Otsotsa 1:3 - Ohwihwim Olehe

³ Are la a tsi akpa he lo á wo la ovye ma. Nga moare la a ngli atuŋ a gno odlo ba moa a ka nga a lu, nga a kpaŋ ekplo ba moa a ta lo akpa he lo le, moa á wo la ovye ma! Omba o wo osusku a mo ba ayakplo he lo á ba a kpo.

Otsotsa 1:3 ပူးပေါင်းရင်းမြစ်များ

Amatiyu 24:15

Agimi é ka Akplo ba Eyli Nzenze, a ba Edaniyel a lu odlo eshri lo. Alo á tspi okro la o wo la esesla. Are la a tsi okro he lo a tne adzadzi a ka!

Oluka 11:28

Eyesu a tno ma a lu mi le, Moare la a gno odlo me nga a kpaŋ lo, moa a wo la oraŋ nzenze e ma!

MoaOroma 13:11

O raŋ o gre bimi e kpo eka he lo, okyku eshi agimi e sheŋ e yi omba lo. O raŋ o gre bimi e vro enu ohuhuhi, okyku eshi omba ba agi é ba e hwiŋ oshla o wo osusku a mo. Alo o gyuŋ eka ba omba ba agi e zga esĩ e bmi ba adlidzi mbo.

MoaOroma 13:12

Okyukyku o kpo okhwokhwo a mo, ayi nga a kpo okrokre a mo. O raŋ o gre bi e kyu ayakplobi ba evbu bi e la e kpo abgo. O raŋ o gre bi e tslo anzho eko nga e ta eko ayimom.

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

2 Ebitru 3:8

Agimi akyemeazba, agimi e gre esõ akplo akyekyeŋ he lo e ghre mbo ku-ku! Ekplokyeŋ la e wo ondundum egi ayi ba Adigi-odne agʼbaha ba olum onda okyeŋ ta la eyi ezbi e wo ma mbo. Moaha he lo a wo okyekyeŋ angyiŋ ka la ŋa.

Otsotsa 22:10

Ambla he nga aŋa a nyuŋ me a lu mi le, O ghre odlo ba otsotsa ba moa a ta lo akpa he mbo, okyku eshi omba o wo osusku ba ayakplo he lo pyeŋ á ba a bli.

Otsotsa 22:12

Eyesu a lu mi le, Agimi e ngli atuŋ e gno! Ame é ta adzadzi é ba! Nga ame é shri egbre é da areyaŋ a mbo eka ekplo baŋ a kpo angyiŋ.

Otsotsa 22:20

Are la a zgi egŋe baŋ eshri odlo he lo pyeŋ a lu mi le, Adlidzi angyiŋ! Ame e wo osusku oba-ba! Alo o dzu eka he lo. Aŋo Adigi-odne Eyesu aŋo o ba!

Otsotsa 3:11

Ame é ba ambla fi. O kpaŋ ekployaŋ a mbo boŋ o wo la alo ma okyku o da arekyeŋ a ngʼga egbre ba okpogre boŋ ó hwiŋ mbo.