Otsotsa 1:7 - Ohwihwim Olehe

⁷ Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

Otsotsa 1:7 ပူးပေါင်းရင်းမြစ်များ

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 24:30

Nga moa á ka otsotsa ba oba-ba ba Anwye Arehwĩ ongyeŋ. Omba he lo nga, egu andandandim mvye ba obiŋ hi, moa á wu okũ, nga moa á ka Anwye Arehwĩ etabro ba ongyeŋ baŋ a gile a ba la ekʼpo, ta la esesla egagre.

Amatiyu 25:31

Omba ba Anwye Arehwĩ á ba a ba eka Anyuŋ-areŋ, pa la moanwyeadga ba Ahogbrẽ, á dzu emgbakyiŋ ba oreŋ baŋ.

Amatiyu 26:64

Eyesu a tno ŋa ma a lu mi le, Aŋo o lu shasha. Ambo ame e lu e da gimi, omba ó yi o ba ba agimi é ba e ka Anwye Arehwĩ á dzu obgori ba Ahogbrẽ la a wo ekʼpo pyeŋ, nga aŋa á gile etabro ba ongyeŋ á sa á ba!

Amarku 13:26

Nga Anwye Arehwĩ á ra á tspa nga á gile etabro la ekʼpo, la esesla, á ba.

Amarku 14:62

Eyesu a tno ma a lu mi le, Ame angyiŋ e wo Anwye Esesla ba Ahogbrẽ. Agimi pyeŋ é ka Anwye Arehwĩ á dzu obgori ba Ahogbrẽ, nga á gile etabro ba ongyeŋ á sa á ba.

Oluka 21:27

Omba he lo angyiŋ, Anwye Arehwĩ á ba a gnyu. Á ba la etabro, la ekʼpo egagre, pa la ayimom ba esesla.

Eyohana 19:34

Ambo akyeŋ eshki moanwyeakyuŋ a fu Eyesu etazhi evom, nga ebuebu amanzhli, ta la ami a zgi.

Eyohana 19:37

Odlo Ahogbrẽ o sa o lu okrokyeŋ o lu mi le, Moare á ka are ba moa a fu ŋa etazhi.

1 MoaEtasolonika 1:10

nga okyku o dzu o bli oba-ba ba Anwye baŋ á zgi Ongyeŋ á ba. Anwye baŋ lo angyiŋ a wo Eyesu baŋ a kso ŋa a sku eku. Eyesu angyiŋ aŋa á shla gi abgo olom ba Ahogbrẽ la ó ba o ba.

1 MoaEtasolonika 4:17

Ambla he nga agi la e wo ayi ma omba he lo, moa á pla gi á shki pa la mo etabro lo, nga agi pa la mo é yi é tsa Adigi-odne ahrẽ. Nga eka he lo agi é ba e dzu ta la Adigi-odne gbagbu-amo.

MoaIbrani 10:29

Moa á kpo eshi ta la are la a dzĩ Anwye Ahogbrẽ? Moa á kpo eshi ta la are la a sko amanzhli ba ohwihwim ba Ahogbrẽ a zga akplokyeŋ ba esesla mbo? O ka, amanzhli he lo angyiŋ a ndza ŋa a daŋ a dzu pse. Are la a dzĩ Ogbgaodzi la o kpo o ghwo, moa á kpo ŋa eshi? Agimi e tne aga edgu anyuŋ ewu baŋ á kpo e ka!

MoaIbrani 6:6

Nga ambla fi nga moa a sheŋ a nye! Alo o kpo o gbu ba moa a tsa mo edgu he lo a da mo a ba a bla a ghwo obiŋ nga mbo, okyku eshi o dzu eka ba moa a bla a la a gŋe Anwye ba Ahogbrẽ egŋe aki angyiŋ, nga moa a sa a ta ŋa anzi egi ayi moarehwĩ.

1 Eyohana 3:2

Agimi akyemeazba, agi e wo moanwye ba Ahogbrẽ angyiŋ ohuhuhi, ambo agi e yi eka ba agi é ba e dzu zhezheŋ a wo mbo. Ambo agi e yi ba agi é ba e dzu eka ba Ekristi omba baŋ á ba. Agi é zhiŋ e dzu eka baŋ, okyku eshi agi é ka ŋa eka baŋ a wo zhezheŋ.

Eyahuda 1:14

Enoko a wo arehwĩ ba embre ba efoha ba Adamu. Aŋa a sheŋ a lu odlo eshri mo a sheŋ a gre ayayga. A lu mi le, Agimi e ka! Adigi-odne á ba la moanwyeadga baŋ ba esesla, moa á wo ezbi nzenze,

Otsotsa 22:20

Are la a zgi egŋe baŋ eshri odlo he lo pyeŋ a lu mi le, Adlidzi angyiŋ! Ame e wo osusku oba-ba! Alo o dzu eka he lo. Aŋo Adigi-odne Eyesu aŋo o ba!

Otsotsa 22:4

Nga moa á ka eyayi baŋ, nga moa á ta eshko baŋ á bre ondaŋ mo.