Oluka 7:41 - Ohwihwim Olehe

⁴¹ Eyesu a lu mi le, Moare aha a wo ma. Moa a ri are la a shri amgbaŋ a di okŋe. Akyeŋ a ri okŋe ba Enaira ekʼpoetno nga ahwõ a ri okŋe ba Enaira etno.

Oluka 7:41 ပူးပေါင်းရင်းမြစ်များ

Amatiyu 18:28

Alom lo a zgi a gre a yi a ka akyeŋ eshki moanwye-odne la a ri ŋa okŋe Enaira okʼpo. A fye ŋa evgo oto ngre nga a lu mi le, O hre okŋe me!

Amatiyu 6:12

O kyu gi abgo odlobi ba agi e la e kpo egi ayi boŋ, Eka bi e la e kyu moa la a kpo odlobi agi ayi bi abgo.

Amarku 6:37

Eyesu a nyuŋ mo a lu mi le, Agimi e klo algo e da mo a ri. Moa a tno ŋa ma a lu mi le, Agi é yi é gbmo agbrotsa ba Enaira ekʼpoenyi é shri é ba é da mo?

Oluka 11:4

Aŋo o kyu gi abgo odlobi bi e la e kpo. Eka ba agi e la e kyu areyaŋ a mbo la a ta akpu egi ayi bi abgo. Nga o da obile la o gre gi eshri o hwiŋ gi mbo.

Oluka 12:48

Ambo anwye-odne la a yi ekplo ba adaŋ-odne a klo baŋ a kpo mbo le, o wo baŋ a kpo ekplokyeŋ ebi le, moa á taŋ ŋa andzu la anwye aki angyiŋ. Ohe lo angyiŋ ó dzu ewu baŋ. Are ba moa a shri nzenze a shri a daŋ, moa á klo nzenze angyiŋ okro baŋ. Are ba moa a shri fkatka a shri a daŋ, moa á klo fkatka angyiŋ okro baŋ.

Oluka 13:4

Eshi e kpo pa la moarehwi okʼpofote ba Esiloyom? Ogli o kypi o pre mo nga moa a kpu. Eka bimi e ka ohe lo o kpo okyku moa a wo la odlobi a gre moahwõ la a wo Orushalima angyiŋ?

Oluka 7:40

Eyesu a lu odlo ka la ŋa a lu mi le, Esima, ame e wo la ekplokyeŋ okyku o lu o da ŋo. Esima a tno ma a lu mi le, Andakʼpo ame e bmi aŋo o lu.

Oluka 7:47

Ame e lu e doŋ, ekplo ba ashe he lo a kpo, a kpo lo okyku baŋ a wo la oklo ma nzenze. Oklo nzenze he lo o tsa ba moa a sheŋ a kyu ŋa abgo odlobi nzenze baŋ a kpo bgu. Areyaŋ a mbo ba moa a kyu ŋa abgo odlobi ple baŋ a kpo, are he lo a wo la oklo ple sha angyiŋ.

MoaOroma 3:23

Areyaŋ a mbo a kpo odlobi, nga moa a wo ogyugyuŋ ta la Ahogbrẽ la a shla moare.

MoaOroma 5:20

Moa a zgi la odaŋ, okyku o da mo a tsa areyaŋ a mbo ayakplobi. Odlobi lo o ta ma-ma, ambo okpoghwo ba Ahogbrẽ o gre lo nzenze.