Otsotsa 12:1 - Ohwihwim Olehe

¹ Egŋe egagre e zgi Ongyeŋ. Ashekyeŋ la a ygi ariga la a wo olulum, a wo ma. Nga ashe he lo a pre ohwa adga. Nga éyi enzo otsko e wo etka baŋ.

Otsotsa 12:1 ပူးပေါင်းရင်းမြစ်များ

Amatiyu 12:38

Moarekyeŋ la a la a nye odaŋ, pa la moaEfarisi a lu odlo a lu mi le, Andakʼpo! Agi e klo boŋ o kpo akplo egbregbre akyeŋ o da gi e ka.

Amatiyu 24:30

Nga moa á ka otsotsa ba oba-ba ba Anwye Arehwĩ ongyeŋ. Omba he lo nga, egu andandandim mvye ba obiŋ hi, moa á wu okũ, nga moa á ka Anwye Arehwĩ etabro ba ongyeŋ baŋ a gile a ba la ekʼpo, ta la esesla egagre.

Amarku 13:25

Eyienzo é gʼbu é ygi obiŋ nga ayakplo egbregbre la a wo ongyeŋ é knye é sku ozhẽ moa a la a sõ.

Oluka 21:11

Obiŋ hi ó zhga ara nzenze. Embyle, ta la ololo ó kpo moare ewu ayaŋ a mbo. Ayakplo la a gbu eyli á kpo, nga moa á ka ayakplo egbregbre ahrẽ.

Oluka 21:25

Moa á ka egŋe nzenze olulum ta la ohwa, ta la eyi enzo. Obiŋ hi pyeŋ ó wu okũ, nga ó kpo eyli ba akyuŋ ba anyuŋ-ondzu a kpo, ta la eka ba ami ba alo fa ksa, a fa ksa.

Eyohana 3:29

Anwyeshe a wo okyku anwyealom angyiŋ. Akyeŋazba anwyealom lo a la a tspi a gno ogno sha. A gno oraŋ omba baŋ a gno enzi ba anwyealom. Ame e gno oraŋ nzenze okyku eka he lo angyiŋ.

Otum 2:19

Ame é kpo ayakplo ba egbregbre ahrẽ, ta la obiŋ hi. Moa á ka amanzhli ta la ovo, ta la odzo nzenze.

MoaOroma 13:14

Agimi e tslo anzho eko ba Adigi Eyesu Ekristi, nga e da ogroayi ba egʼba o ri oshye bimi mbo.

MoaOroma 3:22

Ahogbrẽ a shri opyapyaŋ a zga agʼbaha baŋ pa la moarehwi ozhẽ obmi ba adlidzi ta la Eyesu Ekristi angyiŋ. Egʼbakyeŋ e wo ma mbo. Ahogbrẽ a kpo ohi lo okyku areyaŋ a mbo.

2 MoaOkorinti 11:2

Ame e wo la oklo nzenze eso me okyku gimi, eka ba Ahogbrẽ a mbo a wo la oklo nzenze eso baŋ okyku gimi. Agimi e wo eka eyi anwyeshe ba adlidzi ba ame e kpo eshra baŋ e zga arekyeŋ la a ri Ekristi.

MoaEgalasiya 3:27

Areyaŋ a mbo ba moa a kpo ŋa abaptisma la okŋeobga ta la Ekristi, moa a sko edgu eda ba Ekristi angyiŋ a mo.

MoaEgalasiya 4:26

Ambo Orushalima la o wo Ongyeŋ alo o wo la odzudum ma nga alo angyiŋ o wo anigi.

MoaEgalasiya 6:14

Okro me, ekayaŋ a mbo ame é nyom egʼba okyku egŋe aki ba Adigi-odne Eyesu Ekristi sha. Okyku eshi okro ba egŋe aki baŋ sha angyiŋ ayakplo ba obiŋ hi a kpu okro me, nga ame a mbo e kpu okro ba ayakplo ba obiŋ hi.

MoAfisu 5:32

Moa a hwile anyuŋ adlidzi a ta edzi ibu odlo ba Ahogbrẽ he lo. Ame e lu odlo he lo eshri ba Ekristi ta la Eklisiya.

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 11:19

Moa a hwile Anyuŋ-akulu ba Ahogbrẽ. Akulu he lo a wo Ongyeŋ. Nga moa a ka akpati ba ohwihwim la o wo ma Anyuŋ-akulu baŋ lo. Ambla he nga ayimom a la a fa ngzangzangza, nga akyuŋ nzenze a ta, nga angyum-ogbu a ta, nga obiŋ o zhga ara, nga ehre-ogbu e ygi obiŋ nzenze.

Otsotsa 12:3

Egŋe-ekyeŋ e sa e zgi Ongyeŋ nganga. Emabi ebme la e wo egagre e wo ma. E wo la ashri afoha, ta la agzo okʼpo. Nga etka ba oreŋ e wo eshriyaŋ a mbo.

Otsotsa 15:1

Ambla he nga ame e ka egŋe egagre la e wo egbregbre Ongyeŋ. Egŋe he lo angyiŋ e wo moanwyeadga afoha ta la edgu elolo efoha. Elolo he lo angyiŋ e wo elolo ba amom-abgo. Olom ba Ahogbrẽ ó khwo ta la elolo he lo.

Otsotsa 21:14

Moa mbdzi ogli ba osku he lo eshri ézhim otsko. Eshri ézhim he lo moa a ta ashko otsko ba moare otsko la a nyum oshpa ba Anwye Ekylu.

Otsotsa 21:23

Osku he lo o klo ayimom ba olum ta la ayimom ba ohwa mbo, okyku eshi ayimom ba esesla ba Ahogbrẽ a la a tra osku he lo, nga Anwye Ekylu angyiŋ a wo emgbuovo ba osku he lo.