Otsotsa 14:3 - Ohwihwim Olehe

³ Moa a tspi a zhiŋ ayi a ka emgbakyiŋ oreŋ ta la ébyi enyi pa la moandakʼpo, moa a fu abmo alahe, arekyeŋ a mbo a nye lo a gbu mbo, o wo le moare ezbi endga, la ekʼpoenyi la anyi lo sha. Moa a sheŋ a shla moahi lo a sku obiŋ hi bgu.

Otsotsa 14:3 ပူးပေါင်းရင်းမြစ်များ

1 MoaOkorinti 1:18

Okyku eshi oshpa ba Ekristi a kpu egŋe aki, o wo akplo-kyeŋ angyiŋ pa la moa la a tpi ayi mbo, ambo alo o wo ekʼpo ba Ahogbrẽ angyiŋ pa la moa la a hwiŋ oshla lo.

1 MoaOkorinti 2:14

Ambo are la a wo la Ogbgaodzi ma mbo le, aŋa a kpo a gbu baŋ a yga ototno la o zgi okro ba Ogbgaodzi ba Ahogbrẽ he lo o ba mbo. A kpo a gbu baŋ a ka lo a bmye mbo ku-ku. Alo o dzu o ba adro angyiŋ ka la ŋa, okyku eshi are a kpo a gbu baŋ a ka olbi mo a bmye ozhẽ ba Ogbgaodzi sha.

Otsotsa 14:1

Ambla he nga ame e zhiŋ e ka nga, ame e ka Anwye Ekylu a tspi Aku ba Ezayoŋ. Moarehwĩ ezbi endga la ekʼpoenyi la anyi a tspi ka la ŋa ma. Moa a ta eshko baŋ ta la eshko ba Adaŋ ondaŋ mo.

Otsotsa 15:3

Moa a la a fu abmo ba Omusa la a wo awaghrẽ ba Ahogbrẽ ta la abmo ba Anwye Ekylu lo. Moa a fu abmo a lu mi le, Adigi-odne, Ahogbrẽ la a wo ekʼpo pyeŋ, Otum boŋ o kpo o wo ogagre nga o wo egbregbre nzenze! Aŋo Anyuŋ-areŋ ba moarehwĩ ba obiŋ hi pyeŋ, Ozhẽ boŋ o wo shasha nga o wo adlidzi o gre eshri!

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

Otsotsa 7:4

Nga moa a tsi eygi ba moare ba moa a bre mo la egŋe ba Ahogbrẽ ondaŋ a da me. Moa a wo ézbi endga la ekʼpoenyi la anyi angyiŋ. Moa a zgi egu pyeŋ ba Esrayila.