Ambo are la a zga gble o tsa onda amom-abgo le, aŋa á hwiŋ oshla.

Amarku 13:13

Moare mvye á tla gimi okyku me. Ambo, are la a kom odlo me la osheshye esõ baŋ o tsa onda amom-abgo le, á ba a gro.

Amarku 8:35

Are la a klo o kpo ekployaŋ a mbo okyku ohwihwiŋ eshri baŋ sha le, á kpu. Ambo are la a shri eshri baŋ a di okyku me, ta la o nyum oshpa me le, á hwiŋ esõ.

Oluka 21:12

Omba ba edgu ayakplo he lo a kpo a wo mbo, moa á vu gimi, nga á kpo gimi ewu, nga moa á shri gimi á di okyku o da mo a sõ gimi ombgu anwyeakulu, nga moa á shri gimi á ygi aku. Nga moa á vu gimi á shri á ba okro moareŋ okyku eshko me.

Eyohana 12:25

Areyaŋ a mbo la a klo eshri baŋ angyiŋ le, eshri baŋ é yla. Areyaŋ a mbo la a tla eshri baŋ obiŋ hi, á hwiŋ eso ba gbagbu-amo.

Eyohana 13:2

Eyesu pa la moanwyeotum baŋ moa a wo okro oriabgo. Omba he lo Eshitaŋ e sheŋ e da Eyahuda Eskariyoti anwye Esima, a sheŋ a zga eso baŋ a ba a yla Eyesu bgu.

Eyohana 13:27

Ambla ba Eyahuda a sko agbrotsa lo nga, Eshitaŋ e kpo otum eso baŋ. Eyesu a nyuŋ ŋa a lu mi le, O kpo ekplo boŋ o klo shoshoŋ!

Otum 20:24

Ambo ame e sko eso me e da lo e dzu ekplokyeŋ mbo. Okyku eshi ame e klo o bli otum ba Adigi Eyesu a shri a da me, ba ame e kpo. Otum ozgi egŋe Oshpaodzadzi ba okpoghwo ba Ahogbrẽ.

Otum 21:13

Ambo a tno ma a zhĩ gi a lu mi le, Agimi e kpo eshi eka he? Agimi e wo okũ nga e kpla me eso e gbu okyku eshi? Ame e bmi okyku o da mo a bʼbu me endzi sha Orushalima mbo, ambo ame e bmi okyku o kpu okyku Adigi-odne Eyesu.

1 MoaOkorinti 9:25

Areyaŋ a mbo la a la a nye o kpo ekpyle le, a la a nye o ta eso akpyli. Aŋa a la a kpo ohe lo okyku ela egbre la e wo la owlama okyku omba ple sha. Ambo agi e la e kpo ekpyle bi okyku egbre ba gbagbu-amo.

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoAfisu 6:12

Okyku eshi agi e la e ta eko pa la moarehwĩ angyiŋ mbo, ambo agi e la e ta eko ta la ekʼpo ba egbga ebi la e wo ahrẽ angyiŋ. Moa a wo moa la a ri ekʼpo, ta la ekʼpo nzenze la e wo ahrẽ, ta la egbga ebi la e la e ri ekʼpo obiŋ hi la o hwĩ evbu he lo.

Eyakubu 1:12

Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

1 Ebitru 5:4

Nga omba ba Andakʼpo ba moa la a kpaŋ ékylu he lo a ba le, agimi é yga egbre ba ekla-eshri ba esesla. Alo é shraŋ nga mbo ku-ku gbagbu-amo.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 13:2

Ebyi la e wo ebi ba ame e ka lo e wo eka ba egbyi. Adga lo nga a wo eka ba adga ba egbaga. Anyu lo nga a wo eka ba anyu ba embdze. Emabi egagre lo e shri ekʼpo baŋ ta la emgbakyiŋ ba oreŋ baŋ, pa la moarehwĩ baŋ a ri oreŋ eshri mo pyeŋ a shri a da ebyi la e wo ebi he lo.

Otsotsa 13:7

Moa a bmi okyku o daŋ a kpo ambgu pa la moarehwĩ ba Ahogbrẽ, nga okyku o daŋ a kpo a gre mo. Ambla he nga moa a shri ekʼpo eshri embreyaŋ a mbo ta la olomyaŋ a mbo, pa la moarehwĩ ba obiŋyaŋ a mbo a shri a daŋ.

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 2:9

A lu mi le, Ame e yi ewu boŋ, nga ame e yi boŋ o wo la ekŋe ma. Ambo egyagi a mbo, aŋo o wo are ba angyiŋ angyiŋ! Ame e yi edgu ayakplo ba ototno ba edgu moarehwĩ la a la a bzi emo ma moaEyahuda, a lu eshri bimi. Ambo moa a wo moaEyahuda angyiŋ mbo. Moa a wo eshki ba moarehwĩ ba Eshitaŋ angyiŋ!