Otsotsa 11:8 - Ohwihwim Olehe

⁸ Ekom mo nga é lom anyuŋ ozhẽ ba anyuŋ osku he lo. Ahe lo angyiŋ moa a gŋe Adimo-odne egŋe aki omba la o sheŋ o gre mi. Osku lo o wo eka ba osku ba Osodom o mbo le obiŋ ba Amasla.

Otsotsa 11:8 ပူးပေါင်းရင်းမြစ်များ

Amatiyu 10:15

Agimi e ka! Onda Osõmbgu le, Ahogbrẽ á ka moarehwĩ ba Osodom, ta la Ogomora a mbo ayiekŋe á gre osku mi lo!

Otum 9:4

Eshawlu a tsi a gbu obiŋ nga, enzi e zgi ongyeŋ e nyuŋ ŋa e lu mi le, Eshawlu, Eshawlu! Okyku eshi aŋo o la o kpo me ewu?

MoaIbrani 13:12

Okyku okũ he lo, Eyesu a mbo a kpu alidzi la ayizhẽ ba osku lo okyku o daŋ a ndza odlobi moare la amanzhli baŋ a sku mo.

MoaIbrani 6:6

Nga ambla fi nga moa a sheŋ a nye! Alo o kpo o gbu ba moa a tsa mo edgu he lo a da mo a ba a bla a ghwo obiŋ nga mbo, okyku eshi o dzu eka ba moa a bla a la a gŋe Anwye ba Ahogbrẽ egŋe aki angyiŋ, nga moa a sa a ta ŋa anzi egi ayi moarehwĩ.

2 Ebitru 2:6

Ahogbrẽ a shraŋ moarehwĩ ba esku ba Osodom ta la Ogomora, nga a jygi mo la ovo, nga a da lo o dzu egŋe okyku moarehwĩ ba odlobi, eshri ekplo la é ba e kpo pa la mo.

Eyahuda 1:7

Agimi e tne aga eshri ba Osodom ta la Ogomora, ta la esku la e wo osusku ta la lo. Moarehwĩ ba ekro he lo moa a kpo eka ba moanwyeadga ba egbga a kpo. Moa a ta ekpa nga moa a kpo ayakplo la a wo shasha mbo. Okyku eka he, ewu mo angyiŋ e dzu ovo ba gbagbu-amo. Nga alo o kpo okyku o sa o nye moahwõ pyeŋ.

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.

Otsotsa 11:9

Moarehwĩ ba obiŋyaŋ a mbo ta la ba embreyaŋ a mbo, ta la ba olomyaŋ a mbo, moa á tspi á ka ekom moa la a su odlo ba Ahogbrẽ ayi okyku elum etra la ogbu, nga moa á bmi á da mo á ngybi mo mbo ku-ku.

Otsotsa 14:20

Moa a hwile andzgu lo, ohwĩ lo o wo edzi la osku lo. Nga amanzhli a zgi ohwĩ lo nga a dzẽ okyku emil endgaeha. Ogyuŋ ba amanzhli lo o wo adga atno.

Otsotsa 14:8

Anwyeadga ba oha a lu anwyeadga ba ori ma nga a lu mi le, Osku ba Ababilo a sheŋ a tsi a gbu! Ababilo la a wo anyuŋ-osku, a tsi a gbu! A shri ajige baŋ a shri a da areyaŋ a mbo, nga a da mo a wa. Ami baŋ ba eshre ba ogroayi he lo, a wo oshye nzenze!

Otsotsa 16:19

Anyuŋ osku he lo a gʼba eŋa egʼba etra. Nga moa a kypi esku ba obiŋ hi lo pyeŋ. Ahogbrẽ a tne aga ba anyuŋ-osku ba Ababilo. Ahogbrẽ a daŋ a wa ami anab atku baŋ he lo. Ami anab he lo a wo olom baŋ la o vu olo nzenze angyiŋ.

Otsotsa 17:1

Ambla he nga akyeŋ eshki moanwyeadga afoha la a wo la étku efoha lo, a ba okro me nga a lu mi le, O ba o da me e tsa ŋo eka ba moa á ba a nye ashe-eshra la a gbu eshko he lo eda. Aŋa angyiŋ a wo anyuŋ-osku ba moa a mbdzi lo osusku ta la éhwla nzenze.

Otsotsa 17:18

Ashe boŋ o ka he lo a wo anyuŋ osku la o ri ekʼpo eshri moanyuŋ-areŋ ba obiŋ hi pyeŋ.

Otsotsa 17:5

Moa a ta eshko ba eshyẽ la e wo ogyugyuŋ ondaŋ ashe lo. Eshyẽ lo e wo, Osku ba Ababilo agagre, aŋo angyiŋ o wo animoashe pyeŋ la a ri eshra pa la moa la a tpi moarehwĩ ba obiŋ hi ayi.

Otsotsa 18:10

Moa a kpo eyli ewu baŋ a la a kpo, okyku eka he moa a tspi ogyugyuŋ nga a lu mi le, Ekplo ayiekŋe! Ekplo la e ngro eshri! Aŋo anyuŋ-osku Ababilo la o wo ogagre nga o wo la ekʼpo! Omba ba awa akyekyeŋ sha moa a sheŋ ŋo ombgu boŋ!

Otsotsa 18:18

nga moa a lu odlo angyangyeŋ omba ba moa a ka odzo ba osku lo o ri ovo. Moa a lu mi le, Oskukyeŋ eka ba anyuŋ-osku hi ó wo ma ku-ku nga mbo!

Otsotsa 18:2

A ta enzi la anyuŋ enzi a lu mi le, Ashe lo a tsi a gbu! Ababilo agagre a tsi a gbu! Ohuhuhi nga ábili ta la egbgabi ba eshre sha e la e yi ibu baŋ a mo. Edgu awunuyaŋ a mbo la a wo eshre, moa a la a ta eygu mo osku lo eshyẽ,

Otsotsa 18:21

Ambla he nga anwyeadga la a wo oshye a sko ezhim la e wo eka ba anyuŋ eghwo a khwo nga a shri lo a ndba a ta anyuŋ-ondzu. Nga a lu mi le, Moa a ndba Ababilo anyuŋ-osku he lo a mbo á ta ekakahelo angyiŋ. Nga moa á ka ŋa nga mbo ku-ku!

Otsotsa 18:24

Moa a kpo Ababilo ewu okyku eshi moa a hwiŋ amanzhli moarehwĩ ba Ahogbrẽ a hom mo otum ta la amanzhli moarehwĩ ba Ahogbrẽ osku he lo, amanzhli moarehwĩ ba moa a bga mo obiŋ hi pyeŋ.