8 Ambla ba Esima Ebitru a ka eka ekplo la e kpo nga, a ba a kʼpu obiŋ egi ayi Eyesu nga a nyuŋ ŋa a lu mi le, O kye o sku me, Adigi-odne, okyku eshi ame e wo are odlobi angyiŋ!
Moa a gre odne eshyẽ nga moa a ka anwye lo ta la anaŋ Emeri. Moa a kne a shki obiŋ, nga moa a hlu ŋa eshko. Moa a hwile apuoshri mo nga moa a se ototno moa a shri. Moa a shri ezanariya, ta la afarakis ta la emri.
Alom lo a tno Eyesu ma a lu mi le, O mbo. O ka, ame e tse ma boŋ o gre o yi odne me mbo. Aŋo o hwile anyu o lu odlo sha, ame e yi, anwye-odne me lo, á shaŋ.
Okyku eka he moa a bzi moa la a kpo atsa pa la mo ámgblami ahwõ, okyku o da mo a ba a kpo a ghwo la mo. Moa a ba a bli amgblami aha la atsa ma-me ámgblami a klo o dumayi ami.
Ayakplo ba agi e la e ka ohuhuhi a wo eka ba amu emakyeŋ a zgi a dzu akpaokayi. Omba mi lo nga agi é ka ekployaŋ a mbo la enmwre ayi. Ayakplo ba ame e yi ohuhuhi a wo ple sha ayga. Omba mi lo nga, ame é yi ekployaŋ a mbo pyeŋ, eka ba Ahogbrẽ a yi me pyeŋ.
Ame e tsi e gbu eka okom ototno egi ayi baŋ omba ba ame e ka ŋa. Ambo a shri obgori baŋ a lom egʼba me nga a lu mi le, O kpo eyli mbo! Ame angyiŋ e wo a ba ori, ta la a ba amom-abgo.