Oluka 9:1 - Ohwihwim Olehe

¹ Eyesu a bzi moanwyeotum baŋ otsko nga a shri ekʼpo ba o se egbgabi, ta la ekʼpo ba o shaŋ elolo a shri a da mo.

Oluka 9:1 ပူးပေါင်းရင်းမြစ်များ

Amatiyu 16:19

Ame é shri emakuli ba Oreŋ Ongyeŋ é shri é doŋ. Ekplo boŋ o tla lo obiŋ hi, moa á tla lo a mbo Ongyeŋ. Ekplo boŋ o bmi ta la alo obiŋ hi, moa á bmi ta la lo Ongyeŋ.

Amatiyu 4:24

Oshpa baŋ lo o ngla obiŋ ba Esiriya pyeŋ. Okyku eka he, moa a shri moare la a no elolo andandandim, pa la moare la a kpo edgu ewu andandandim, moa ba egbgabi e kpo otum pa la mo, moa la a gbu andom, pa la moa la a shla egʼba, Eyesu a shaŋ mo edgu ahe lo mvye.

Amatiyu 8:9

Ame a mbo, e wo abgo moandakʼpo la a gre me angyiŋ. Ame nga e wo moanwyeakyuŋ abgo me. O wo ba ame e hwile anyu e nyuŋ ahi e lu mi le, O yi! aŋa a la a yi. Nga o wo ba ame e sa e nyuŋ ŋa ma a ba, a la a ba. Nga o wo ba ame e hwile anyu e nyuŋ awaghrẽ me, ma a kpo eka he, aŋa a la a kpo eka he lo.

Oluka 10:1

Ambla he nga, Adigi-odne a sla moarehwi ekʼpoefoha nga a hom mo otum. A hom mo ahahaha, okyku o da mo a yi oskuyaŋ a mbo ta la okroyaŋ a mbo baŋ a zga eso ba o yi.

Oluka 10:19

Agimi e ngli e gno! Ame e shri ekʼpo e da gimi, okyku o da gimi e dzi amabi, ta la enaŋ a mbo, nga ame e da gimi ekʼpo la e gre ekʼpo pyeŋ ba Afpu bimi. Ekplokyeŋ é kpo gimi mbo ku-ku.

Eyohana 14:12

Ame e lu adlidzi e da gimi, areyaŋ a mbo la a bmi ba adlidzi pa la me, á kpo etum ba ame e kpo á gbu. Aŋa á kpo á gbu baŋ a kpo etum la e gre ehi a mbo, okyku eshi ame é yi okro Ada.

Otum 1:8

Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Otum 3:16

Ekʼpo ba eshko Eyesu angyiŋ e shri oshye e da alom he lo. Ekplo bimi e ka, nga e yi, e kpo okyku obmi ba adlidzi eshko baŋ. Okyku obmi ba adlidzi ta la Eyesu angyiŋ, alom he lo a shaŋ egi ayi bimi.

Otum 4:30

O wo boŋ Ahogbrẽ o bmi le, o ndba obgo boŋ o shaŋ moa elolo, nga o da gi ekʼpo okyku o da gi e kpo ayakplo egbregbre eshko Eyesu anwye esesla boŋ.

Otum 9:34

Ebitru a nyuŋ ŋa a lu mi le, Eniya, eshko ba Eyesu Ekristi, o shaŋ. O kso nga o nyuŋ amgbla olom ma boŋ o kpo. Nga Eniya a gba a kso.