Otsotsa 19:9 - Ohwihwim Olehe

⁹ Ambla he nga anwyeadga lo a lu pa la me a lu mi le, O ta o lu mi le, Moarehwĩ ba moa a bzi mo okyku oriabgo eble ba Anwye Ekylu moa a wo la ognoraŋ ma. Anwyeadga lo a sa a lu odlo a ta ma a lu mi le, Odlo he lo o wo odlo adlidzi ba Ahogbrẽ angyiŋ.

Otsotsa 19:9 ပူးပေါင်းရင်းမြစ်များ

Oluka 22:16

Ame e lu adlidzi angyiŋ e da gimi, ame é ri lo mbo o wo le onda ba moa á ka eshyẽ lo a bmye Oreŋ Ahogbrẽ dne a mo.

1 Etimoti 1:15

Odlo la o lu ma Ekristi Eyesu a ba obiŋ hi okyku o shla moa ba odlobi, o wo adlidzi angyiŋ, nga o raŋ o gre ba areyaŋ a mbo a yga lo la esõ ekyekyeŋ, nga a bmi ba adlidzi ta la lo.

1 Etimoti 4:9

Odlo he lo o wo o ba adlidzi angyiŋ. O yga lo la esõ ekyekyeŋ nga o bmi ba adlidzi ta la alo.

2 Etimoti 2:11

Odlo he lo o wo adlidzi angyiŋ, alo o lu mi le, O wo bi e bmi e kpu ka la ŋa le, agi é dzu ma ka la ŋa.

Etitu 3:8

Odlo he lo o wo adlidzi angyiŋ. Ame e klo boŋ o bla ayakplo he lo o shĩ adzadzi, okyku o da moa la a bmi ba adlidzi ta la Ahogbrẽ a shri aga mo a zga okyku o kpo ayakplo la a wo adzadzi. Ayakplo he lo a wo adzi nga á kpo á ghwo la moare.

Otsotsa 1:1

Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Otsotsa 1:19

Okyku eka he aŋo o ta ayakplo boŋ o ka lo akpa. O ta ayakplo la a kpo ohuhuhi, ta la ayakplo la á ba a kpo ambla.

Otsotsa 10:4

Ambla ba moa a lu odlo nga, Ame é ba e ta lo engla. Ambo ame e gno enzi e zgi Ongyeŋ e lu odlo e lu mi le, Aŋo o ghre ekplo ba angyum-ogbu afoha he lo a lu. O ta lo akpa mbo ku-ku!

Otsotsa 14:13

Ambla he nga ame e gno enzi e zgi Ongyeŋ e lu mi le, Aŋo o ta odlo hi. A zga ohuhuhi a yi moa la a kpu okyku otum ba Adigi-odne, moa á gno oraŋ! Ogbgaodzi o tno ma o lu mi le, Adlidzi, alo o wo eka he lo angyiŋ. Ambla ba moa a kpo otum la o vu olo eka he, moa a sa á dzu á dum á gno oraŋ okyku eshi moa a shri egŋe ba otum mo lo a shri a kom ma.

Otsotsa 17:1

Ambla he nga akyeŋ eshki moanwyeadga afoha la a wo la étku efoha lo, a ba okro me nga a lu mi le, O ba o da me e tsa ŋo eka ba moa á ba a nye ashe-eshra la a gbu eshko he lo eda. Aŋa angyiŋ a wo anyuŋ-osku ba moa a mbdzi lo osusku ta la éhwla nzenze.

Otsotsa 17:17

Okyku eshi Ahogbrẽ a shri oklo ba o bli ayakplo baŋ a klo, a shri a zga esõ mo. A da mo a kpo lo la esõ ekyekyeŋ, nga moa a shri ekʼpo mo a shri a da ebyi lo okyku o daŋ a ri oreŋ lo, o tsa ba odlo ba Ahogbrẽ o bli.

Otsotsa 2:1

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Afisu o lu mi le, Oshpa he lo o wo oshpa la o zgi abgo ba are la a kom eyi enzo efoha lo obgori baŋ, nga la a dzi eshki ba emgbakha ovo efoha ba azurfa.

Otsotsa 2:12

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Epegamum o lu mi le, Oshpa he lo o wo oshpa la o zgi abgo ba are la a wo la akõ anyu aha la a ri hihihli.

Otsotsa 2:18

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Etatira o lu mi le, Oshpa he lo o wo oshpa la o zgi abgo ba Anwye ba Ahogbrẽ. Ayi baŋ a shka ayi eka ovo. Adga baŋ nga a shka ayi eka ba ahwre abme ba moa a khwa lo adzadzi.

Otsotsa 2:8

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Esemana o lu mi le, Oshpa he lo o wo oshpa la o zgi abgo ba are la a wo ori, ta la amom-abgo. Aŋa a kpu a khwo nga a sa a hwiŋ esõ.

Otsotsa 21:5

Ambla he nga are la a dzu emgbakyiŋ ba oreŋ a lu mi le, Nga ohuhuhi, ame é da ekployaŋ a mbo e dzu elehe! Nga a sa a lu pa la me a lu mi le, O ta odlo he lo akpa, okyku eshi odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo angyiŋ.

Otsotsa 22:6

Ambla he nga anwyeadga lo a lu odlo pa la me a lu mi le, Odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo. Nga Adigi-odne Ahogbrẽ la a la a shri Ogbgaodzi baŋ a shri a da moarehwĩ baŋ a hom mo otum angyiŋ, a hom anwyeadga baŋ otum okro ba moawaghrẽ baŋ okyku o da mo a yi eka ba ekplo la é ba e kpo é ta adzadzi.

Otsotsa 3:1

Ogbgaodzi o sa o lu mi le, Aŋo o ta anwyeadga ba Eklisiya ba Esadi akpa, o lu mi le, Oshpa he lo o wo oshpa la o zgi abgo ba are la a kom egbga efoha ba Ahogbrẽ, ta la eyi enzo efoha abgo baŋ. A lu mi le, Ame e yi ayakplo boŋ o la o kpo. Nga ame e yi boŋ o gbu eshko okyku boŋ o yi o wo la esõ ma, ambo egyagi a mbo aŋo o sheŋ o kpu!

Otsotsa 3:14

Ogbgaodzi o sa o lu mi le, Aŋo o ta anwyeadga ba Eklisiya ba Eladosiya akpa o lu mi le, Oshpa lo o wo oshpa la o zgi abgo ba Amin angyiŋ. Aŋa a wo are la a zgi egŋe ba adlidzi. Aŋa angyiŋ a wo esĩ ba ekployaŋ a mbo ba Ahogbrẽ a kpo.

Otsotsa 3:20

Aŋo o ngli atuŋ o gno! Ame e tspi ayizhẽ nga e la e ta enzi ma. O wo ba arekyeŋ a gno enzi me nga a hwile me ayizhẽ le, ame é ba odne baŋ nga é ri algo ka la ŋa, nga aŋa a mbo á ri algo pa la me.

Otsotsa 3:7

Ogbgaodzi o sa o lu mi le, Aŋo o ta anwyeadga ba Eklisiya ba Efiladelfiya akpa o lu mi le, Oshpa he lo o wo oshpa la o zgi abgo ba are la a wo la esesla, nga a wo la adlidzi. Emakuli ba Adawuda e wo abgo baŋ angyiŋ. Aŋa angyiŋ a la a hwile ayizhẽ lo, nga arekyeŋ a shki lo a gbu mbo. Nga aŋa angyiŋ a la a shki lo, nga are-kyeŋ a hwile lo a gbu mbo.