Otsotsa 12:9 - Ohwihwim Olehe

⁹ Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 12:9 ပူးပေါင်းရင်းမြစ်များ

Amatiyu 13:39

Afpu la a ba a fu eyi lo, aŋa a wo Areabi ababgo baŋ. Oyoyla nga o dzu eka onda ba obiŋ hi ó khwo. Moa la a yla algo lo nga, moa angyiŋ a wo moanwyeadga ba Ahogbrẽ.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Amatiyu 4:1

Ambla he nga, Ogbgaodzi o da Eyesu a gre akla okyku o da Areabi a mbga ŋa a ka.

Amatiyu 4:10

Omba he lo Eyesu a tno ŋa ma a lu mi le, Aŋo Eshitaŋ o ngʼba o sku me! Okyku eshi Odlo Ahogbrẽ o lu mi le, O hlu Adigi-odne Ahogbrẽ boŋ sha eshko, nga o lu ŋa ma!

Amatiyu 4:5

Ambla he nga Areabi a sko Eyesu a shri a gre osku ba Esesla. Aŋa a shri ŋa a zga eshri Anyuŋ-akulu la a si a gre pyeŋ.

Amatiyu 4:8

Ambla he nga Areabi, a sko ŋa a shri a gre anyuŋ akũ, nga a tsa ŋa ereŋ andandandim ba obiŋ hi mvye, la ekekʼpo mo.

Oluka 10:18

Eyesu a tno mo ma a lu mi le, Ame e ka Eshitaŋ a mbo e gile e zgi ongyeŋ e ba obiŋ hi eka ayimom ba angyum-ogbu.

Oluka 13:16

Agimi e ka are ba ogu ba Ebrahim hi, Eshitaŋ e vu ŋa e dze okyku eyi okʼpoefote a mo. O wo odzi angyiŋ ba moa a ngla ŋa ewu baŋ onda Asabat mbo?

Oluka 22:3

Ambla he nga Eshitaŋ e gre eso Eyahuda la a ri Eskariyoti. A wo akyeŋ eshki moanwyeotum otsko.

Oluka 22:31

Esima, Esima! O ngli atuŋ o gno! Eshitaŋ e yga ekʼpo okyku o mbga ŋo eka ba areagbi a la a sla eyi esekʼpa a la a sku asusku.

Oluka 8:12

Eyi la e gro e gbu ozhẽ e dzu eka moare la a yga odlo ba Ahogbrẽ a khwo nga, ba Eshitaŋ e ba e ngʼga lo e sku mo. Nga, e nyom mo a bmi ba adlidzi okyku o da mo a hwiŋ oshla mbo.

Eyohana 12:31

Omba he angyiŋ moa á ba a sõ obiŋ hi ombgu. Omba he lo angyiŋ moa á ba a kypi areŋ ba obiŋ hi.

Eyohana 14:30

Ame e kpo e gbu ba ame e lu ekplokyeŋ ka la gimi ohuhuhi nga mbo, okyku eshi areŋ ba obiŋ hi a ba a mo. A wo ekʼpo eshri me mbo ku-ku.

Eyohana 16:11

Aŋa á da mo a ka ombgu ba Ahogbrẽ a bmye okyku eshi moa a sheŋ a sõ areŋ obiŋ hi ombgu bgu.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

Otum 5:3

Ebitru a nyuŋ ŋa a lu mi le, Ahananiya, okyku eshi aŋo o da Eshitaŋ anvaŋ o daŋ a la a kpo otum eso boŋ, nga aŋo o sheŋ Ogbgaodzi akpro angyiŋ omba boŋ o fa amgbaŋ lo o ra o ghre?

MoaOroma 16:18

Okyku eshi moa la a kpo eka he lo, moa a la a lu Ekristi Adigi-odne angyiŋ e ma mbo, ambo moa a lu eshri emo angyiŋ. Moa a la a lu arareŋ odlo nga moa a la a bile moarehwi la a wo la adlidzi ma.

MoaOroma 16:20

O wo bimi e la e tspi eka he angyiŋ le, Ahogbrẽ á ngli ayga á ba a sha Eshitaŋ adga bimi mbo. Okpoghwo ba Adigi-odne Eyesu o dzu ka la gimi.

