Otsotsa 1:5 - Ohwihwim Olehe

^5-6 ta la okro ba Eyesu Ekristi la a wo egŋe ba adlidzi. Aŋa angyiŋ a wo Anwye ba moa a mbre ŋa ori, nga ba moa a kso ŋa eku. Aŋa angyiŋ a wo are la a ri ekʼpo eshri moareŋ ba obiŋ hi pyeŋ. Aŋa a la a klo gi. Nga ibu ba eku baŋ angyiŋ a shla gi abgo ba odlobi bi, nga a da gi e dzu oreŋ ba moandakʼpo olu ba Ahogbrẽ okyku o da gi e kpo Ahogbrẽ baŋ la a wo Adaŋ, otum. Esesla ta la ekʼpo, e dzu e ba Eyesu Ekristi gbagbu gbagbu-amo! Amin.

Otsotsa 1:5 ပူးပေါင်းရင်းမြစ်များ

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Eyohana 13:1

Omba he lo, olum Oriabgo ba Apaska o ra olum okyeŋ. Eyesu a yi ba omba o sheŋ o bli baŋ á dzu obiŋ hi á zga nga á yi okro ba Ada. A klo moa la a wo a baŋ obiŋ hi, nga oklo baŋ a wo la alo ma okyku mo, o wo okyku ma-me o tsa onda amom-abgo.

Eyohana 13:34

Ame e shri odaŋ olohe angyiŋ e shri e da gimi, agimi e klo egimi. Eka ba ame e klo gimi, agimi a mbo e klo egimi.

Eyohana 15:9

Ame e klo gimi eka ba Ada a klo me. Agimi e dzu oklo me.

Eyohana 18:37

Ebilatu a zhĩ ŋa a lu mi le, Aŋo angyiŋ o wo anyuŋ-areŋ? Eyesu a tno ŋa ma a lu mi le, Aŋo angyiŋ o lu ma ame e wo anyuŋ-areŋ. Moa a mbre me nga moa a da me e ba obiŋ hi okyku ekplo ekyekyeŋ. E wo okyku o da me e lu odlo eshri ba adlidzi. Areyaŋ a mbo la a wo a ba adlidzi angyiŋ le, aŋa a la a ngli atuŋ a gno odlo me.

Eyohana 3:11

Ame e lu adlidzi angyiŋ e doŋ. Agi e lu ekplo bi e yi angyiŋ e doŋ, nga agi e lu ekplo bi e ka angyiŋ e doŋ. Ambo ekakahelo a mbo, arekyeŋ eshki bimi a bmi ba adlidzi ta la odlo bi mbo.

Eyohana 3:16

Ahogbrẽ a klo moarehwi ba obiŋ hi ma-me, nga a shri Anwye baŋ akyakyeŋ a shri a di, okyku o da areyaŋ a mbo la a bmi ba adlidzi ka la ŋa a yla mbo, ambo a hwiŋ eso ba gbagbu-amo.

Eyohana 3:32

Aŋa a lu ekployaŋ a mbo baŋ a ka nga a gno a di, ambo arekyeŋ a yga odlo baŋ mbo.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

Otum 26:23

Moa a lu mi ma Emisiya á kpo ewu, nga aŋa angyiŋ á ba a wo arehwĩ ba oriori la á ba a kso ongybi. Ana á nyum oshpa ba ayimom ba oshla a da moaEyahuda pa la moa la a wo moaEyahuda mbo.

MoaOroma 3:25

Ahogbrẽ a shri ŋa a shri a di okyku gi ozhẽ eku baŋ, okyku o da moare a hwiŋ okyuabgo odlobi o wo ba moa a bmi ba adlidzi ka la ŋa. Ahogbrẽ a shri Ekristi a di okyku o tsa eka baŋ a la a shri opyapyaŋ a shri a zga agʼbaha baŋ pa la moarehwi. Ayga Ahogbrẽ a ta eso ble-ble nga a sko odlobi moarehwi a zga akplokyeŋ mbo.

MoaOroma 8:37

O mbo, agi e kpo e gre ayakplo hi lo mvye, okyku baŋ a la a klo gi angyiŋ!

1 MoaOkorinti 6:11

Moakyeŋ eshki bimi, moa a wo eka he lo ayga. Ambo moa a sheŋ a ndza odlobi bimi bgu. Moa a sheŋ a shri gimi a da Ahogbrẽ. Opyapyaŋ o gre o ba agʼbaha bimi okro ba eshko ba Adigi-odne Eyesu Ekristi, ta la Ogbgaodzi ba Ahogbrẽ bi.

