Oluka 8:8 - Ohwihwim Olehe

⁸ Eyiebze nga e gro e gbu obiŋ la o wo odzadzi, nga e hlu e kpo ashri adzadzi. Eshriyaŋ a mbo e kpo eyi endgaekyeŋ. Ambla he nga Eyesu a lu mi le, Agimi e ngli atuŋ e gno, o wo bimi e wo la atuŋ ba o gno odlo ma!

Oluka 8:8 ပူးပေါင်းရင်းမြစ်များ

Amatiyu 11:15

Agimi e ngli atuŋ e gno o wo bimi e wo atuŋ ba o gno odlo ma le!

Amatiyu 13:23

Eyi la e gro e gbu obiŋ la o wo odzadzi, e dzu eka moare la a gno odlo lo nga a ka lo a bmye, nga a kpo ashri. Ashriabze a kpo eyi endgaekyeŋ, abze a kpo eyi ekʼpoefĩ, nga abze a kpo eyi ekʼpoetra.

Amarku 4:20

Ambo moahwõ a wo eka ba eyi moa a fu obiŋ la o wo erim ma. Moahi lo a gno odlo Ahogbrẽ, nga moa a yga lo, nga moa a kpo ashri. Ashriabze a wo eyi ekʼpoetra, abze a kpo eyi ekʼpoefĩ, nga abze a kpo eyi endgaekyeŋ.

Amarku 4:23

Eyesu a lu mi le, Are la a wo atuŋ ma ba o gno, a ngli a gno.

Amarku 4:8

Eyiebze e gro e gbu obiŋ odzi nga e zgi, nga e hlu e kpo ashri adzadzi. Ashriabze a kpo eyi ekʼpoetra, abze a kpo ekʼpoefĩ nga abze a kpo eyi endgaekyeŋ.

Amarku 7:16

O wo bimi e wo atuŋ ma ba o gno odlo, e ngli e gno.]

Oluka 14:35

Eŋe he lo e wo edzi okyku o shri o ygi agbi, o mbo le ekro dne a mo. Moa á shri lo á ygi a bi. Okyku eka he, o wo boŋ o wo la atuŋ ma le, o ngli o gno!

Oluka 8:15

Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.

Oluka 8:7

Eyiebze e gro e gbu akũ asi afpu. Moa a hlu ta la asi afpu otsotse. Asi afpu a hlu nga a kha lo.

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

Otsotsa 13:9

Agimi e ngli atuŋ e gno odlo o wo ba agimi e wo la atuŋ ba o gno odlo!

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Otsotsa 3:13

O wo ba agimi e wo la atuŋ ma le, e ngli atuŋ e gno odlo ba Ogbgaodzi o la o lu o ygi moaEklisiya.

Otsotsa 3:6

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya efoha!