Oluka 4:34 - Ohwihwim Olehe

³⁴ Eshi! Aŋo o klo eshi ka la gi? Aŋo Eyesu ba Anazarata! O klo o bga gi? Ame e yi ŋo zhezheŋ, aŋo o wo Anwyeadga ba esesla ba Ahogbrẽ angyiŋ!

Oluka 4:34 ပူးပေါင်းရင်းမြစ်များ

Amatiyu 8:29

Omba ba moa a ka Eyesu nga moa a ta enzi angyangyeŋ, a lu mi le, Aŋo Anwye Ahogbrẽ o klo eshi ka la gi? Aŋo o ba okyku o kpo gi ewu ayga o da omba lo o kpo?

Amarku 1:24

Eyesu ba Anazarata, o klo eshi ka la gi? O ba okyku o bga gi angyiŋ? Ame e yi ŋo, aŋo o wo Anwyeadga ba esesla ba Ahogbrẽ angyiŋ.

Amarku 1:34

Eyesu a shaŋ moa la a no olo andandandim, nga a se egbgabi nzenze. Eyesu a da mo ozhẽ a lu akplokyeŋ mbo, okyku eshi moa a yi ŋa.

Amarku 5:7

A ta enzi angyangyeŋ a lu mi le, Eyesu Anwye Ahogbrẽ ba esesla aŋo o klo eshi pa la me? Ame e vẽ ŋo eshko ba Ahogbrẽ, o wo boŋ o bmi le, o kyu me abgo.

Oluka 1:35

Anwyeadga ba Ahogbrẽ a tno ma a lu mi le, Ogbgaodzi ó bli ŋo, nga ekʼpo ba Ahogbrẽ angyiŋ é ba e kpo otum ka la ŋo. Okyku eka he anwye ba esesla he lo, moa á bzi ŋa Anwye ba Ahogbrẽ.

Oluka 4:33

Eshki he lo nga, alomakyeŋ ba ogbgabi o kpo ŋa ewu a wo ma, a ta enzi angyangyeŋ a lu mi le,

Oluka 4:41

Egbgabi e zgi egʼba moare nzenze nga e ta enzi angyangyeŋ e lu mi le, Aŋo angyiŋ o wo Anwye Ahogbrẽ! Moa a yi ba Eyesu angyiŋ a wo Emisiya. Okyku eka he, aŋa a bmi a da mo a lu akplokyeŋ mbo.

Oluka 8:28

Omba baŋ a ka Eyesu nga, a ta enzi angyangyeŋ mgbʼba nga a kʼpu obiŋ egi ayi Eyesu nga a lu mi le, Eyesu, Aŋo Anwye Ahogbrẽ la a wo Esesla a gre pyeŋ! Aŋo o klo o kpo me eshi? Ame e vẽ ŋo, o wo boŋ o bmi le, o kpo me ewu mbo!

Oluka 8:37

Ambla he nga moare pyeŋ ba obiŋ ba Egegaseni a vẽ Eyesu okyku o daŋ a kso a sku obiŋ mo. Moa a kpo eyli baŋ nzenze. Eyesu a gre amgblami nga a zhiŋ eŋa ogbu.

Otum 16:39

Okyku eka he, moa a gre a yi a ghwo obiŋ a da mo. Nga moa a se mo a sku aku lo, nga moa a da mo a zgi a sku osku lo.

Otum 2:27

Okyku eshi aŋo ó da me e kpu e dga obiŋ hi pa la moa-hwõ mbo, Aŋo ó bmi ó da anwye-odne boŋ ba esesla a vre mbo.

Otum 3:14

Eyesu a wo esesla, nga a raŋ odlo a gre eshri, ambo agimi e tla ŋa, nga agimi e vẽ Ebilatu a daŋ a kyu are la a kpo ebga angyiŋ abgo o sku Eyesu.

Otum 4:27

Adlidzi angyiŋ, Ehirudu, ta la Obuntu Ebilatu moa a fu eshri osku he angyiŋ pa la moa la a wo moaEyahuda mbo, ta la moarehwi ba Esrayila eshri Eyesu Anwye-odne boŋ ba esesla, a boŋ o daŋ a dzu Emisiya.

MoaIbrani 2:14

Eka ba alo o wo moarehwĩ baŋ a bzi mo ma moanwye baŋ, moa a wo moarehwĩ ba ebyi ta la amanzhli angyiŋ. Eyesu a mbo a zhiŋ a dzu eka mo, nga a pu pa la mo edgu odzudzu ba arehwĩ. A kpo eka he lo okyku o daŋ a bga Eshitaŋ okro ba eku baŋ a kpu. Eshitaŋ he lo e wo ekʼpo ba eku ma.

Eyakubu 2:19

Agimi e bmi ba adlidzi ba Ahogbrẽ okyekyeŋ sha a wo ma mbo? O wo odzi! Egbgabi a mbo e bmi ba adlidzi ekakahelo, nga egʼba mo e la e zhga ara okyku eyli.

1 Eyohana 3:8

Areyaŋ a mbo la a shri eshri baŋ a zga okyku o kpo odlobi le, a wo arehwĩ ba Eshitaŋ angyiŋ. Okyku eshi a zga okũ oriori, odlobi o dzu atsoŋ eda la e gbyi angyiŋ ta la Eshitaŋ. Anwye Ahogbrẽ a ba okyku o jygi etum ba Eshitaŋ angyiŋ.

Otsotsa 20:2

A vu emabi egagre, alo angyiŋ a wo atsoŋ emabi he lo. Alo angyiŋ a wo Areabi ta la Eshitaŋ. Anwyeadga he lo a ta ŋa agbu okyku eyi ezbi.

Otsotsa 3:7

Ogbgaodzi o sa o lu mi le, Aŋo o ta anwyeadga ba Eklisiya ba Efiladelfiya akpa o lu mi le, Oshpa he lo o wo oshpa la o zgi abgo ba are la a wo la esesla, nga a wo la adlidzi. Emakuli ba Adawuda e wo abgo baŋ angyiŋ. Aŋa angyiŋ a la a hwile ayizhẽ lo, nga arekyeŋ a shki lo a gbu mbo. Nga aŋa angyiŋ a la a shki lo, nga are-kyeŋ a hwile lo a gbu mbo.