Otsotsa 1:2 - Ohwihwim Olehe

² Eyohana a lu oshpa ayakplo baŋ a ka pyeŋ. Oshpa baŋ he lo o wo eshri oshpa ba Ahogbrẽ a shri a ba ta la adlidzi ba Eyesu Ekristi a tsa.

Otsotsa 1:2 ပူးပေါင်းရင်းမြစ်များ

Eyohana 1:32

Eyohana a zgi egŋe a lu mi le, Ame e ka Ogbgaodzi eka aklungu o gile eshri baŋ.

Eyohana 12:17

Moare la a wo ta la Eyesu omba baŋ a bzi Eliyazaru ongybi nga a kso ŋa, moa a lu ekplo la e kpo.

Eyohana 19:35

Are la a ka ekplo la e kpo he lo, a zgi egŋe eshri lo. Agi e yi ba ekplo baŋ a lu he lo e wo adlidzi angyiŋ. Aŋa eshrishri eŋa a yi baŋ a lu adlidzi angyiŋ, okyku o da gimi a mbo e bmi ba adlidzi.

Eyohana 21:24

Aŋa angyiŋ a wo anwyeotum la a lu odlo he lo nga a ta lo. Agi e yi baŋ a lu adlidzi angyiŋ.

Eyohana 3:11

Ame e lu adlidzi angyiŋ e doŋ. Agi e lu ekplo bi e yi angyiŋ e doŋ, nga agi e lu ekplo bi e ka angyiŋ e doŋ. Ambo ekakahelo a mbo, arekyeŋ eshki bimi a bmi ba adlidzi ta la odlo bi mbo.

Otum 22:15

Okyku eshi aŋo ó zgi egŋe okyku ŋa egi ayi moarehwi pyeŋ, eka ekplo boŋ o ka nga o gno.

Otum 26:16

Aŋo o kso o tspi angyeŋ. Ame e shri eme e tsa okyku o da me e sla ŋo eka anwye-odne me. Ame e klo boŋ o lu o da moahwõ eka ekplo boŋ o ka lo anye he, ta la ekplo ba ame é ba e tsa ŋo omba la ó ba mi.

Otum 4:20

Agi e kpo e gbu bi e tspi o lu odlo eshri ekplo bi e ka nga e gno mbo.

1 MoaOkorinti 1:6

Oshpa ba Ekristi o gre gimi eshri osheshye,

1 MoaOkorinti 2:1

Agimi anáŋ, omba ba ame e ba okro bimi okyku o nyum eshyẽ ba adlidzi ba Ahogbrẽ e da gimi, ame e ka e kpo otum la amgboŋ odlo la a wo la ewu a gre eshri mbo, nga ame e ka e tsa gimi oyioyi ogagre angyiŋ mbo.

1 Eyohana 1:1

Agi e ta akpa eshri ba odlo ba esõ angyiŋ e shri e kom gimi. Odlo he lo o wo ma, a zga omba ba moa a zga esĩ a kpo obiŋ hi. Agi e gno odlo lo, nga agi e ka lo la ayi bi. Alo o wo eka he lo, agi e ka lo, nga agi e sa e tka lo.

1 Eyohana 4:14

Agi e sheŋ e ka, nga e lu e da moahwõ eka ba Ada a da Anwye baŋ a ba okyku o daŋ a dzu Areoshla ba obiŋ hi.

3 Eyohana 1:12

Areyaŋ a mbo a la a tsom Edemetriyu. Adlidzi a mbo ababgo baŋ a lu odlo la o wo odzi eshri baŋ. Nga agi a mbo e sa e ta egŋe bi e pu ma. Agimi e yi ba ekplo ba agi e lu he lo e wo adlidzi angyiŋ.

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

Otsotsa 1:19

Okyku eka he aŋo o ta ayakplo boŋ o ka lo akpa. O ta ayakplo la a kpo ohuhuhi, ta la ayakplo la á ba a kpo ambla.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 12:17

Ambla he nga esõ e tpi emabi egagre lo ayi ta la ashe lo e gre eshri. Okyku eka he nga, aŋa a gre okyku o ta eko pa la moaembre ba ashe he lo la a ra. Moahi lo angyiŋ a wo moa la a kpaŋ odaŋ ba Ahogbrẽ, nga a tspi kyekye ta la oshpa ba adlidzi ba Eyesu a shri a ba.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 22:21

Okpoghwo ba Adigi-odne Eyesu o dzu ta la areyaŋ a mbo.

Otsotsa 6:9

Ambla he nga Anwye Ekylu a ngʼga onono ba ibu ba otno. Nga ame e ka esõ ba moare ba moa a sheŋ a bga mo okũ ba ambgu. Moa a bga moahi lo okyku ba moa a su odlo ba Ahogbrẽ, nga okyku ba moa a zgi egŋe baŋ la adlidzidzi.