Otsotsa 17:5 - Ohwihwim Olehe

⁵ Moa a ta eshko ba eshyẽ la e wo ogyugyuŋ ondaŋ ashe lo. Eshyẽ lo e wo, Osku ba Ababilo agagre, aŋo angyiŋ o wo animoashe pyeŋ la a ri eshra pa la moa la a tpi moarehwĩ ba obiŋ hi ayi.

Otsotsa 17:5 ပူးပေါင်းရင်းမြစ်များ

MoaEfilibi 3:19

Eygi mo e wo enzhe ba ovo angyiŋ. Okyku eshi ahogbrẽ mo angyiŋ a dzu okoklo ba egʼba. Moa a la a nyom egʼba ta la ayakplo e mbi ba alo o raŋ o gre ba moa a kpo anzi okyku lo. Nga moa a tne aga ayakplo ba obiŋ hi sha.

2 MoaEtasolonika 2:7

Ohuhuhi, Ayakplobi ba moa a ka lo a bmye mbo a la a kpo otum a mo. Ambo ekplo la e nyom lo okpo-kpo, alo é kpo mbo, o wo le moa á mu are la a nyom lo okpo-kpo á sku ozhẽ lo ayga dne.

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 11:8

Ekom mo nga é lom anyuŋ ozhẽ ba anyuŋ osku he lo. Ahe lo angyiŋ moa a gŋe Adimo-odne egŋe aki omba la o sheŋ o gre mi. Osku lo o wo eka ba osku ba Osodom o mbo le obiŋ ba Amasla.

Otsotsa 14:8

Anwyeadga ba oha a lu anwyeadga ba ori ma nga a lu mi le, Osku ba Ababilo a sheŋ a tsi a gbu! Ababilo la a wo anyuŋ-osku, a tsi a gbu! A shri ajige baŋ a shri a da areyaŋ a mbo, nga a da mo a wa. Ami baŋ ba eshre ba ogroayi he lo, a wo oshye nzenze!

Otsotsa 16:19

Anyuŋ osku he lo a gʼba eŋa egʼba etra. Nga moa a kypi esku ba obiŋ hi lo pyeŋ. Ahogbrẽ a tne aga ba anyuŋ-osku ba Ababilo. Ahogbrẽ a daŋ a wa ami anab atku baŋ he lo. Ami anab he lo a wo olom baŋ la o vu olo nzenze angyiŋ.

Otsotsa 17:1

Ambla he nga akyeŋ eshki moanwyeadga afoha la a wo la étku efoha lo, a ba okro me nga a lu mi le, O ba o da me e tsa ŋo eka ba moa á ba a nye ashe-eshra la a gbu eshko he lo eda. Aŋa angyiŋ a wo anyuŋ-osku ba moa a mbdzi lo osusku ta la éhwla nzenze.

Otsotsa 17:2

Moanyuŋ-areŋ ba obiŋ hi moa a ri eshra ta la ashe-eshra la a gbu eshko he lo. Moarehwĩ ba obiŋ hi nga, moa a da ayakplo ba eshre baŋ a la a kpo a gre mo egʼba.

Otsotsa 17:7

Anwyeadga lo a zhĩ me a lu mi le, Aŋo o ka egbregbre okyku eshi? Ame é hwile eshyẽ ba ashe he lo ta la ebyi la e wo ebi la e shri ŋa he lo é doŋ o ka. Ebyi he lo e wo la ashri afoha ta la agzo okʼpo.

Otsotsa 18:2

A ta enzi la anyuŋ enzi a lu mi le, Ashe lo a tsi a gbu! Ababilo agagre a tsi a gbu! Ohuhuhi nga ábili ta la egbgabi ba eshre sha e la e yi ibu baŋ a mo. Edgu awunuyaŋ a mbo la a wo eshre, moa a la a ta eygu mo osku lo eshyẽ,

Otsotsa 18:21

Ambla he nga anwyeadga la a wo oshye a sko ezhim la e wo eka ba anyuŋ eghwo a khwo nga a shri lo a ndba a ta anyuŋ-ondzu. Nga a lu mi le, Moa a ndba Ababilo anyuŋ-osku he lo a mbo á ta ekakahelo angyiŋ. Nga moa á ka ŋa nga mbo ku-ku!

Otsotsa 19:2

Ombgu baŋ o wo adlidzi ta la odlodzi angyiŋ! Okyku eshi aŋa a tsa ashe-eshra la a gbu eshko nga a tpi obiŋ hi ayi la ayakplo eshre baŋ, ewu. Ahogbrẽ a tsa ŋa ewu okyku baŋ a bga moawaghrẽ baŋ.

Otsotsa 7:3

Anwyeadga lo a nyuŋ mo a lu mi le, Agimi e ta obiŋ hi ta la anyuŋ-ondzu, ta la akiki etsa mbo. Agimi e da gi e bre moawaghrẽ ba Ahogbrẽ egŋe ondaŋ mo ayga.