Otsotsa 11:3 - Ohwihwim Olehe

³ Ame é hom moaegŋe me aha otum. Moa á ygi akazhga aknye. Nga moa á su odlo ba Ahogbrẽ okyku elum endga otsko ta la elum ekʼpoef ĩ.

Otsotsa 11:3 ပူးပေါင်းရင်းမြစ်များ

Amatiyu 11:21

Eyesu a nyuŋ esku eha hi lo, a lu mi le, Aŋo Okoroziŋ, ta la Ebetseda, a ba eshri bimi! O wo moa a kpo edgu ayakplo ba egbregbre moa a kpo hi Ataya, ta la Esidoŋ angyiŋ e mbi, moare a sheŋ a ygi ashezhga aknye nga a fa otutuŋ a ygi egʼba okyku o tsa ba moa a ghwo obiŋ odlobi mo.

Amatiyu 18:16

Ambo o wo baŋ a ngli atuŋ a gno odlo boŋ mbo le, aŋo o klo arekyeŋ o mbo le moare aha o da gimi e yi otsotse, okyku o da mo a hwiŋ moaegŋe aha, o mbo le atra okyku ekployaŋ a mbo baŋ á ba a lu. Odlo Ahogbrẽ o tsa eka he angyiŋ.

Oluka 10:13

Aŋo Okoroziŋ, ta la Ebetseda! A ba eshri bimi! O wo ba moa a kpo edgu ayakplo ba egbregbre ba moa a kpo hi Ataya ta la Esidoŋ angyiŋ, e mbi, moare a sheŋ a dzu obiŋ nga a ygi ashezhga aknye nga a fa otutuŋ a ygi egʼba, okyku o tsa ba moa a ghwo obiŋ odlobi mo bgu!

Oluka 24:48

Agimi e wo moaegŋe angyiŋ okyku ayakplo he lo.

Eyohana 15:27

Agimi a mbo é zgi egŋe me, okyku eshi a zga okũ oriori agimi e la e wo pa la me.

Eyohana 3:27

Eyohana a tno ma a lu mi le, Arekyeŋ a kpo a gbu baŋ a wo ekplokyeŋ ma mbo, o wo le Ahogbrẽ a shri lo a daŋ ayga dne.

Otum 1:8

Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Otum 13:31

Moare la a dzi ka la ŋa a zgi Orushalima a gre Egalili, moa a ka ŋa engyi oshushku. Moahi lo angyiŋ a wo moaegŋe egi ayi moarehwi ba Esrayila.

Otum 2:32

Ahogbrẽ a kso Eyesu he lo ongybi. Agi e wo egŋe eshri ohe lo.

Otum 3:15

Okyku eka he, agimi e bga Are la a la a kpo eso. Ambo Ahogbrẽ a kso ŋa ongybi, agi nga e wo egŋe okyku ohe lo.

1 MoaOkorinti 12:28

Eklisiya nga Ahogbrẽ a shri moare a ghwo ma. Okro ba oriori moa la a nyum oshpa, okro ba oha, moarehwi ba Ahogbrẽ a hom mo otum, okro ba otra nga, moa la a nye, ambla he nga moa la a la a kpo ayakplo ba egbregbre, ambla he nga moa la a hwiŋ ekʼpo ba o shaŋ moare nga o kpo o ghwo, nga o tsa moare, nga o lu odlo la elom andandandim.

2 MoaOkorinti 13:1

Odgo otra angyiŋ ohuhuhi ba ame é ba e kpre gimi é ka. O raŋ o gre ba egŋe eha o mbo le etra e wo ma okyku odloyaŋ a mbo la o wo ma, eka ba odlo ba Ahogbrẽ o lu.

MoAfisu 4:11

Aŋa angyiŋ a shri okpogbu a shri a da moare. A sla moakyeŋ okyku o da mo a nyum oshpa. Moakyeŋ nga okyku o da mo a dzu moarehwĩ ba Ahogbrẽ a hom mo otum. Moakyeŋ nga okyku o da mo a dzu anwye esku nga a nyum oshpa. Moakyeŋ nga okyku o da mo a dzu moa-opasto. Moakyeŋ okyku o da mo a dzu moa la a nye moare engla.

Otsotsa 1:5

ta la okro ba Eyesu Ekristi la a wo egŋe ba adlidzi. Aŋa angyiŋ a wo Anwye ba moa a mbre ŋa ori, nga ba moa a kso ŋa eku. Aŋa angyiŋ a wo are la a ri ekʼpo eshri moareŋ ba obiŋ hi pyeŋ. Aŋa a la a klo gi. Nga ibu ba eku baŋ angyiŋ a shla gi abgo ba odlobi bi, nga a da gi e dzu oreŋ ba moandakʼpo olu ba Ahogbrẽ okyku o da gi e kpo Ahogbrẽ baŋ la a wo Adaŋ, otum. Esesla ta la ekʼpo, e dzu e ba Eyesu Ekristi gbagbu gbagbu-amo! Amin.

Otsotsa 11:2

Ambo aŋo o tsi moare la a wo ogʼba ba egi edzi ba Anyuŋ-akulu lo ko mbo. O mbga egi he lo ko mbo, okyku eshi egi he lo e wo okyku moaevbu angyiŋ. Moa á dzi Osku ba Esesla he lo okyku ehwa ekʼpoenyi la ehwa eha.

Otsotsa 11:6

Moa a wo la ekʼpo ma ba o shki ahrẽ okyku o da ogbu o ba omba ba moa a la a su odlo ba Ahogbrẽ he lo mbo. Moa a wo la ekʼpo eshri ba anzhe ami a mbo. Moa a kpo a gbu ba moa a zhiŋ lo a da lo a dzu amanzhli. Nga moa a wo la ekʼpo ba o da edgu oloyaŋ a mbo o hwiŋ obiŋ hi ombayaŋ a mbo ba moa a klo.

Otsotsa 12:6

Ashe lo a knye a gre akla. Ahe lo nga Ahogbrẽ a nyuŋ ekro a kpo okyku ŋa, okyku o da mo a kpaŋ ŋa okyku elum endgaotsko la elum ekʼpoefĩ.

Otsotsa 13:5

Moa a bmi a da ebyi ebi lo okyku o daŋ a lu ayakplo ba ototno la a gre eshri. Nga moa a bmi okyku o daŋ a ri ekʼpo okyku ehwa ekʼpoenyi la ehwa eha.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.