Otsotsa 14:4 - Ohwihwim Olehe

⁴ Moahi lo angyiŋ a wo moarehwĩ la a shri eshri mo a zga shasha, nga moa a kpo akplokyeŋ pa la moashe a ka mbo ku-ku, moa a kyu moashe a ka mbo. Moa angyiŋ la a lu Anwye Ekylu lo ma a yi okroyaŋ a mbo baŋ a la a yi. Moa a sheŋ a shla mo eshki moarehwĩ. Nga moa angyiŋ a wo moarehwĩ ba moa a shri mo a ndba Ahogbrẽ ta la Anwye Ekylu ori.

Otsotsa 14:4 ပူးပေါင်းရင်းမြစ်များ

Amatiyu 19:12

Ayakplo andandandim la a nyom moare o kyu ashe a wo ma. Moabze, okyku moa a buŋ eble, moabze, okyku moa a hrẽ mo, moabze nga okyku moa a, klo o kpo otum okyku Oreŋ Ongyeŋ. Areyaŋ a mbo la a kpo a gbu, a yga onyenye he lo.

Amatiyu 25:1

Onda mi lo, Oreŋ Ongyeŋ ó dzu eka moanwyeshe okʼpo la a bli émgbuovo mo la awargi, nga a kso a gre okyku o tsa anwyealom ozhẽ.

Amatiyu 8:19

Arekyeŋ la a nye odaŋ a ba okro ba Eyesu nga a lu mi le, Andakʼpo, ame e shri esõ me e zga, okyku o yi okroyaŋ a mbo boŋ ó ba o yi.

Eyohana 10:27

Ékylu me e la e ngli atuŋ e gno enzi me, ame e yi mo nga moa a la a lu me ma.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Eyohana 13:37

Ebitru a zhĩ ŋa a lu mi le, Adigi-odne, eshi é ba e nyom me o lu ŋo ma ohuhuhi? Ame é shri eshri me é di okyku o kpu okyku ŋo!

Eyohana 8:12

Eyesu a lu pa la mo nganga a lu mi le, Ame angyiŋ e wo Ayimom ba Obiŋ hi. Areyaŋ a mbo la a lu me ma á hwiŋ ayimom ba eso, nga aŋa á dzi evbu nga mbo.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

1 MoaOkorinti 16:15

Agimi e sheŋ e yi odlo eshri ba Estifanu pa la moa-odne baŋ. Moa angyiŋ a wo moarehwi ba oriori eshki moaEgrise la a shiŋ a lu Ekristi ma, nga moa a shri eshri mo a da Ahogbrẽ okyku otum baŋ. Ame e vẽ gimi anáŋ,

1 MoaOkorinti 6:20

Aŋa a gbmo gimi la ekplo la e wo la egbmo nzenze, okyku eka he agimi e shri egʼba bimi e kpo otum okyku o hlu Ahogbrẽ eshko.

1 MoaOkorinti 7:28

Ambo aŋo o kpo odlobi angyiŋ mbo o wo boŋ o kyu ashe. Nga o wo ba ashe a kyu alom le, aŋa a kpo odlobi angyiŋ mbo. Ambo ame e klo e fa ewu ba elulum ba moa edgu he lo a la a kpo e ra angyiŋ.

2 MoaOkorinti 11:2

Ame e wo la oklo nzenze eso me okyku gimi, eka ba Ahogbrẽ a mbo a wo la oklo nzenze eso baŋ okyku gimi. Agimi e wo eka eyi anwyeshe ba adlidzi ba ame e kpo eshra baŋ e zga arekyeŋ la a ri Ekristi.

MoAfisu 1:14

Ogbgaodzi angyiŋ o wo ozhezheŋ ba agi é ba e hwiŋ ekplo ba Ahogbrẽ a hwim a zga ma okyku moarehwĩ baŋ. Aŋa a shĩ gi ba Ahogbrẽ á ba a shri odzudum la o bli á ba a shri á da moare la a wo moarehwĩ baŋ. E da gi e hlu eshko baŋ la ovyevye!

MoAfisu 5:27

okyku o da Eklisiya e dzu e baŋ, la egʼba edzadzi, la okyekye, la akpu mbo, la akpa abi mbo, o mbo le akpyli, o mbo le osheŋonye mbo.

1 Etimoti 4:3

Moa edgu moare he lo a la a nye moare a lu ma alo o wo odzi ba moa a kyu ashe mbo, nga o raŋ o gre ba moa a ri edgu algokyeŋ mbo. Ambo Ahogbrẽ angyiŋ a kpo algo pyeŋ okyku o da mo a ri, ambla ba moa la a bmi ba adlidzi ka la ŋa nga a yi adlidzi, moa a vye la ŋa okyku lo.

MoaIbrani 12:23

Agimi e ba eshki la e wo la ovye ma angyiŋ. Eshki he lo e wo moanwye andakʼpo ba Ahogbrẽ. Moa a ta ashko mo akpa la a wo Ongyeŋ. Agimi e ba okro ba Ahogbrẽ la a wo are la a sõ moarehwĩ pyeŋ ombgu. Nga agimi e ba eshki esõ ba moarehwĩ pyeŋ ba odlodzi la a sheŋ a bli zhezheŋ.

Eyakubu 1:18

La oklo ba esõ baŋ angyiŋ, a kpo gi ozhẽ ba odlo ba adlidzi okyku o da gi e hwiŋ okro ba anyuanyuŋ angyiŋ e dzu ma eshki ba ayakplo pyeŋ baŋ a kpo.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 21:22

Ambo ame e ka Anyuŋ-akulu osku lo mbo, okyku eshi Adigi-odne Ahogbrẽ la a wo ekʼpo pyeŋ, ta la Anwye Ekylu angyiŋ, moa a wo Anyuŋ-akulu ba osku lo.

Otsotsa 21:23

Osku he lo o klo ayimom ba olum ta la ayimom ba ohwa mbo, okyku eshi ayimom ba esesla ba Ahogbrẽ a la a tra osku he lo, nga Anwye Ekylu angyiŋ a wo emgbuovo ba osku he lo.

Otsotsa 3:4

Ambo moakyeŋ eshki bimi fi osku ba Esadi, moa a kpaŋ aknye mo a da lo a bili la erum mbo. Agimi é dzi pa la me la ariga akyle, okyku eshi agimi e tse ma ba agimi e kpo eka he lo.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.