Otsotsa 13:8 - Ohwihwim Olehe

⁸ Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 13:8 ပူးပေါင်းရင်းမြစ်များ

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Oluka 10:20

Ambo, agimi e kpo ovye okyku ba egbgabi a mbo e gno gimi mbo! Ambo, agimi e kpo ovye okyku ba moa a sheŋ a ta ashko bimi Ongyeŋ bgu.

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoaEfilibi 4:3

Aŋo are ba adlidzi la o kpo otum pa la me nga, ame e klo boŋ o kpo o ghwo la moashe he lo, okyku eshi moa a kpo otum ngre pa la me okyku o ngla Oshpaodzadzi he lo, pa la Eklimeti, pa la moahwõ la a kpo otum pa la me. Ashko mo a wo akpa ba esõ ba Ahogbrẽ.

Etitu 1:2

Esĩ ba onyenye he lo angyiŋ e wo okayiozhẽ ba esõ ba gbagbu-amo. Omba ba moa a kpo obiŋ hi a wo mbo, Ahogbrẽ la a la a sheŋ akpro mbo, a hwim baŋ á ba a shri edgu esõ he lo á shri á da gi.

Otsotsa 12:15

Ambla he nga emabi egagre lo e da ami a zgi anyu baŋ a dzẽ a lu ashe lo ma eka ba ondzu, okyku o da oshye ba ami la a dzẽ lo o shri ŋa o yi ero.

Otsotsa 13:12

E kpo otum ta la anyuŋ ekʼpo ba ebyi la e wo ebi ba ori he lo egi ayi baŋ. Nga e vu obiŋ hi, pa la moarehwĩ ba obiŋ hi e da mo a hlu ebyi ba ori eshko. Ebyi ba ori he lo e wo ero la e ngro eshri ma, ambo e sheŋ e shaŋ.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 21:27

Ambo ekplo-kyeŋ ba eshre é gre é yi osku he lo eshyẽ mbo ku-ku. Are la a la a kpo ayakplo ba anzi ta la are la a sheŋ akpro, á yi osku he lo mbo. O wo le moarehwĩ ba moa a ta ashko mo akpa ba esõ, ba Anwye Ekylu lo dne á ba a yi osku he lo.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 3:20

Aŋo o ngli atuŋ o gno! Ame e tspi ayizhẽ nga e la e ta enzi ma. O wo ba arekyeŋ a gno enzi me nga a hwile me ayizhẽ le, ame é ba odne baŋ nga é ri algo ka la ŋa, nga aŋa a mbo á ri algo pa la me.

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.

Otsotsa 5:12

Nga moa a fu ambo la anyuŋ enzi a lu mi le, Anwye Ekylu ba moa a bga lo a tse ma baŋ a hwiŋ Ekʼpo ta la angyiŋ, ta la okaobmye, ta la oshye, Ta la esesla, ta la ohlueshko!

Otsotsa 5:13

Nga ame e gno ba areyaŋ a mbo la a wo Ongyeŋ ta la obiŋ hi, ta la obiŋ ba egi eshyẽ, ta la emayaŋ a mbo la e wo ami, ta la emayaŋ a mbo la e wo obiŋ hi lo pyeŋ, moa a la a fu abmo a lu mi le, Aŋa la a la a dzu emgbakyiŋ ba oreŋ ta la Anwye Ekylu lo, Ohlueshko ta la esesla, ta la ekʼpo, Moa a dzu a mo gbagbu gbagbu-amo!

Otsotsa 6:1

Ambla he nga ame e ka Anwye Ekylu, a hwile onono ibu ba ori eshki ba onono ofoha ba moa a reŋ. Nga ame e gno enzi ba ebyi ekyeŋ eshki ba ébyi enyi he lo. E lu odlo la enzi ba angyum-ogbu e lu mi le, Aŋo o ba!