Otsotsa 18:3 - Ohwihwim Olehe

³ okyku eshi aŋa a shri ami anab baŋ a shri a da moare pyeŋ, nga a da mo a kpo ayi ta la lo. Obile ogagre ba ogroayi ta la ayakplo ba eshre angyiŋ a wo ahi lo. Moanyuŋ-areŋ ba obiŋ hi, moa a kpo ayakplo ba eshre ka la ŋa. Okyku baŋ a gro ayi a gre eshri, moa la a ta ekyku obiŋ hi moa a gbu angyiŋ okyku ŋa.

Otsotsa 18:3 ပူးပေါင်းရင်းမြစ်များ

Oluka 7:25

Agimi e gre okyku o ka eshi angyiŋ? Agimi e gre okyku o ka arekyeŋ la a ygi anzho bibibli angyiŋ? Adlidzi angyiŋ moare la a ygi anzho la a wo egbmo nzenze, ta la odzudzu ba ognoraŋ, moa a wo esakpa moareŋ angyiŋ!

1 Etimoti 5:11

Aŋo o shri moashe-eshaku la a ra ola o shri o ghwo eshki ba ashko lo mbo, okyku eshi aga ba okyueble á ba mo esõ le, moa á kyu ohwihwim ba moa a hwim ta la Ekristi abgo á zga.

Otsotsa 14:8

Anwyeadga ba oha a lu anwyeadga ba ori ma nga a lu mi le, Osku ba Ababilo a sheŋ a tsi a gbu! Ababilo la a wo anyuŋ-osku, a tsi a gbu! A shri ajige baŋ a shri a da areyaŋ a mbo, nga a da mo a wa. Ami baŋ ba eshre ba ogroayi he lo, a wo oshye nzenze!

Otsotsa 17:2

Moanyuŋ-areŋ ba obiŋ hi moa a ri eshra ta la ashe-eshra la a gbu eshko he lo. Moarehwĩ ba obiŋ hi nga, moa a da ayakplo ba eshre baŋ a la a kpo a gre mo egʼba.

Otsotsa 18:19

Moa a fa obiŋ a tsiŋ eshri nga moa a wu okũ nga a gbu ogbrẽ. Moa a gbu ogbrẽ a lu mi le, Ekplo ayiekŋe! Ekplo la e ngro eshri angyiŋ e wo ta la anyuŋ-osku he lo. Osku he lo angyiŋ o shri angyiŋ o da areyaŋ a mbo la a wo la amgblami ma! O ka, ekployaŋ a mbo ba osku he lo e jygi omba ba awa akyeŋ sha!

Otsotsa 18:23

Moa á ka ayimom ba ovo osku he lo eshyẽ ku-ku nga mbo, nga enzi ba anwyeshe ta la enzi ba anwyealom la a kyu ashe, moa á gno lo osku he lo ku-ku nga mbo. Ayga moarehwĩ boŋ la a ta ekyku a wo oshye pyeŋ a gre obiŋ hi. Nga aŋo o bile moarehwĩ ba obiŋ hi pyeŋ la agum boŋ ba akpro!

Otsotsa 18:7

O shri ewu ta la esõ-etpiayi la e gre eshri angyiŋ, o shri o daŋ. Eka ba ekʼpo ta la ognoraŋ baŋ a shri a da eŋa. Okyku eshi aŋa a lu ta la eŋa a lu mi le, Ame ashe la e wo anyuŋ-areŋ e dzu eme ahe! Ame e wo ashe-eshaku angyiŋ mbo. Ame e yi esõ-etpiayi ku-ku mbo!

Otsotsa 18:9

Moanyuŋ-areŋ ba obiŋ hi la a pu ka la ŋ a ayakplo ba eshre baŋ a la a kpo, ta la ogroayi ayakplo baŋ a la a gro, moa á wu okũ omba ba moa a ka ba osku lo o ri ovo nga o zgi odzo.