Otsotsa 1:18 - Ohwihwim Olehe

¹⁸ Ame angyiŋ e wo are la a wo la esõ ma! Ame e mbi e kpu, ambo aŋo o ka, ambo ame e wo la esõ gbagbu gbagbu-amo ma. Ame e wo la ekʼpo eshri ba eku, ta la obiŋ ba moarehwĩ la a sheŋ a kpu a wo ma.

Otsotsa 1:18 ပူးပေါင်းရင်းမြစ်များ

Amatiyu 11:23

Aŋo Akafanahum! Aŋo o klo o si eŋo o yi ongyeŋ? Ambo, moa á shri ŋo á ta enzheovo! Moa a kpo edgu ayakplo egbregbre ba moa a kpo hi osku ba Osodom angyiŋ e mbi, alo o yi o wo ma ma-me a bli anye he!

Amatiyu 16:19

Ame é shri emakuli ba Oreŋ Ongyeŋ é shri é doŋ. Ekplo boŋ o tla lo obiŋ hi, moa á tla lo a mbo Ongyeŋ. Ekplo boŋ o bmi ta la alo obiŋ hi, moa á bmi ta la lo Ongyeŋ.

Oluka 24:5

Eyli e kpo moashe lo nga moa a kŋe a shki obiŋ, ambo moare lo a zhĩ a lu mi le, Okyku eshi agimi e klo are la a wo eso ma eshki moa la a kpu?

Eyohana 11:25

Eyesu a nyuŋ ŋa a lu mi le, Ame angyiŋ e wo Oksongybi ta la Eso. Areyaŋ a mbo la a bmi ba adlidzi pa la me, á hwiŋ eso o wo baŋ a kpu a mbo.

Eyohana 14:19

Ambla fi nga, obiŋ hi ó ka me nga mbo, ambo agimi é ka me. Ame e wo la eso ma, okyku eka he agimi a mbo é wo la esõ ma.

MoaOroma 6:9

Okyku eshi agi e yi ba moa a kso Eyesu ongybi, aŋa á sa a kpu nga mbo. Eku e wo ekʼpo eshri baŋ ku-ku mbo.

2 MoaOkorinti 13:4

Moa a gŋe ŋa egŋe aki nga a bga ŋa okyku osheŋonye, ambo la ekʼpo ba Ahogbrẽ angyiŋ aŋa a sa a wo la eso ma. Okŋeobga bi ka la ŋa, agi a mbo e sheŋ e nye. Ambo odzudzu bi ka la gimi, agi é dzu ka la ŋa la ekʼpo ba Ahogbrẽ.

MoaEgalasiya 2:20

Okyku eka he, ame e wo la eso ma ohuhuhi mbo, ambo Ekristi angyiŋ a wo eso me. Eso ba ame e wo la alo ma ohuhuhi, ame e wo la alo ma okyku obmi ba adlidzi ta la Anwye ba Ahogbrẽ la a klo me nga a shri eso baŋ a di okyku me.

MoaOkolosi 3:3

Okyku eshi agimi e sheŋ e kpu, nga esõ bimi e yi e ghre ta la Ekristi okro ba Ahogbrẽ.

MoaIbrani 1:3

Anwye Ahogbrẽ he lo a la a shka ayi ayimom esesla ba Ahogbrẽ. Aŋa a ghwo emle ba Ahogbrẽ a gre eshri. Nga a la a kom obiŋ hi abgo la odlo baŋ la o wo la ekʼpo ma. Ambla baŋ a ndza odlobi moarehwĩ a khwo, aŋa a dzu Ongyeŋ obgori ba Ahogbrẽ la a wo la Anyuŋ Ekʼpo ma.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.

MoaIbrani 7:16

Moa a shri otum he lo a daŋ ozhẽ ba odaŋ moarehwĩ a jygu angyiŋ mbo. Aŋa a dzu andakʼpo olu ba Ahogbrẽ okro ekʼpo ba esõ la e khwo ku-ku nga mbo angyiŋ.