2 MoaOkorinti 11:14

E ka, alo o wo ekplo ba egbregbre mbo! Eshitaŋ a mbo e kpo e gbu baŋ a zhiŋ eshri baŋ a da lo e dzu eka ba anwyeadga ba ayimom!

2 MoaOkorinti 11:3

Ame e wo la eyli okyku ba aga eso bimi á zhiŋ á dzu la eshre, nga ba agimi é kyu oklo la o bli abgo. O wo o ba adlidzi angyiŋ okyku Ekristi. Ekakahelo a mi emabi e bile Ahawawu la eda ba akpro.

2 MoaOkorinti 12:7

Moa a da ezga ba egʼba e hwiŋ me, ahe lo e la e kpo otum eka anwyeadga ba Eshitaŋ. Moa a da lo e hwiŋ me okyku o da me e nyom onyomegʼba okyku ayakplo ba egbregbre ba ame e ka lo mbo, nga okyku o yla me andzu nga o nyom me onyomegʼba.

2 MoaOkorinti 2:11

okyku o da Eshitaŋ e kpo e gre gi mbo, okyku eshi agi e yi edgu eda baŋ a la a kpo ka la gi.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

2 MoaEtasolonika 2:3

Ambo agimi anáŋ, e da arekyeŋ a bile gimi ku-ku mbo. Okyku eshi Olum he lo ó ba a wo mbo, o wo le Osomokroayi ba amom-abgo ó ba ayga dne, nga Areabi á ra á tspa, nga la á ba a yi enzheovo.

1 Etimoti 2:14

Nga moa a bile Adamu angyiŋ mbo, ambo moa a bile ashe baŋ angyiŋ a daŋ a pre odaŋ ba Ahogbrẽ.

2 Etimoti 3:13

Ambo moarehwĩ ba odlobi pa la moarehwĩ la a la a bile moare, moa á tpi ayi á ta ma o ta-ta. Moa á bile moare, nga moare a mbo á sa á bile emo.

MoaIbrani 2:14

Eka ba alo o wo moarehwĩ baŋ a bzi mo ma moanwye baŋ, moa a wo moarehwĩ ba ebyi ta la amanzhli angyiŋ. Eyesu a mbo a zhiŋ a dzu eka mo, nga a pu pa la mo edgu odzudzu ba arehwĩ. A kpo eka he lo okyku o daŋ a bga Eshitaŋ okro ba eku baŋ a kpu. Eshitaŋ he lo e wo ekʼpo ba eku ma.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

1 Eyohana 5:19

Agi e yi ba agi e wo moanwye ba Ahogbrẽ angyiŋ. Nga obiŋ hi pyeŋ o wo abgo ba ekʼpo ba Areabi.

Eyahuda 1:9

Amakle la a wo anyuŋ-andakʼpo ba moanwyeadga ba Ahogbrẽ a mbo a kpo eka he lo mbo. Omba baŋ a la a kla okom ba Omusa ta la Eshitaŋ, okyku o da mo a yi are la á ba a sko lo, Amakle a dzĩ Eshitaŋ mbo. Ambo aŋa a lu ta la Eshitaŋ a lu mi le, Adigi-odne á tsa ŋo ewu!

Otsotsa 12:12

Okyku eka he nga, agimi ongyeŋ pyeŋ, ka la gimi la e dzu ma, agimi e kpo ovye! Ambo ekplo ayiekŋe ta la obiŋ ta la anyuŋ-ondzu! Okyku eshi Areabi a gile a ba okro bimi. A bli la olom, okyku eshi aŋa a yi baŋ a wo la omba ple sha angyiŋ a ra ŋa a mo.

Otsotsa 12:3

Egŋe-ekyeŋ e sa e zgi Ongyeŋ nganga. Emabi ebme la e wo egagre e wo ma. E wo la ashri afoha, ta la agzo okʼpo. Nga etka ba oreŋ e wo eshriyaŋ a mbo.

Otsotsa 12:7

Ambla he nga eko e kso Ongyeŋ! Amakle pa la moanwyeadga la a wo ka la ŋa moa a ta eko ta la emabi egagre he lo. Emabi lo a mbo e ta eko pa la moanwyeadga baŋ.

