Otsotsa 2:1 - Ohwihwim Olehe

¹ Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Afisu o lu mi le, Oshpa he lo o wo oshpa la o zgi abgo ba are la a kom eyi enzo efoha lo obgori baŋ, nga la a dzi eshki ba emgbakha ovo efoha ba azurfa.

Otsotsa 2:1 ပူးပေါင်းရင်းမြစ်များ

Amatiyu 18:20

Okyku eshi okroyaŋ a mbo, ba moare aha, o mbo le atra a shki ma eshko me le, ame e wo ma pa la mo.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Eyohana 5:35

Eyohana a wo eka emgbuovo, a la a ri nga a la a shri ayimom a di. Agimi a mbo e bmi ba agimi e gno oraŋ ayimom lo okyku omba ple.

Otum 18:19

Moa a gbu osku ba Afisu. Oblus a dzu Ebriskila ta la Akila a zga ahe lo. Ahe lo, Oblus a gre anwyeakulu moaEyahuda nga, a yi a kla odlo pa la mo.

Otum 18:21

Omba baŋ a ba a yi a mo nga a nyuŋ mo a lu mi le, O wo ba alo o wo okoklo ba Ahogbrẽ, ame é sa é bla é ba e ka gimi. A gre amgblami ahe lo nga a kso a sku Afisu.

Otum 19:1

Omba ba Apolos a wo Okorinti, Oblus a zhiŋ a sõ edzidzi obiŋ ba Asiya nga a ba Afisu. Aŋa a hwiŋ moa la a bmi ba adlidzi ahe lo.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.

Otsotsa 1:16

A kom éyi enzo efoha obgori baŋ. Nga akõ anyu aha la a ri hihihli a zgi anyu baŋ. Nga eyayi baŋ e wo ŋaŋaŋla eka omba ba olum o vueshri.

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 12:1

Egŋe egagre e zgi Ongyeŋ. Ashekyeŋ la a ygi ariga la a wo olulum, a wo ma. Nga ashe he lo a pre ohwa adga. Nga éyi enzo otsko e wo etka baŋ.

Otsotsa 2:12

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Epegamum o lu mi le, Oshpa he lo o wo oshpa la o zgi abgo ba are la a wo la akõ anyu aha la a ri hihihli.

Otsotsa 2:18

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Etatira o lu mi le, Oshpa he lo o wo oshpa la o zgi abgo ba Anwye ba Ahogbrẽ. Ayi baŋ a shka ayi eka ovo. Adga baŋ nga a shka ayi eka ba ahwre abme ba moa a khwa lo adzadzi.

Otsotsa 2:8

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Esemana o lu mi le, Oshpa he lo o wo oshpa la o zgi abgo ba are la a wo ori, ta la amom-abgo. Aŋa a kpu a khwo nga a sa a hwiŋ esõ.

Otsotsa 3:1

Ogbgaodzi o sa o lu mi le, Aŋo o ta anwyeadga ba Eklisiya ba Esadi akpa, o lu mi le, Oshpa he lo o wo oshpa la o zgi abgo ba are la a kom egbga efoha ba Ahogbrẽ, ta la eyi enzo efoha abgo baŋ. A lu mi le, Ame e yi ayakplo boŋ o la o kpo. Nga ame e yi boŋ o gbu eshko okyku boŋ o yi o wo la esõ ma, ambo egyagi a mbo aŋo o sheŋ o kpu!

Otsotsa 3:14

Ogbgaodzi o sa o lu mi le, Aŋo o ta anwyeadga ba Eklisiya ba Eladosiya akpa o lu mi le, Oshpa lo o wo oshpa la o zgi abgo ba Amin angyiŋ. Aŋa a wo are la a zgi egŋe ba adlidzi. Aŋa angyiŋ a wo esĩ ba ekployaŋ a mbo ba Ahogbrẽ a kpo.

Otsotsa 3:7

Ogbgaodzi o sa o lu mi le, Aŋo o ta anwyeadga ba Eklisiya ba Efiladelfiya akpa o lu mi le, Oshpa he lo o wo oshpa la o zgi abgo ba are la a wo la esesla, nga a wo la adlidzi. Emakuli ba Adawuda e wo abgo baŋ angyiŋ. Aŋa angyiŋ a la a hwile ayizhẽ lo, nga arekyeŋ a shki lo a gbu mbo. Nga aŋa angyiŋ a la a shki lo, nga are-kyeŋ a hwile lo a gbu mbo.