MoaIbrani 7:25

Okyku eka he, aŋa a kpo a gbu ohuhuhi ta la ombayaŋ a mbo baŋ a shla moare la a ba okro ba Ahogbrẽ ozhẽ baŋ. Okyku eshi a wo ma gbagbu-amo okyku o daŋ a la a vẽ Ahogbrẽ okyku mo.

Otsotsa 10:6

nga a kʼpi ashum la eshko ba Ahogbrẽ la á dzu ma gbagbu gbagbu-amo, nga aŋa angyiŋ a kpo Ongyeŋ ta la ekployaŋ a mbo la e wo Ongyeŋ ta la obiŋ hi, ta la ekployaŋ a mbo la e wo obiŋ hi, ta la anyuŋ-ondzu ta la ekployaŋ a mbo la e wo anyuŋ-ondzu lo. Anwyeadga lo nga a lu mi le, Ongingli ó wo ma ku-ku nga mbo!

Otsotsa 15:7

Ambla he nga akyeŋ eshki ba ébyi enyi lo, a shri étku ba azurfa efoha a shri a da moanwyeadga afoha. Étku lo e bli slu la olom ba Ahogbrẽ. Ahogbrẽ á dzu ma gbagbu gbagbu-amo.

Otsotsa 2:8

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Esemana o lu mi le, Oshpa he lo o wo oshpa la o zgi abgo ba are la a wo ori, ta la amom-abgo. Aŋa a kpu a khwo nga a sa a hwiŋ esõ.

Otsotsa 20:13

Ambla he lo nga anyuŋ-ondzu a shri ekom ba moa la a kpu anyuŋ-ondzu a shri a ba. Eku ta la obiŋ ba moarehwĩ la a kpu, moa a shri ekom moare la a kpu a shri a ba. Nga moa a sõ mo pyeŋ ombgu eka ekplo ba moa a kpo.

Otsotsa 20:14

Ambla he nga, moa a shri eku ta la obiŋ ba moarehwĩ la a kpu, a shri a ygi enzheovo. Eku ba oha lo angyiŋ e wo enzheovo he lo.

Otsotsa 3:7

Ogbgaodzi o sa o lu mi le, Aŋo o ta anwyeadga ba Eklisiya ba Efiladelfiya akpa o lu mi le, Oshpa he lo o wo oshpa la o zgi abgo ba are la a wo la esesla, nga a wo la adlidzi. Emakuli ba Adawuda e wo abgo baŋ angyiŋ. Aŋa angyiŋ a la a hwile ayizhẽ lo, nga arekyeŋ a shki lo a gbu mbo. Nga aŋa angyiŋ a la a shki lo, nga are-kyeŋ a hwile lo a gbu mbo.

Otsotsa 4:9

Ombamba pyeŋ ba ébyi enyi he lo e la e fu abmo ba esesla, ta la abmo ba ohlueshko, ta la abmo ba ovye a la a ygi are la a dzu emgbakyiŋ ba oreŋ, aŋa á dzu ma gbagbu gbagbu-amo.

Otsotsa 5:14

Ébyi enyi la e wo la esõ ma e tno ma e lu mi le, Amin. Ambla he nga moandakʼpo a tsu a ygi obiŋ egi ayi mo nga a hlu mo eshko.

Otsotsa 6:8

Ame e zhiŋ e ka nga, ame e ka enyma la e wo ehwĩ mlemle. Eshko ba are la a vre lo e ri Eku, nga are la a ri Ahades a la a lu ŋa ma osususku. Moa a shri ekʼpo eshri ogʼba okyeŋ eshki ba egʼba enyi ba obiŋ hi a shri a da mo, okyku o da mo a kpo otum ta la akõ, ta la aguembyle, ta la ololo, ta la ébyi ba akla la e wlu ayi, okyku o da mo a bga moare.

Otsotsa 9:1

Ambla he nga anwyeadga ba otno a hlu egbaru baŋ. Ame e ka eyi enzo e gʼbu e zgi ongyeŋ e gbu obiŋ. Moa a shri emakuli ba enzhe la e gyuŋ mgbyimgbyimgbyiŋ a shri a daŋ.