Otsotsa 1:9 - Ohwihwim Olehe

⁹ Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 1:9 ပူးပေါင်းရင်းမြစ်များ

Amatiyu 20:23

Eyesu a tno mo ma a lu mi le, Adlidzi angyiŋ, edgu ewu ba ame é ba e kpo lo, agimi a mbo é kpo lo. Ambo ame e wo ekʼpo ma ba o sla are la á ba a dzu obgori me, o mbo le ogboehre me mbo. Ekro he lo e wo okyku moarehwĩ ba Adugu a kpo lo okyku mo angyiŋ.

Amarku 10:39

Moa a tno ŋa ma a lu mi le, Agi é kpo lo é gbu. Eyesu a lu mi le, Adlidzi angyiŋ agimi é kpo edgu ewu ame é ba e kpo, nga abaptisma moa á ba a kpo me, moa á kpo gimi alo.

Eyohana 16:33

Ame e lu ohe lo e da gimi okyku o da gimi e hwiŋ opyapyaŋ ba eso okro me. O ka, obiŋ hi ó kpo gimi ewu, ambo agimi e ghwo eso! Ame e sheŋ e kpo e gre obiŋ hi bgu!

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

MoaOroma 8:25

Ambo o wo ba agi e la e ka ayi ozhẽ okyku ekplo ba agi e ka mbo le, o raŋ o gre ba agi e ghwo eso.

2 MoaOkorinti 1:7

Okyku eka he ekplokyeŋ bi e fu eha eshri bimi e wo ma mbo. Okyku eka he nga eka bimi e pu ka la gi okro ba ewu lo, ekakahelo angyiŋ agi e yi ba agimi e pu ka la gi owlama ba agi e hwiŋ.

MoaEfilibi 1:7

Agimi e wo esõ me ombamba pyeŋ! Okyku eka he o wo odzi ba ame e sko gimi esõ me ozhẽ he angyiŋ. Okyku eshi agimi e hwiŋ ogʼba lo ohwihwiŋ ba Ahogbrẽ a shri a da me he lo, omba ba ame e lom aku, nga omba ba moa a kyu me abgo angyiŋ okyku o da me e kpaŋ nga e shĩ Oshpaodzadzi lo.

MoaEfilibi 4:14

Ambo agimi e kpo odzi e gre eshri ba agimi e kpo e ghwo la me ewu me.

2 MoaEtasolonika 3:5

Adigi-odne nga a bmi le, a kpo otum esõ bimi okyku o da gimi e hwiŋ oklo okyku Ahogbrẽ, ta la oheheŋ ba Ekristi a la a shri a di.

2 Etimoti 1:8

Aŋo o gbu anzi okyku o zgi egŋe okyku Adigi-odne ta la me la e wo oprusuna baŋ mbo. Ambo o bmi nga o kpo ewu okyku o su Oshpaodzadzi he lo, eka ba Ahogbrẽ a shri oshye a doŋ okyku lo.

MoaIbrani 10:36

O raŋ o gre ba agimi e kpo heheŋ okyku o da gimi e kpo ekplo ba Ahogbrẽ a klo, okyku o da gimi e hwiŋ ekplo baŋ a hwim ka la gimi.

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

Otsotsa 1:1

Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Otsotsa 1:2

Eyohana a lu oshpa ayakplo baŋ a ka pyeŋ. Oshpa baŋ he lo o wo eshri oshpa ba Ahogbrẽ a shri a ba ta la adlidzi ba Eyesu Ekristi a tsa.

Otsotsa 1:4

Akpa he lo a zgi abgo ba Eyohana a yi abgo ba moaEklisiya efoha ba egʼba obiŋ ba Asiya. Okpoghwo ta la opyapyaŋ la o zgi okro ba Ahogbrẽ o ba, o dzu o bimi. Ahogbrẽ he lo angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba a ba. Okpoghwo ta la opyapyaŋ he lo nga o zgi okro ba egbga efoha la e wo egi ayi ba emgbakyiŋ oreŋ ba Ahogbrẽ a mbo,

Otsotsa 11:7

Ambla ba moa a su odlo lo a khwo bgu le, ebyi la e zgi enzhe la e gyuŋ mgbyimgbyimgbyiŋ, e kpo ambgu pa la mo. Aŋa á kpo á gre mo nga á bga mo.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 12:17

Ambla he nga esõ e tpi emabi egagre lo ayi ta la ashe lo e gre eshri. Okyku eka he nga, aŋa a gre okyku o ta eko pa la moaembre ba ashe he lo la a ra. Moahi lo angyiŋ a wo moa la a kpaŋ odaŋ ba Ahogbrẽ, nga a tspi kyekye ta la oshpa ba adlidzi ba Eyesu a shri a ba.

Otsotsa 13:10

Areyaŋ a mbo ba moa a sheŋ a zga ba moa á vu ŋa, moa á vu ŋa omgbybi. Nga areyaŋ a mbo ba moa a sheŋ a zga ba moa á bga ŋa, moa á bga ŋa omgbybi la akõ. Okyku eka he, o raŋ o gre ba moarehwĩ ba Ahogbrẽ a ghwo esõ, nga ba moa a tspi osheshye ta la obmi ba adlidzi mo.

Otsotsa 14:12

Okyku eka he lo, o dzu omgbybi ba moarehwĩ-ba Ahogbrẽ la a kpaŋ odaŋ baŋ, nga ba moa a tspi la adlidzi okyku Eyesu, moa a ta esõ mo akpyli.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 6:9

Ambla he nga Anwye Ekylu a ngʼga onono ba ibu ba otno. Nga ame e ka esõ ba moare ba moa a sheŋ a bga mo okũ ba ambgu. Moa a bga moahi lo okyku ba moa a su odlo ba Ahogbrẽ, nga okyku ba moa a zgi egŋe baŋ la adlidzidzi.

Otsotsa 7:14

Ame e tno ŋa ma e lu mi le, Ame e yi mbo, ambo aŋo andakʼpo o yi. Ambla he nga a tno me ma a lu mi le, Moare he lo angyiŋ a wo moare la a sheŋ a gro abgo anyuŋ ewu. Anzho mo a wo akyle okyku ba moa a ndza lo amanzhli ba Anwye Ekylu.