Otsotsa 12:8 - Ohwihwim Olehe

⁸ Ambo moa a kpo a gre emabi lo. Ambla he nga moa a se ŋa pa la moanwyeadga baŋ a sku Ongyeŋ.

Otsotsa 12:8 ပူးပေါင်းရင်းမြစ်များ

Amatiyu 16:18

Okyku eka he ame e lu e doŋ, Ebitru, aŋo o wo ezhim angyiŋ. Nga ame é mbdzi akulu me ezhim hi lo. Eku a mbo é kpo é gbu ba alo é ba e kpo é gre lo mbo.

Otum 1:25

okyku o daŋ a sko otum ba onyumoshpa ba Eyahuda a dzu a zga nga a gre okro baŋ a wo ba alo.

Eyahuda 1:6

Agimi e tne aga eshri ba moanwyeadga ba ongyeŋ la a tspi okro ba ekʼpo mo e ygi ma sha mbo. Ambo moa a dzu okro moa a dzu ma a zga. Ahogbrẽ a sheŋ a klu mo a ta evbu ba obiŋ hi eshyẽ. Okro lo o hwĩ evbu o gre eshri. Moa a ta mo aslika la a shye nzenze, nga moa a dzu a bli Onda ba moa á sõ mo ombgu dne a mo.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 12:7

Ambla he nga eko e kso Ongyeŋ! Amakle pa la moanwyeadga la a wo ka la ŋa moa a ta eko ta la emabi egagre he lo. Emabi lo a mbo e ta eko pa la moanwyeadga baŋ.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.