Otsotsa 11:18 - Ohwihwim Olehe

¹⁸ Esõ e tpi moaevbu ayi nzenze, Okyku eshi alo o wo omba boŋ ó tsa mo olom boŋ angyiŋ. Nga ba moa á ba a sõ moa la a kpu ombgu angyiŋ. Nga alo o wo omba ba o shri egbre o shri o da moawaghrẽ boŋ la a wo moarehwĩ ba Ahogbrẽ a hom mo otum angyiŋ, Pa la moarehwĩ boŋ pyeŋ, moa la a wo agagre pa la moa la a wo afifi, Pa la moa la a kpo eyli boŋ pyeŋ. Omba he angyiŋ o wo odzi ba moa a bga moa la a jygi obiŋ hi!

Otsotsa 11:18 ပူးပေါင်းရင်းမြစ်များ

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.

Otsotsa 19:5

Ambla he nga enzi e zgi emgbakyiŋ ba oreŋ e ba e lu mi le, Agimi moawaghrẽ ba Ahogbrẽ pyeŋ, pa la moarehwĩ pyeŋ moa la a wo agagre pa la moa la a wo afifi nga ba moa a kpo eyli ba Ahogbrẽ, e hlu Ahogbrẽ bi eshko!

Otsotsa 13:10

Areyaŋ a mbo ba moa a sheŋ a zga ba moa á vu ŋa, moa á vu ŋa omgbybi. Nga areyaŋ a mbo ba moa a sheŋ a zga ba moa á bga ŋa, moa á bga ŋa omgbybi la akõ. Okyku eka he, o raŋ o gre ba moarehwĩ ba Ahogbrẽ a ghwo esõ, nga ba moa a tspi osheshye ta la obmi ba adlidzi mo.

Otsotsa 22:12

Eyesu a lu mi le, Agimi e ngli atuŋ e gno! Ame é ta adzadzi é ba! Nga ame é shri egbre é da areyaŋ a mbo eka ekplo baŋ a kpo angyiŋ.

Otsotsa 15:7

Ambla he nga akyeŋ eshki ba ébyi enyi lo, a shri étku ba azurfa efoha a shri a da moanwyeadga afoha. Étku lo e bli slu la olom ba Ahogbrẽ. Ahogbrẽ á dzu ma gbagbu gbagbu-amo.

Otsotsa 15:1

Ambla he nga ame e ka egŋe egagre la e wo egbregbre Ongyeŋ. Egŋe he lo angyiŋ e wo moanwyeadga afoha ta la edgu elolo efoha. Elolo he lo angyiŋ e wo elolo ba amom-abgo. Olom ba Ahogbrẽ ó khwo ta la elolo he lo.

Otsotsa 14:10

are he lo á wa ami anab ba Ahogbrẽ. Ami he lo angyiŋ a wo olom ba Ahogbrẽ. Aŋa á zhiŋ lo gbugbu, a ygi aridi ba olom baŋ! Moare pyeŋ la a kpo eka he lo, moa á kpo mo ewu ovolaovẽsla egi ayi ba moanwyeadga ba esesla, ta la Anwye Ekylu.

MoaIbrani 9:27

O dzu omgbybi ba areyaŋ a mbo a kpu odgo okyeŋ, ambla he nga Ahogbrẽ á sõ ŋa ombgu.

Oluka 1:50

Aŋa a ka moa la a kpo eyli baŋ mvye ayiekŋe. A zga ekplu hi a yi ekplu ehwõ a la a kpo eka he lo.

Amatiyu 5:12

Agimi e kpo ovye, nga e gno oraŋ, okyku eshi egbre egagre e wo ma Ongyeŋ okyku gimi. Moare a kpo pa la moarehwĩ ba Ahogbrẽ a hom mo otum a mbo ekakahelo angyiŋ omba la o sheŋ o gre mi.

Otsotsa 20:15

Areyaŋ a mbo ba moa a ta eshko baŋ akpa ba esõ mbo le, moa a shri ŋa a ta enzheovo.

Otsotsa 18:6

O kpo ka la ŋa eka baŋ a mbo a kpo ka la ŋo. O bla ekplo baŋ a kpo ka la ŋo, o kpo ŋa ma engyi eha. O ta ewu baŋ ma engyi eha, eka baŋ a kpo ŋo ewu.

Otsotsa 11:2

Ambo aŋo o tsi moare la a wo ogʼba ba egi edzi ba Anyuŋ-akulu lo ko mbo. O mbga egi he lo ko mbo, okyku eshi egi he lo e wo okyku moaevbu angyiŋ. Moa á dzi Osku ba Esesla he lo okyku ehwa ekʼpoenyi la ehwa eha.

Otsotsa 19:15

Akõ la a ri hihihli nga a zgi anyu baŋ. La alo angyiŋ aŋa á ba a kpo a gre moarehwĩ ba obiŋ hi pyeŋ. Aŋa nga á ri ekʼpo eshri mo la ekʼpo la e gre pyeŋ. Nga aŋa á da ami anab ba olom la o vu olo ba Ahogbrẽ ba ekʼpo pyeŋ, o zgi ibu ba moa a hwile ami anab ma o ba.

Otsotsa 10:7

Ambo ambla ba anwyeadga ba ofoha a hlu egbaru baŋ, omba he lo angyiŋ, Ahogbrẽ á ba a kpo otum ta la ayakplo baŋ a shri a zga esõ baŋ, eka baŋ a lu a da moa-waghrẽ baŋ, la a wo moarehwĩ baŋ a hom mo otum.

Otsotsa 13:16

Ebyi la e wo ebi he lo e vu moare pyeŋ omgbybi, moa la a wo akplokyeŋ mbo, pa la moa la a wo la ekʼpo, moaekŋe, pa la moangyiŋ, pa la moawaghrẽ, pa la moa la a wo moawaghrẽ mbo, nga a shri egŋe lo a shri a bre obgori mo, ta la ondaŋ mo.

Otsotsa 19:18

E ba e taŋ ebyi ba moanyuŋ-areŋ pa la moanyuŋ andakʼpo ba moanwyeakyuŋ pa la moanwyeakyuŋ, ta la ebyi ba ényma, ta la ebyi moa la a vre ényma lo, ta la ebyi ba moarehwĩ pyeŋ, moa la a wo moawaghrẽ pa la moa la a wo moawaghrẽ mbo, pa la moa la a gbu eshko pa la moa la a wo emakyeŋ ma mbo!