Otsotsa 17:6 - Ohwihwim Olehe

⁶ Ame e ka e bmye ba ashe he lo a wa amanzhli ba moarehwĩ ba Ahogbrẽ ta la amanzhli ba moarehwĩ ba moa a bga mo okyku ba moa a kpaŋ odlo ba Eyesu. Amanzhli he lo a kpo ŋa ayi. Omba ba ame e ka ŋa, ame e ka egbregbre e gre eshri.

Otsotsa 17:6 ပူးပေါင်းရင်းမြစ်များ

Eyohana 2:10

Ambla he nga aŋa a bzi alom anwyeshe lo, nga a lu mi le, Areyaŋ a mbo a la a shri ami anab adzi angyiŋ a shri a da moazhẽ ori, nga ambla ba moa a wa a wyo nga, moa a la a shri ami anab la a wo ekayaŋ a mbo a shri a ba. Aŋo o kpo eshi o shri ami anab adzi o ghre nga o yi o se lo ohuhuhi ayga?

Otum 22:20

Omba ba moa a bga Estifanu la a zgi egŋe boŋ, ame e wo ma, nga ame e bmi ta la ekplo moa a kpo. Ame angyiŋ e la e kʼpu aknye moa la a bga ŋa.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 13:15

Moa a bmi okyku o da ebyi ba oha e hlu ayaŋ ba esõ e ygi ambgu ba ebyi ba ori lo, okyku o da ambgu he lo a kpo a gbu nga a kpla egba, nga okyku o da lo a bga moare la a tla okyku o hlu lo eshko.

Otsotsa 13:7

Moa a bmi okyku o daŋ a kpo ambgu pa la moarehwĩ ba Ahogbrẽ, nga okyku o daŋ a kpo a gre mo. Ambla he nga moa a shri ekʼpo eshri embreyaŋ a mbo ta la olomyaŋ a mbo, pa la moarehwĩ ba obiŋyaŋ a mbo a shri a daŋ.

Otsotsa 16:6

Moarehwĩ ba obiŋ hi a zhiŋ amanzhli ba moarehwĩ ba Ahogbrẽ a ygi a bi. Moa a zhiŋ amanzhli ba moarehwĩ ba Ahogbrẽ a hom mo otum a mbo a ygi a bi. Okyku eka he aŋo o shri amanzhli o da mo a wa. Egbre la e raŋ e gre ba moa a hwiŋ angyiŋ, moa a hwiŋ alo ohuhuhi.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.