Otsotsa 12:3 - Ohwihwim Olehe

³ Egŋe-ekyeŋ e sa e zgi Ongyeŋ nganga. Emabi ebme la e wo egagre e wo ma. E wo la ashri afoha, ta la agzo okʼpo. Nga etka ba oreŋ e wo eshriyaŋ a mbo.

Otsotsa 12:3 ပူးပေါင်းရင်းမြစ်များ

Otsotsa 12:1

Egŋe egagre e zgi Ongyeŋ. Ashekyeŋ la a ygi ariga la a wo olulum, a wo ma. Nga ashe he lo a pre ohwa adga. Nga éyi enzo otsko e wo etka baŋ.

Otsotsa 12:13

Omba ba emabi egagre lo e ka e tspi ba moa a shri ŋa a ndba a ta obiŋ, a zga esĩ o kyku ashe la a mbre anwyealom he lo.

Otsotsa 12:17

Ambla he nga esõ e tpi emabi egagre lo ayi ta la ashe lo e gre eshri. Okyku eka he nga, aŋa a gre okyku o ta eko pa la moaembre ba ashe he lo la a ra. Moahi lo angyiŋ a wo moa la a kpaŋ odaŋ ba Ahogbrẽ, nga a tspi kyekye ta la oshpa ba adlidzi ba Eyesu a shri a ba.

Otsotsa 12:4

La eghre baŋ aŋa a gʼbu ogʼba okyeŋ eshki ba egʼba etra ba éyi enzo la e wo ongyeŋ, nga a da mo a ygi obiŋ. A tspi egi ayi ba ashe la a wo osusku ba ombrombre, okyku o daŋ a taŋ anwye ba ashe he lo, omba baŋ a mbre ŋa.

Otsotsa 12:7

Ambla he nga eko e kso Ongyeŋ! Amakle pa la moanwyeadga la a wo ka la ŋa moa a ta eko ta la emabi egagre he lo. Emabi lo a mbo e ta eko pa la moanwyeadga baŋ.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 13:1

Ambla he nga ame e ka ebyi la e wo ebi, e zgi anyuŋ-ondzu lo. E wo la agzo okʼpo ta la ashri afoha. Ekpmye-shri e wo agzoyaŋ a mbo. Moa a ta eshko ebi a bre ashri baŋ.

Otsotsa 13:2

Ebyi la e wo ebi ba ame e ka lo e wo eka ba egbyi. Adga lo nga a wo eka ba adga ba egbaga. Anyu lo nga a wo eka ba anyu ba embdze. Emabi egagre lo e shri ekʼpo baŋ ta la emgbakyiŋ ba oreŋ baŋ, pa la moarehwĩ baŋ a ri oreŋ eshri mo pyeŋ a shri a da ebyi la e wo ebi he lo.

Otsotsa 13:4

Moarehwĩ pyeŋ moa a hlu emabi egagre lo eshko okyku baŋ a shri ekʼpo baŋ pyeŋ a shri a da ebyi he lo. Moa a la a hlu ebyi he lo eshko a lu mi le, Ayi a wo eka ba ebyi he lo? Ayi a kpo ambgu ta la ebyi he lo a gbu?

Otsotsa 15:1

Ambla he nga ame e ka egŋe egagre la e wo egbregbre Ongyeŋ. Egŋe he lo angyiŋ e wo moanwyeadga afoha ta la edgu elolo efoha. Elolo he lo angyiŋ e wo elolo ba amom-abgo. Olom ba Ahogbrẽ ó khwo ta la elolo he lo.

Otsotsa 16:13

Ambla he nga ame e ka egbga ba eshre etra. Moa a wo eka ba áwyle. Moa a zgi anyu ba anyuŋ emabi ta la anyu ba ebyi la e wo ebi, ta la anyu ba arehwĩ la a sheŋ akpro ma Ahogbrẽ a hom ŋa otum.

Otsotsa 17:12

Agzo okʼpo boŋ o ka he lo a wo moanyuŋ-areŋ la a zga esĩ ba o ri oreŋ a wo mbo angyiŋ. Ambo moa á ri ekʼpo okyku awa akyeŋ ta la ebyi la e wo ebi otsotse.

Otsotsa 17:16

Agzo okʼpo ta la ebyi la e wo ebi boŋ o ka he lo, moa á kpo ofpu ta la ashe eshra he lo. Moa á ngʼga ekployaŋ a mbo a sku ŋa abgo, nga moa á dzu ŋa á zga la ososo ototno. Moa á taŋ ebyi ba egʼba baŋ, nga moa á bga ŋa la ovo.

Otsotsa 17:7

Anwyeadga lo a zhĩ me a lu mi le, Aŋo o ka egbregbre okyku eshi? Ame é hwile eshyẽ ba ashe he lo ta la ebyi la e wo ebi la e shri ŋa he lo é doŋ o ka. Ebyi he lo e wo la ashri afoha ta la agzo okʼpo.

Otsotsa 19:12

Ayi baŋ a wo eka ba embyliovo, nga a ghwo ekpmyeshri nzenze ba oreŋ eshri baŋ. Moa a ta eshko a bre egʼba baŋ. Arekyeŋ a yi eshyẽ ba eshko he lo mbo, o wo le aŋa sha.

Otsotsa 20:2

A vu emabi egagre, alo angyiŋ a wo atsoŋ emabi he lo. Alo angyiŋ a wo Areabi ta la Eshitaŋ. Anwyeadga he lo a ta ŋa agbu okyku eyi ezbi.