Otsotsa 13:6 - Ohwihwim Olehe

⁶ Alo e ta ogbukyu o ygi Ahogbrẽ, nga e dzĩ eshko ba Ahogbrẽ, nga e dzĩ okro ba Ahogbrẽ a dzu ma pa la moarehwĩ baŋ la a dzu ma Ongyeŋ.

Otsotsa 13:6 ပူးပေါင်းရင်းမြစ်များ

Amatiyu 12:34

Agimi emabi, agimi e kpo anyu é ba e lu odlodzi, okyku eshi agimi e wo moare ba odlobi angyiŋ? Okyku eshi anyu a la a lu ekplo la e wo esõ angyiŋ e ba edzi.

Amatiyu 15:19

Esõ arehwĩ eshyẽ nga, aga ba o kpo ayakplobi eka o bga ebga, ta la o ri eshra, ta la o kpo ayakplo ba eshre, ta la o kpo ogʼga, ta la o sheŋ akpro, ta la o tpi eshko moare ayi, a wo ma.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

MoaOroma 3:13

Ohwlo mo o wo eka ba engu ba moa hwile lo. Akpro sha a la a zgi anyu mo. Odlo eka ekpre ba emabi angyiŋ o la o zgi anyu mo.

MoaOkolosi 1:19

Anwye lo eshrishri eŋa a hwiŋ edgu odzudzu ba Ahogbrẽ zhezheŋ okoklo ba Ahogbrẽ angyiŋ.

MoaOkolosi 2:9

Okyku eshi okro ba Ekristi, okro odzudzu baŋ ba arehwĩ, odzudzu ba Ahogbrẽ nga o wo ma esõ baŋ.

MoaIbrani 9:2

Moa a ta abro. Enjygu ba egi edzi, moa a bzi lo ma Enjygu ba Esesla. Amgbu ovo, ta la eteblo, ta la agbrotsa ba moa a shri a ndba Ahogbrẽ moa a wo eshyẽ ahe lo angyiŋ.

MoaIbrani 9:24

Okyku eshi Ekristi a gre Enjygu ba Esesla ba moarehwĩ angyiŋ a kpo lo mbo. Enjygu lo e zgi okro ba adlidzi e zgi sha angyiŋ. A gre Ongyeŋ lo angyiŋ. Ahe lo a la a tspi egi ayi ba Ahogbrẽ okyku gi ohuhuhi.

Otsotsa 11:12

Ambla he nga moarehwĩ aha ba Ahogbrẽ a hom mo otum he lo, moa a gno ba anyuŋ enzi e zgi Ongyeŋ e lu odlo pa la mo. Alo e lu mi le, Agimi e vre e ba ahe! Omba ba moafpu mo a la a kpyi ayi a la a ka dzo nga, moa aha lo moa a vre a gre Ongyeŋ la etabro.

Otsotsa 12:12

Okyku eka he nga, agimi ongyeŋ pyeŋ, ka la gimi la e dzu ma, agimi e kpo ovye! Ambo ekplo ayiekŋe ta la obiŋ ta la anyuŋ-ondzu! Okyku eshi Areabi a gile a ba okro bimi. A bli la olom, okyku eshi aŋa a yi baŋ a wo la omba ple sha angyiŋ a ra ŋa a mo.

Otsotsa 15:5

Ambla he nga ame e ka Anyuŋ-akulu la a wo Ongyeŋ a hwile, nga ame e ka abro ba Ahogbrẽ a dzu ma Anyuŋ-akulu lo.

Otsotsa 18:20

Ekployaŋ a mbo la e wo Ongyeŋ, e kpo ovye okyku ba moa a jygi osku he lo! Agimi arehwĩ ba Ahogbrẽ pa la moa la a nyum oshpa, pa la moarehwĩ ba Ahogbrẽ a hom mo otum, e kpo ovye! Okyku eshi Ahogbrẽ a sõ ashe lo ombgu okyku ayakplo ba osku he lo o kpo gimi!

Otsotsa 21:3

Ame e gno enzi egagre la e zgi okro ba emgbakyiŋ ba oreŋ e la e lu odlo. E lu mi le, Ohuhuhi, odne ba Ahogbrẽ o wo pa la moarehwĩ angyiŋ a mo! Aŋa á dzu pa la mo nga moa á dzu moarehwĩ baŋ. Ahogbrẽ ababgo baŋ a mbo á dzu pa la mo, nga aŋa á dzu Ahogbrẽ mo.

Otsotsa 4:1

Omba he lo nga, ame e sa e ka edgu okokakyeŋ nganga. Ame e ka ayizhẽ a hwile. Nga enzi la e zhle eka ba egbaru, e la e lu odlo pa la me ayga, e lu mi le, O vre o ba ongyeŋ ahe, nga ame e tsa ŋo ekplo la é ba e kpo ambla ba ohi lo o kpo.

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

Otsotsa 5:13

Nga ame e gno ba areyaŋ a mbo la a wo Ongyeŋ ta la obiŋ hi, ta la obiŋ ba egi eshyẽ, ta la emayaŋ a mbo la e wo ami, ta la emayaŋ a mbo la e wo obiŋ hi lo pyeŋ, moa a la a fu abmo a lu mi le, Aŋa la a la a dzu emgbakyiŋ ba oreŋ ta la Anwye Ekylu lo, Ohlueshko ta la esesla, ta la ekʼpo, Moa a dzu a mo gbagbu gbagbu-amo!

Otsotsa 7:15

Okyku eka he angyiŋ, moa a tspi egi ayi ba emgbakyiŋ oreŋ ba Ahogbrẽ, nga moa a la a hlu ŋa eshko anyuŋ-akulu baŋ la olulum ta la okyukyku. Are la a dzu emgbakyiŋ ba oreŋ he lo, aŋa ababgo baŋ á kpaŋ mo la ekʼpo baŋ.

Otsotsa 7:9

Ambla he ame e zhiŋ ayi nga ame e ka eshki nzenze. Arekyeŋ a tsi moare la a wo eshki lo a gbu mbo! Moa a zgi obiŋyaŋ a mbo ta la embreyaŋ a mbo, ta la olomyaŋ a mbo. Nga moa a tspi egi ayi ba emgbakyiŋ ba oreŋ, ta la egi ayi ba Anwye Ekylu. Moa a ygi ariga akyle angyiŋ. Nga moa a kom ánjyge elgi abgo mo.