Otsotsa 17:8 - Ohwihwim Olehe

⁸ Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 17:8 ပူးပေါင်းရင်းမြစ်များ

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Oluka 10:20

Ambo, agimi e kpo ovye okyku ba egbgabi a mbo e gno gimi mbo! Ambo, agimi e kpo ovye okyku ba moa a sheŋ a ta ashko bimi Ongyeŋ bgu.

Oluka 8:31

Egbgabi lo e vẽ Eyesu okyku o daŋ a kyku mo, a da mo a yi a gre enzhe la e wo mgbyimgbyimgbyiŋ mbo.

Eyohana 17:24

Ada! Aŋo o sheŋ o shri mo o da me bgu, okyku eka he ame e klo mo á dzu okro ba ame é dzu ma okyku o da mo a ka ayimom ba esesla me, ibu ayimom ba esesla boŋ o shri o da me okyku eshi aŋo o klo me ayga moa a kpo obiŋ hi.

Otum 15:18

Ahogbrẽ a su ohe lo ogbyigbyi a mo.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

Etitu 1:2

Esĩ ba onyenye he lo angyiŋ e wo okayiozhẽ ba esõ ba gbagbu-amo. Omba ba moa a kpo obiŋ hi a wo mbo, Ahogbrẽ la a la a sheŋ akpro mbo, a hwim baŋ á ba a shri edgu esõ he lo á shri á da gi.

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

Otsotsa 11:7

Ambla ba moa a su odlo lo a khwo bgu le, ebyi la e zgi enzhe la e gyuŋ mgbyimgbyimgbyiŋ, e kpo ambgu pa la mo. Aŋa á kpo á gre mo nga á bga mo.

Otsotsa 17:11

Nga ebyi la e wo ebi la e wo la esõ ma ayga he lo, e wo la esõ ma nga mbo. Alo angyiŋ e wo anyuŋ-areŋ ba ofote. Aŋa a zgi eshki mo afoha ba oriori, ambo moa a sa á bga ŋa.

Otsotsa 17:2

Moanyuŋ-areŋ ba obiŋ hi moa a ri eshra ta la ashe-eshra la a gbu eshko he lo. Moarehwĩ ba obiŋ hi nga, moa a da ayakplo ba eshre baŋ a la a kpo a gre mo egʼba.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.

Otsotsa 20:15

Areyaŋ a mbo ba moa a ta eshko baŋ akpa ba esõ mbo le, moa a shri ŋa a ta enzheovo.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.