Otsotsa 15:2 - Ohwihwim Olehe

² Ambla he nga ame e sa e ka atam ami la a shka ayi leleleŋ, nga a kŋe a bga ta la ovo. Nga ame e ka moare la a kpo a gre ebyi la e wo ebi ta la ambgu ba ebyi he lo, nga moa a kpo a gre are ba moa a shri eshko baŋ a shri a di la alamba lo. Moahi lo a tspi akaŋ atam la a shka ayi leleleŋ lo. Moa a kom égbani ba Ahogbrẽ a shri a da mo abgo.

Otsotsa 15:2 ပူးပေါင်းရင်းမြစ်များ

Amatiyu 3:11

Ame e la e kpo gimi abaptisma la amihĩ okyku o tsa ba agimi e ghwo obiŋ bgu. Ambo are la á ba a ba ambla me, aŋa á kpo gimi abaptisma la Ogbgaodzi, ta la ovo. Aŋa a wo ekʼpo a gre me, nga ame e tse ma ba ame e sko akpadga baŋ mbo.

1 Ebitru 1:7

Okũ lo o wo okyku o da mo a yi ba obmi ba adlidzi bimi o wo o ba adlidzi angyiŋ. Azurfa a mbo, la a tpi ayi a gbu, moa a la a bre lo ovo. Okyku eka he nga obmi ba adlidzi bimi la o wo la owlama o gre azurfa, alo o dzu omgbybi ba moa a bre lo, okyku o da lo o ri edzi. Ambla he nga agimi é hwiŋ ohlueshko ta la anyuanyuŋ, ta la ekʼpo Onda ba moa á ba a tsa gimi Eyesu Ekristi.

1 Ebitru 4:12

Agimi akyemeazba, agimi e da ewu ba agimi e la e kpo hi e dzu gimi ekplo egbregbre mbo. E ka eka ba ekplokyeŋ ehe angyiŋ e kpo ka la gimi mbo.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 13:1

Ambla he nga ame e ka ebyi la e wo ebi, e zgi anyuŋ-ondzu lo. E wo la agzo okʼpo ta la ashri afoha. Ekpmye-shri e wo agzoyaŋ a mbo. Moa a ta eshko ebi a bre ashri baŋ.

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 13:17

Arekyeŋ a kpo a gbu baŋ a gbmo emakyeŋ, o mbo le a shri emakyeŋ a shri a gbmo mbo, o wo le a wo la egŋe he lo ma ayga dne. Egŋe he lo e wo eshko ba ebyi la e wo ebi lo, o mbo le alamba la a wo okyku eshko ba ebyi he lo angyiŋ.

Otsotsa 21:18

Moa a mbdzi ogli lo la ézhim ba ejaspa. Moa a kpo osku he lo la azurfa ba adlidzi, alo o wo zhezheŋ eka ba eglas.

Otsotsa 4:6

Nga egi ayi ba emgbakyiŋ ba oreŋ, atam la a shka ayi omba ba olum o tra ma, a wo ma. Alo a wo tsetsetseŋ. Agbaŋyaŋ a mbo ba emgbakyiŋ ba oreŋ, ebyi enyi e tspi e ta lo e kpaŋ. Ayi a bli egi ayi mo, ta la egi okũ mo.

Otsotsa 5:8

Omba ba Anwye Ekylu a kpo eka he nga, ébyi enyi la e wo la esõ ma lo, pa la moandakʼpo ekʼpoha la anyi, moa a tsu a ygi obiŋ egi ayi baŋ. Ayaŋ a mbo eshki mo a wo la egbani ta la atku ba azurfa nga ayakplo ba moa a la a ta odzo okyku oshriondba, alo a bli atku lo slu. Alo angyiŋ o wo olu ba moarehwĩ ba Ahogbrĩ.