Otsotsa 17:3 - Ohwihwim Olehe

³ Ogbgaodzi o ri oshye me, ambla he nga anwyeadga lo a shri me a gre akla. Ahe lo ame e ka ashekyeŋ a dzu edgu ebyikyeŋ la e wo ebme. Moa a ta ashko la a wo abi a bre egʼba ba ebyi la e wo ebi lo pyeŋ. Ebyi he lo e wo ashri afoha, ta la agzo okʼpo.

Otsotsa 17:3 ပူးပေါင်းရင်းမြစ်များ

Amatiyu 27:28

Moa a hwro anzho baŋ a sku ŋa egʼba a khwo nga, moa a ygi ŋa arigakyeŋ la a wo abme mlemle.

Otum 8:39

Ambla moa a zgi ami a khwo nga, Ogbgaodzi ba Ahogbrẽ o sko Efilibu o sku okro lo. Alom he lo a ka Efilibu nga mbo, ambo aŋa a gre eŋa la ovyevye.

2 MoaEtasolonika 2:4

Aŋa á tla ekployaŋ a mbo la e wo e ba Ahogbrẽ ta la ekployaŋ a mbo ba moa a la a hlu lo eshko. Aŋa á ka eŋa anyuanyuŋ a gre mo pyeŋ. Nga á yi á dzu Anyuŋ-akulu ba Ahogbrẽ nga á bzi eŋa Ahogbrẽ.

Otsotsa 1:10

Olum onda ba Adigi-odne lo nga, Ogbgaodzi o ri oshye me, nga ame e gno enzi egagre egi okũ me. Enzi he lo e zhle eka ba egbaru.

Otsotsa 12:14

Moa a shri angʼba aha ba anyuŋ asu a shri a da ashe lo okyku o daŋ o kso a yi okro ba odzuma baŋ la o wo akla. Ahe lo nga moa á kpaŋ ŋa okyku eyi etra la ogbu, okyku o da emabi e tka ŋa mbo.

Otsotsa 12:3

Egŋe-ekyeŋ e sa e zgi Ongyeŋ nganga. Emabi ebme la e wo egagre e wo ma. E wo la ashri afoha, ta la agzo okʼpo. Nga etka ba oreŋ e wo eshriyaŋ a mbo.

Otsotsa 12:6

Ashe lo a knye a gre akla. Ahe lo nga Ahogbrẽ a nyuŋ ekro a kpo okyku ŋa, okyku o da mo a kpaŋ ŋa okyku elum endgaotsko la elum ekʼpoefĩ.

Otsotsa 17:18

Ashe boŋ o ka he lo a wo anyuŋ osku la o ri ekʼpo eshri moanyuŋ-areŋ ba obiŋ hi pyeŋ.

Otsotsa 17:4

Ashe lo a ygi aknye la a wo ahwĩ mlemle ta la abme mbwi eka ba areŋ. Moa a dze anzho ba azurfa ta la ézhim la e wo la egbmo nzenze, ta la ézhim la e shka ayi aknye lo. Ashe he lo a kom etku ba azurfa obgo baŋ. Anzho la a wo eshre a bli etku lo slu. Alo angyiŋ a tsa edgu eshre baŋ a la a kpo.

Otsotsa 18:12

Arekyeŋ á gbmo azurfa o mbo le ezanariya, ta la ezhim la e wo la amgbaŋ nzenze, ta la ézhim la e shka ayi, ta la anzho mo ba elili, ta la aknye abme, ta la esiliki ta la aknye la a wo abme mbwi nga mbo. Nga arekyeŋ á gbmo ayakplo ba moa a sẽ lo la akiki la a wo adzi a gre eshri, ta la ayakplo ba moa a kpo lo la azhga enyi, ta la akiki la a wo egbmo nzenze, ta la ayakplo ba moa a kpo lo la ahwre abme, ta la ahwre, ta la ézhim la e shka ayi ba moa a bzi lo ma amablo nga mbo.

Otsotsa 18:16

Nga moa á lu mi le, Ekplo ayiekŋe! Ta la ekplo la e ngro eshri angyiŋ okyku osku ogagre he lo. Aŋa a la a bʼbu aknye ba elili la a wo ahwĩ mlemle, ta la abme mbwi eka ba areŋ. Nga aŋa a la a shki eŋa la aknye ba moa a dze azurfa, ta la ézhim la e wo la egbmo nzenze, ta la epal ma!

Otsotsa 21:10

Ogbgaodzi o ri oshye me, ambla he nga anwyeadga lo a sko me a shri a gre eshri ba anyuŋ aku. A tsa me osku ba Orushalima, alo angyiŋ o wo Osku ba Esesla. O zgi ibu ba Ahogbrẽ Ongyeŋ o ba obiŋ.

Otsotsa 4:2

Ebuebu nga Ogbgaodzi o zhiŋ o kpo ekʼpo pa la me. Ongyeŋ nga emgbakyiŋ oreŋ e wo ma, nga arekyeŋ a dzu ma.