Otsotsa 12:7 - Ohwihwim Olehe

⁷ Ambla he nga eko e kso Ongyeŋ! Amakle pa la moanwyeadga la a wo ka la ŋa moa a ta eko ta la emabi egagre he lo. Emabi lo a mbo e ta eko pa la moanwyeadga baŋ.

Otsotsa 12:7 ပူးပေါင်းရင်းမြစ်များ

Amatiyu 13:41

Anwye Arehwĩ á kpo nga á hom moanwyeadga baŋ otum á da mo a sla moa la a da moare a kpo odlobi, pa la pyeŋ moa la a kpo odlobi la a wo Oreŋ baŋ.

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Amatiyu 26:53

Aŋo o yi mbo? O wo ba ame e vẽ Adugu ohuhuhi, a kpo a gbu baŋ a shri eshki moanwyeadga la e gre otsko, a da mo a ba a kpo a ghwo la me.

2 MoaOkorinti 12:7

Moa a da ezga ba egʼba e hwiŋ me, ahe lo e la e kpo otum eka anwyeadga ba Eshitaŋ. Moa a da lo e hwiŋ me okyku o da me e nyom onyomegʼba okyku ayakplo ba egbregbre ba ame e ka lo mbo, nga okyku o yla me andzu nga o nyom me onyomegʼba.

MoAfisu 6:12

Okyku eshi agi e la e ta eko pa la moarehwĩ angyiŋ mbo, ambo agi e la e ta eko ta la ekʼpo ba egbga ebi la e wo ahrẽ angyiŋ. Moa a wo moa la a ri ekʼpo, ta la ekʼpo nzenze la e wo ahrẽ, ta la egbga ebi la e la e ri ekʼpo obiŋ hi la o hwĩ evbu he lo.

2 MoaEtasolonika 1:7

Nga aŋa á shri odzudum á da gimi la e la e kpo ewu, nga á shri odzudum á da gi a mbo. Aŋa á kpo ohe lo omba ba Adigi-odne Eyesu a zgi Ongyeŋ a ba. Eyesu á ba la moanwyeadga baŋ la a wo la ekʼpo a gre eshri,

MoaIbrani 2:10

O wo shasha angyiŋ okro ba Ahogbrẽ la a kpo ekployaŋ a mbo nga a la a kpaŋ lo. Aŋa a kpo eka he okyku o da Eyesu a bli shasha okro ba ewu lo, okyku o da moare nzenze a pu ekekʼpo baŋ he lo ka la ŋa. Okyku eshi Eyesu angyiŋ a wo are la a tsa mo ozhẽ ba oshla he lo.

2 Ebitru 2:4

Okyku eshi Ahogbrẽ a ka a dzu moanwyeadga la a kpo odlobi a mbo a zga mbo ku-ku. Ambo a shri mo a shri a ygi enzheovo. Ahe lo, moa a ta mo aslika a ygi evbu, nga moa a dzu a bli Olum onda ba Ombgu lo.

Eyahuda 1:9

Amakle la a wo anyuŋ-andakʼpo ba moanwyeadga ba Ahogbrẽ a mbo a kpo eka he lo mbo. Omba baŋ a la a kla okom ba Omusa ta la Eshitaŋ, okyku o da mo a yi are la á ba a sko lo, Amakle a dzĩ Eshitaŋ mbo. Ambo aŋa a lu ta la Eshitaŋ a lu mi le, Adigi-odne á tsa ŋo ewu!

Otsotsa 12:8

Ambo moa a kpo a gre emabi lo. Ambla he nga moa a se ŋa pa la moanwyeadga baŋ a sku Ongyeŋ.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 13:7

Moa a bmi okyku o daŋ a kpo ambgu pa la moarehwĩ ba Ahogbrẽ, nga okyku o daŋ a kpo a gre mo. Ambla he nga moa a shri ekʼpo eshri embreyaŋ a mbo ta la olomyaŋ a mbo, pa la moarehwĩ ba obiŋyaŋ a mbo a shri a daŋ.

Otsotsa 20:2

A vu emabi egagre, alo angyiŋ a wo atsoŋ emabi he lo. Alo angyiŋ a wo Areabi ta la Eshitaŋ. Anwyeadga he lo a ta ŋa agbu okyku eyi ezbi.