Otsotsa 10:6 - Ohwihwim Olehe

⁶ nga a kʼpi ashum la eshko ba Ahogbrẽ la á dzu ma gbagbu gbagbu-amo, nga aŋa angyiŋ a kpo Ongyeŋ ta la ekployaŋ a mbo la e wo Ongyeŋ ta la obiŋ hi, ta la ekployaŋ a mbo la e wo obiŋ hi, ta la anyuŋ-ondzu ta la ekployaŋ a mbo la e wo anyuŋ-ondzu lo. Anwyeadga lo nga a lu mi le, Ongingli ó wo ma ku-ku nga mbo!

Otsotsa 10:6 ပူးပေါင်းရင်းမြစ်များ

Otsotsa 1:18

Ame angyiŋ e wo are la a wo la esõ ma! Ame e mbi e kpu, ambo aŋo o ka, ambo ame e wo la esõ gbagbu gbagbu-amo ma. Ame e wo la ekʼpo eshri ba eku, ta la obiŋ ba moarehwĩ la a sheŋ a kpu a wo ma.

Otsotsa 12:12

Okyku eka he nga, agimi ongyeŋ pyeŋ, ka la gimi la e dzu ma, agimi e kpo ovye! Ambo ekplo ayiekŋe ta la obiŋ ta la anyuŋ-ondzu! Okyku eshi Areabi a gile a ba okro bimi. A bli la olom, okyku eshi aŋa a yi baŋ a wo la omba ple sha angyiŋ a ra ŋa a mo.

Otsotsa 16:17

Ambla he nga anwyeadga ba ofoha a zhiŋ olom la o wo atku baŋ a ygi ahrẽ. Nga enzi egagre e zgi emgbakyiŋ ba oreŋ la e wo Anyuŋ-akulu e lu mi le, O khwo!

Otsotsa 21:6

Nga a lu mi le, Alo o khwo! Ame angyiŋ e wo Alfa ta la Omega, esĩ ta la eygi. Nga ame é fu ami enzhe ami ba esõ é shri é da areyaŋ a mbo ba oŋo o kpo ŋa ototno.

Otsotsa 4:10

Nga moandakʼpo ekʼpoeha la anyi he lo, moa a tsu a ygi obiŋ egi ayi ba emgbakyiŋ ba oreŋ, nga moa a la a hlu ŋa eshko la á dzu ma gbagbu gbagbu-amo. Moa a ndba ekpmyeshri ba oreŋ mo a ygi egi ayi ba emgbakyiŋ ba oreŋ nga a lu mi le,

Otsotsa 4:11

Aŋo Adigi-odne, ta la Ahogbrẽ bi! Aŋo o tse ma Boŋ o yga esesla, ohlueshko, ta la ekʼpo, Okyku eshi aŋo angyiŋ o kpo ekployaŋ a mbo, Nga moa a hwiŋ odzudzu ta la esõ okyku okoklo boŋ angyiŋ.

Otsotsa 4:9

Ombamba pyeŋ ba ébyi enyi he lo e la e fu abmo ba esesla, ta la abmo ba ohlueshko, ta la abmo ba ovye a la a ygi are la a dzu emgbakyiŋ ba oreŋ, aŋa á dzu ma gbagbu gbagbu-amo.

Otsotsa 6:11

Moa a shri ariga akyle a shri a da areyaŋ a mbo eshki mo. Moa a lu a da mo ma moa a dzu a dum ple ayga, okyku o da eygi ba moare la a kpo otum pa la mo, pa la moanimo ba moa á ba a bga mo eka ba moa a bga moahi lo, e bli ayga dne.