Otsotsa 1:1 - Ohwihwim Olehe

¹ Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Otsotsa 1:1 ပူးပေါင်းရင်းမြစ်များ

Eyohana 12:49

O wo eka he lo angyiŋ, okyku eshi ame e lu odlo ba eshrishri eme angyiŋ mbo. Ada la a hom me otum a tsa me eka akplo ba ame é ba e lu.

Eyohana 15:15

Ame é bzi gimi awaghrẽ nga mbo, okyku eshi awaghrẽ a yi ekplo ba adaŋ-odne a kpo mbo. Ambo ame e bzi gimi moakyemeazba okyku eshi ame e sheŋ e lu ekployaŋ a mbo ba ame e gno okro Adugu e da gimi.

Eyohana 17:8

Okyku eshi ame e shri odlo boŋ o shri o da me e shri e da mo, nga moa a yga lo. Moa a bmi ba adlidzi ba ame e zgi okro boŋ angyiŋ e ba, nga moa a bmi ba adlidzi ba aŋo angyiŋ o hom me otum.

Eyohana 3:32

Aŋa a lu ekployaŋ a mbo baŋ a ka nga a gno a di, ambo arekyeŋ a yga odlo baŋ mbo.

Eyohana 8:26

Ayakplo a wo ma nzenze ba ame e klo e lu nga e sheŋ ombgu eshri bimi. Are la a hom me otum, ekayaŋ a mbo a wo adlidzi angyiŋ. Ame e lu ekplo baŋ a lu a da me angyiŋ e la e da obiŋ hi.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

MoaEgalasiya 1:12

Ame e yga lo okro ba arehwi angyiŋ mbo, nga arekyeŋ a nye me alo mbo. Ambo Eyesu Ekristi eshrishri eŋa angyiŋ a hwile oshpa lo zhezheŋ a tsa me.

MoAfisu 3:3

Ahogbrẽ nga a hwile ohwihwim baŋ a hwim a ghre, nga a da me e yi lo. Ame e ta engla ple sha angyiŋ eshri lo.

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

Otsotsa 1:19

Okyku eka he aŋo o ta ayakplo boŋ o ka lo akpa. O ta ayakplo la a kpo ohuhuhi, ta la ayakplo la á ba a kpo ambla.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 17:1

Ambla he nga akyeŋ eshki moanwyeadga afoha la a wo la étku efoha lo, a ba okro me nga a lu mi le, O ba o da me e tsa ŋo eka ba moa á ba a nye ashe-eshra la a gbu eshko he lo eda. Aŋa angyiŋ a wo anyuŋ-osku ba moa a mbdzi lo osusku ta la éhwla nzenze.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 19:9

Ambla he nga anwyeadga lo a lu pa la me a lu mi le, O ta o lu mi le, Moarehwĩ ba moa a bzi mo okyku oriabgo eble ba Anwye Ekylu moa a wo la ognoraŋ ma. Anwyeadga lo a sa a lu odlo a ta ma a lu mi le, Odlo he lo o wo odlo adlidzi ba Ahogbrẽ angyiŋ.

Otsotsa 21:2

Nga ame e ka Osku ba Esesla, alo angyiŋ o wo Orushalima ohe, alo o zgi okro ba Ahogbrẽ Ongyeŋ o ba. Moa a nyuŋ lo a kpo nga, a dzu a kʼpu eka ba anwyeshe a ghwo anzho a dzu a bli anwyealom baŋ.

Otsotsa 21:9

Akyeŋ eshki moanwyeadga afoha la a wo la atku afoha, la a bli la elolo efoha ba amom-abgo lo, a ba okro me nga a lu mi le, O ba o da me e tsa ŋo Anwyeshe lo. Aŋa angyiŋ a wo ashe ba Anwye Ekylu.

Otsotsa 22:1

Anwyeadga he lo nga a tsa me ondzu ba ami ba esõ. Alo o wo zhezheŋ eka amihĩ. Alo o zgi emgbakyiŋ oreŋ ba Ahogbrẽ ta la Anwye Ekylu angyiŋ o ba.

Otsotsa 22:16

Ame Eyesu e hom anwyeadga me otum okyku o daŋ a su odlo he lo a ygi gimi arehwĩ ba Eklisiya lo pyeŋ. Ame e wo arehwĩ ba ogu ba Adawuda, nga ame angyiŋ e wo ambzi endigiŋ la e shka ayi.

Otsotsa 22:6

Ambla he nga anwyeadga lo a lu odlo pa la me a lu mi le, Odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo. Nga Adigi-odne Ahogbrẽ la a la a shri Ogbgaodzi baŋ a shri a da moarehwĩ baŋ a hom mo otum angyiŋ, a hom anwyeadga baŋ otum okro ba moawaghrẽ baŋ okyku o da mo a yi eka ba ekplo la é ba e kpo é ta adzadzi.

Otsotsa 22:8

Ame Eyohana, e gno, nga e sa e ka ayakplo he lo pyeŋ. Ambla ba ame e gno lo nga e ka lo e khwo nga, ame e kŋe e shki obiŋ egi ayi ba anwyeadga la a tsa me ayakplo he lo, okyku o hlu ŋa eshko.

Otsotsa 22:9

Ambo a lu a da me a lu mi le, Aŋo o kpo eka hi mbo! Ame a mbo e wo awaghrẽ eka boŋ pa la moanóŋ ba Ahogbrẽ a hom mo otum, ta la areyaŋ a mbo la a kpaŋ odlo la o wo akpa he. Aŋo o hlu Ahogbrẽ angyiŋ eshko!

Otsotsa 4:1

Omba he lo nga, ame e sa e ka edgu okokakyeŋ nganga. Ame e ka ayizhẽ a hwile. Nga enzi la e zhle eka ba egbaru, e la e lu odlo pa la me ayga, e lu mi le, O vre o ba ongyeŋ ahe, nga ame e tsa ŋo ekplo la é ba e kpo ambla ba ohi lo o kpo.

Otsotsa 5:7

Anwye Ekylu lo a gre a yi a sko ashye akpa lo obgori ba are la a dzu emgbakyiŋ ba oreŋ.