Otsotsa 12:8

Ambo moa a kpo a gre emabi lo. Ambla he nga moa a se ŋa pa la moanwyeadga baŋ a sku Ongyeŋ.

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 16:14

Egbga ba eshre etra he lo e wo egbga ba ábili la a kpo ayakplo ba egbregbre. Egbga etra he lo e zgi e gre ekro moanyuŋ-areŋ obiŋ hi pyeŋ, okyku o pla mo o shki okyku eko ba moa á ba a ta anyuŋ olum onda ba Ahogbrẽ ba ekʼpo pyeŋ.

Otsotsa 18:2

A ta enzi la anyuŋ enzi a lu mi le, Ashe lo a tsi a gbu! Ababilo agagre a tsi a gbu! Ohuhuhi nga ábili ta la egbgabi ba eshre sha e la e yi ibu baŋ a mo. Edgu awunuyaŋ a mbo la a wo eshre, moa a la a ta eygu mo osku lo eshyẽ,

Otsotsa 18:23

Moa á ka ayimom ba ovo osku he lo eshyẽ ku-ku nga mbo, nga enzi ba anwyeshe ta la enzi ba anwyealom la a kyu ashe, moa á gno lo osku he lo ku-ku nga mbo. Ayga moarehwĩ boŋ la a ta ekyku a wo oshye pyeŋ a gre obiŋ hi. Nga aŋo o bile moarehwĩ ba obiŋ hi pyeŋ la agum boŋ ba akpro!

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 2:24

Ambo agimi ahwõ la e ra Etatira agimi e bmi ta la edgu onyenye ba eshre he lo mbo. Agimi e nye ayakplo ba moahwõ a la a bzi lo ma onyenye la o wo ogyugyuŋ ba Eshitaŋ ko mbo. Okyku eka he ame e da ewukyeŋ e hwiŋ gimi mbo.

Otsotsa 2:9

A lu mi le, Ame e yi ewu boŋ, nga ame e yi boŋ o wo la ekŋe ma. Ambo egyagi a mbo, aŋo o wo are ba angyiŋ angyiŋ! Ame e yi edgu ayakplo ba ototno ba edgu moarehwĩ la a la a bzi emo ma moaEyahuda, a lu eshri bimi. Ambo moa a wo moaEyahuda angyiŋ mbo. Moa a wo eshki ba moarehwĩ ba Eshitaŋ angyiŋ!

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 20:8

Nga á yi okroyaŋ a mbo obiŋ hi, nga á bile moarehwĩ ba obiŋ hi pyeŋ. Moarehwĩ he lo angyiŋ a wo Ogogu ta la Amagogu. Eshitaŋ é shri mo pyeŋ é ba okyku o da mo a ta eko. Moa a wo nzenze eka ba endase ba akaŋ anyuŋ-ondzu.

Otsotsa 3:9

Aŋo o ngli atuŋ o gno! Eshri eshki moarehwĩ mi la a wo a ba Eshitaŋ, moa la a sheŋ akpro ma moa a wo moaEyahuda ambo moa a wo moaEyahuda angyiŋ mbo, ame é da mo a ba egi ayi bimi moa á tsi a gbu obiŋ nga á hlu gimi eshko. Pyeŋ mo moa á yi ba ame e klo ŋo.

Otsotsa 9:1

Ambla he nga anwyeadga ba otno a hlu egbaru baŋ. Ame e ka eyi enzo e gʼbu e zgi ongyeŋ e gbu obiŋ. Moa a shri emakuli ba enzhe la e gyuŋ mgbyimgbyimgbyiŋ a shri a daŋ.

Otsotsa 9:20

Moarehwĩ ba obiŋ hi la a ra, ba ewu he lo e bga mo mbo, moa a ka a ngʼba a sku ayakplo ba mo ababgo mo a kpo mbo. Moa a ka a ngʼba a sku egbga ba moa a la a hlu mo eshko mbo. Nga moa a ka a ngʼba a sku okpko ba azurfa ta la ezanariya, ta la agbro, ta la ezhim, ta la aki, ba moa a la a hlu mo eshko mbo. Okpko o wo la ayi ba moa a ka a gbu mbo, nga moa a wo la atuŋ ba moa a gno mbo, nga moa a dzi a gbu mbo.