Oluka 7:13 - Ohwihwim Olehe

¹³ Omba ba Adigi-odne a ka ŋa a ka ŋa ayiekŋe. Okyku eka he a nyuŋ ashe lo a lu mi le, O wu okũ mbo.

Oluka 7:13 ပူးပေါင်းရင်းမြစ်များ

Amarku 8:2

Eshki moarehwi e wo me ayiekŋe e gre eshri okyku eshi moa a wo ahe pa la me olum ba otra a mo, nga algo mo a khwo.

Oluka 10:1

Ambla he nga, Adigi-odne a sla moarehwi ekʼpoefoha nga a hom mo otum. A hom mo ahahaha, okyku o da mo a yi oskuyaŋ a mbo ta la okroyaŋ a mbo baŋ a zga eso ba o yi.

Oluka 11:1

Ombakyeŋ nga Eyesu a gre okrokyeŋ okyku o fa olu. Ambla baŋ a fa a khwo nga, anwyeotum baŋ akyeŋ a nyuŋ ŋa a lu mi le, Adigi-odne, o nye gi eka moa a la a fa olu, eka ba Eyohana a mbo a nye moanwyeotum baŋ.

Oluka 11:39

Okyku eka he nga, Adigi-odne a nyuŋ ŋa a lu mi le, O ka, agimi Efarisi e la e ndza etku bimi e la e wa ami ma egi edzi, ambo agimi e dzu egi eshyẽ e zga. Egi eshyẽ nga, engre ta la odlobi sha e bli lo.

Oluka 12:42

Adigi-odne a tno ma a lu mi le, Ayi angyiŋ a wo anwye-odne ba adlidzi la a ka a bmye? Aŋa angyiŋ a wo are ba adaŋ-odne á ba a shri otum á ghwo abgo baŋ okyku o daŋ a kpaŋ odne lo nga okyku o shri algo o da moanwye-odne omba la o raŋ o gre.

Oluka 13:15

Adigi-odne a tno ma a lu mi le, Agimi arehwĩ la e bile moare! Agimi e la e ngla andu o mbo le ashrishri okyku o da lo a yi a wa ami ehwlo onda ba Asabat.

Oluka 17:5

Moa la a nyum oshpa a nyuŋ Adigi-odne a lu mi le, O wo boŋ o bmi le, o ta gi obmi ba adlidzi ma.

Oluka 17:6

Adigi-odne a tno ma a lu mi le, O wo bimi e wo la obmi ba adlidzi la o wo etsitsi eka eyi ba amastad sha a mbo, agimi e kpo e gbu bimi e nyuŋ esĩ aki hi e lu mi le, O gʼbu la emgbʼbo nga o yi o kũ anyuŋ-ondzu! Ó kpo ó gbu.

Oluka 18:6

Eyesu a lu mi le, Agimi e gno ekplo ba are la a sõ ombgu ba akpro hi a lu.

Oluka 19:8

Moa a gre odne a khwo nga, Azaka a kso a nyuŋ Eyesu a lu mi le, Andakʼpo o ngli o gno! Ame é gʼba angyiŋ me aha nga é shri é da moaekŋe. O wo ba ame e kpgo arekyeŋ le, ame é nyiŋ ema lo é daŋ engyi enyi.

Oluka 22:61

Adigi-odne a zhiŋ a ka Ebitru dzo. Omba he lo nga, Ebitru a tne aga odlo ba Adigi-odne a lu mi le, Aŋo ó dzu evom me engyi etra ayga engo é ba e tko anye hi.

Oluka 24:3

Okyku eka he nga, moa a gre ma eshyẽ ambo moa a ka okom ba Adigi-odne Eyesu mbo.

Oluka 24:34

Moanwyeotum okʼpoakyeŋ he lo a nyuŋ moaha lo a lu mi le, Adigi-odne a kso adlidzi angyiŋ! Esima a ka ŋa!

Oluka 7:12

Omba baŋ a gbu anyuŋ ayizhẽ ba osku lo nga, a tsa moare la a wu okũ eku ozhẽ. Moa a zgi edzi la okom lo. Anwye la a kpu he lo, a wo anwye akyakyeŋ angyiŋ ba ashe-eshaku he lo. Moare ba osku he lo nzenze a ba a wo ma ka laŋa.

