Oluka 7:47 - Ohwihwim Olehe

⁴⁷ Ame e lu e doŋ, ekplo ba ashe he lo a kpo, a kpo lo okyku baŋ a wo la oklo ma nzenze. Oklo nzenze he lo o tsa ba moa a sheŋ a kyu ŋa abgo odlobi nzenze baŋ a kpo bgu. Areyaŋ a mbo ba moa a kyu ŋa abgo odlobi ple baŋ a kpo, are he lo a wo la oklo ple sha angyiŋ.

Oluka 7:47 ပူးပေါင်းရင်းမြစ်များ

Amatiyu 10:37

Areyaŋ a mbo la a klo adaŋ, ta la anaŋ a gre me le, aŋa a wo ekplokyeŋ angyiŋ egi ayi me mbo, nga are-yaŋ a mbo la a klo moanwye baŋ a gre me le, aŋa a wo ekplo-kyeŋ angyiŋ egi ayi me mbo.

Oluka 7:39

Omba ba alom ba Efarisi la a bzi ŋa okyku o da mo a ri algo otsotse a ka eka he nga, a lu eso baŋ a lu mi le, Alom hi a wo arehwĩ ba Ahogbrẽ a hom otum adlidzi angyiŋ e mbi, a kpo a gbu baŋ a yi edgu ashe la a tka ŋa he. E mbi, aŋa a kpo a gbu baŋ a yi edgu odlobi ba ashe lo a la a kpo!

Oluka 7:46

Aŋo o shri awargi o di okyku o khwa eshri me mbo, ambo ashe he lo a khwa adga me la awargi la a shka efpi.

Oluka 7:48

Ambla he nga Eyesu a nyuŋ ashe lo a lu mi le, Moa a kyu ŋo abgo odlobi boŋ.

Otum 5:31

Ahogbrẽ nga a daŋ a dzu obgori eka Andakʼpo, ta la Areoshla. Okyku o da moarehwi ba Esrayila a hwiŋ anvaŋ a ghwo obiŋ nga a hwiŋ okyuabgo odlobi mo.

MoaOroma 5:20

Moa a zgi la odaŋ, okyku o da mo a tsa areyaŋ a mbo ayakplobi. Odlobi lo o ta ma-ma, ambo okpoghwo ba Ahogbrẽ o gre lo nzenze.

2 MoaOkorinti 5:14

Okyku eshi oklo ba Ekristi okyku gi angyiŋ o la o ri ekʼpo ka la gi, okyku eshi ohuhuhi agi e ka e bmye ba arekyakyeŋ á ba a kpu okyku moarehwi pyeŋ. O dzu eka moare pyeŋ a pu eku baŋ a kpu he lo.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoAfisu 6:24

Okpoghwo ba Ahogbrẽ o dzu pa la moare pyeŋ la a klo Adigi-odne Eyesu Ekristi la oklo la o khwo nga mbo.

MoaEfilibi 1:9

Olu me okyku gimi angyiŋ o wo ohe lo. Ame e la e fa olu okyku o da oklo bimi o ta ma-ma ombayaŋ a mbo, ta la oyioyi ba adlidzi ta la okaobmye zhezheŋ,

1 Etimoti 1:14

Adigi-odne nga a shki me la okpoghwo baŋ nzenze, nga a shri obmi ba adlidzi ta la oklo a da me. Agi e hwiŋ lo omba bi e kŋe e bga ta la Ekristi Eyesu.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.

1 Eyohana 3:18

Agimi anwye me! Agi e da oklo bi o dzu egba ta la odlo sha mbo. O raŋ o gre ba alo o dzu oklo ba adlidzi la o tsa eŋa otum ba alo o kpo.

1 Eyohana 4:19

Agi e wo la oklo ma okyku eshi Ahogbrẽ angyiŋ a klo gi oriori.

1 Eyohana 5:3

Oklo okyku Ahogbrẽ o wo okro ba okpaŋ odaŋ baŋ angyiŋ. Odaŋ baŋ nga o wo ewu o gre gi eshri mbo ku-ku,