MoaEgalasiya 2:20

Okyku eka he, ame e wo la eso ma ohuhuhi mbo, ambo Ekristi angyiŋ a wo eso me. Eso ba ame e wo la alo ma ohuhuhi, ame e wo la alo ma okyku obmi ba adlidzi ta la Anwye ba Ahogbrẽ la a klo me nga a shri eso baŋ a di okyku me.

MoAfisu 2:4

Ambo okayiekŋe ba Ahogbrẽ o gre eshri, nga oklo baŋ okyku gi o wo nzenze o gre eshri.

MoAfisu 5:2

Agimi e da oklo angyiŋ o ri ekʼpo eshri bimi, eka ba Ekristi a klo gi nga a shri esõ a shri a da gi eka ba oshriondba la o shka efpi edzadzi la o raŋ Ahogbrẽ esõ.

MoaOkolosi 1:18

Aŋa angyiŋ a wo eshri ba egʼba baŋ, alo angyiŋ e wo Eklisiya. Aŋa angyiŋ a wo ewyi ba esõ ba egʼba he lo. Aŋa angyiŋ a wo Anwyealom ba ori moa a mbre nga ba moa a kso ŋa ongybi, okyku o daŋ sha a hwiŋ okro odzuma ba ori ba ekployaŋ a mbo.

1 Etimoti 6:13

Egi ayi ba Ahogbrẽ la a shri esõ a da ekployaŋ a mbo, ta la egi ayi Eyesu Ekristi la a zgi egŋe adzadzi egi ayi ba Obuntu Ebilatu, ame e jygu ŋo odaŋ.

1 Etimoti 6:15

Ahogbrẽ nga á da Eyesu á ba omba la o wo shasha lo. Ahogbrẽ ba ohlueshko akyekyeŋ sha a la a ri ekʼpo pyeŋ. Aŋa angyiŋ a wo Areŋ ba moareŋ ta la Adaŋ-odne moadaŋ-odne.

MoaIbrani 10:29

Moa á kpo eshi ta la are la a dzĩ Anwye Ahogbrẽ? Moa á kpo eshi ta la are la a sko amanzhli ba ohwihwim ba Ahogbrẽ a zga akplokyeŋ ba esesla mbo? O ka, amanzhli he lo angyiŋ a ndza ŋa a daŋ a dzu pse. Are la a dzĩ Ogbgaodzi la o kpo o ghwo, moa á kpo ŋa eshi? Agimi e tne aga edgu anyuŋ ewu baŋ á kpo e ka!

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

1 Ebitru 1:19

Oshriondba ba Ekristi la o wo egbmo o gre eshri angyiŋ o shri odzudum lo o da gimi. Ekristi he lo a wo eka anwye ekylu la a wo sese nga a wo la engla egʼba mbo.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.

1 Eyohana 4:10

Agi angyiŋ a klo Ahogbrẽ mbo, ambo aŋa angyiŋ a klo gi nga a da Anwye baŋ a ba a dzu ozhẽ la o da gi e hwiŋ okyuabgo odlobi bi. Oklo o wo eka he angyiŋ.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 11:3

Ame é hom moaegŋe me aha otum. Moa á ygi akazhga aknye. Nga moa á su odlo ba Ahogbrẽ okyku elum endga otsko ta la elum ekʼpoef ĩ.

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 19:11

Ambla he nga ame e ka Ongyeŋ o hwile nga enyma ekyle e wo ma. Are la a vre lo moa a la a bzi ŋa Oshasha ta la Adlidzi. Aŋa a la a sõ ombgu nga a la a ta eko la adlidzi.

Otsotsa 19:16

Moa a ta engla ariga baŋ, ta la odga baŋ a lu mi le, Anyuŋ-areŋ ba moanyuŋ-areŋ, ta la Adigi-odne ba moadigi-odne.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 3:14

Ogbgaodzi o sa o lu mi le, Aŋo o ta anwyeadga ba Eklisiya ba Eladosiya akpa o lu mi le, Oshpa lo o wo oshpa la o zgi abgo ba Amin angyiŋ. Aŋa a wo are la a zgi egŋe ba adlidzi. Aŋa angyiŋ a wo esĩ ba ekployaŋ a mbo ba Ahogbrẽ a kpo.

Otsotsa 7:14

Ame e tno ŋa ma e lu mi le, Ame e yi mbo, ambo aŋo andakʼpo o yi. Ambla he nga a tno me ma a lu mi le, Moare he lo angyiŋ a wo moare la a sheŋ a gro abgo anyuŋ ewu. Anzho mo a wo akyle okyku ba moa a ndza lo amanzhli ba Anwye Ekylu.