Oluka 7:14

Ambla he nga Eyesu a gre a yi a tka akpati ba moa a shri okom lo a ghwo ma. Moare la a shri akpati a tspi. Eyesu a nyuŋ anwye lo a lu mi le, Ola anwye, ame e lu e doŋ, o kso o zgi!

Oluka 7:19

a hom mo otum okro ba Adigi-odne okyku o da mo a zhĩ Eyesu a lu mi le, Aŋo angyiŋ o wo are ba Eyohana a nyum oshpa ma aŋa á ba le, agi e ka ayi ozhẽ okyku arekyeŋ ondundum?

Oluka 8:52

Areyaŋ a mbo ahe lo nga, a la a wu okũ okyku anwye lo. Ambo Eyesu a nyuŋ mo a lu mi le, Agimi e wu okũ mbo. Anwye lo a kpu-kpu angyiŋ mbo. A ndze enu angyiŋ!

Eyohana 11:2

Emeri he lo angyiŋ a shri awargi a ygi adga ba Adigi-odne nga a khwa lo la amasẽ eshri baŋ. Anáŋ la a ri Eliyazaru a no olo.

Eyohana 11:3

Moanáŋ-alashle a hom otum a kom Eyesu a lu mi le, Adigi-odne, akyeŋoazba ba adlidzi a no olo.

Eyohana 20:13

Moanwyeadga ba Ahogbrẽ a zhĩ ŋa a lu mi le, Ashe, okyku eshi aŋo o wu okũ? A tno mo ma a lu mi le, Okyku eshi moa a sko Adugu-odne a yi a zga okrokyeŋ. Ame e yi okro moa a shri ŋa a zga ma mbo!

Eyohana 20:15

Eyesu a zhĩ ŋa a lu mi le, Ashe, okyku eshi aŋo o wu okũ? Aŋo o klo ayi angyiŋ? Emeri a ka ma o dzu mbo ma alom lo a wo areagbi angyiŋ. Okyku eka he a vẽ a lu mi le, Andakʼpo o wo boŋ o sko ŋa o yi o ghre le, o tsa me okro boŋ o shri ŋa o zga ma, okyku o da me e yi e sko ŋa.

Eyohana 4:1

MoaEfarisi a gno oshpa ma Eyesu a la a hwiŋ moare nga a la a kpo mo abaptisma a gre ba Eyohana.

Eyohana 6:23

Amgblami ahwõ a zgi Etebiriya a ba akaŋ la a wo osusku ta la okro ba moare a taŋ agbrotsa ambla ba Adigi a vye Ahogbrẽ okyku lo.

1 MoaOkorinti 7:30

nga moa a la a wu okũ eka moare ba eso e ka e tpi mo ayi mbo, nga agimi la e ŋo eka moare la a wo la ovye ma mbo, nga agimi e la e gbmo eka ba moa la a wo ekplo ba moa a gbmo lo ma mbo.

1 MoaEtasolonika 4:13

Agimi anáŋ, agi e klo ba agimi e yi adlidzi eshri moare la a sheŋ a kpu, okyku o da gimi e dzu la esõ-ongʼba eka moare la a wo la okayiozhẽ mbo, mbo.

MoaIbrani 2:17

O dzu omgbybi angyiŋ baŋ a sko edgu odzudzu ba moanáŋ ozhẽyaŋ a mbo, okyku o daŋ a dzu andakʼpo olu ba Ahogbrẽ la a wo adlidzi, nga a ka ayiekŋe ibu ba otum baŋ egi ayi ba Ahogbrẽ, okyku o da Ahogbrẽ a kyu moarehwĩ abgo odlobi moa a la a kpo.

MoaIbrani 4:15

Anyuŋ-andakʼpo olu bi a wo are la a kpaŋ la okayiekŋe ta la osheŋonye bi. Ambo, agi e wo anyuŋ-andakʼpo olu ba moa a mbga ŋa ozhẽyaŋ a mbo ba moa a la a mbga gi angyiŋ. Ambo aŋa a ka a kpo odlobi ku-ku mbo.