Oluka 4:18 - Ohwihwim Olehe

¹⁸ Ogbgaodzi ba Adigi-odne o wo pa la me. Aŋa angyiŋ a sla me okyku o da me e nyum Oshpaodzadzi e ygi moaekŋe. A hom me otum okyku o da me e su odzudum e ygi moare la moa a klu mo aku. Nga e shaŋ moavgayi, Nga okyku o ngla moa la a kpo ewu.

Oluka 4:18 ပူးပေါင်းရင်းမြစ်များ

Amatiyu 11:5

Agimi e lu e daŋ eka ba ame e hwile moavgayi ayi, nga e shaŋ moa la a buŋ adga, pa la moa la a gbu eshru, pa la moa la a som atuŋ, nga e vro moare la a kpu. Nga agimi e lu e daŋ eka ba ame e la e nyum oshpa e ygi moa la a wo ekŋe.

Amatiyu 12:18

Anwye-odne me angyiŋ a wo ahi, aŋa ame e sla ŋa. Aŋa angyiŋ ame e la e klo ŋa, Nga ame e gno oraŋ ka la ŋa e gre eshri. Ame é bli ŋa la Ogbgaodzi me. Aŋa nga á su odlo me, á ygi moare pyeŋ.

Amatiyu 12:20

Aŋa á ndbi agogro a ta mbo. Nga aŋa á dzu agogro a zga mbo. Ambo aŋa á zga gble okyku o da mo a yi adlidzi.

Amatiyu 4:16

Moarehwĩ la a dzu evbu, Moa á ka ayimom agagre! Eshri moa la a dzu obiŋ evbu ba eku, Ayimom á tra!

Amatiyu 5:3

Oraŋ o wo ma okyku moa la a yi ba moa a sheŋ anye, okyku eshi Oreŋ Ongyeŋ o wo o mo angyiŋ!

Oluka 4:17

Moa a shri akpa ba Eshaya arehwĩ ba Ahogbrẽ a hom otum, a shri a daŋ. A hwile ashye akpa lo, nga a tsi okro la o lu mi le,

Oluka 6:20

Eyesu a ka moanwyeotum baŋ tki nga a lu mi le, Oraŋ o wo ma okyku gimi la e yi bimi e sheŋ anye, okyku eshi Oreŋ Ahogbrẽ o wo okyku gimi!

Oluka 7:22

Eyesu a tno moanwyeotum ba Eyohana ma a lu mi le, Agimi e bla e yi nga e nyum ayakplo bimi e ka nga e gno, e daŋ. Agimi e lu e daŋ eka ba ame e shaŋ moavgayi, pa la moa la a buŋ adga, pa la moa la a gbu eshru, pa la moa la a som atuŋ, nga e kso moa la a kpu, nga e nyum oshpa e ygi moaekŋe.

Eyohana 1:41

Ambla fi nga, Andru a hwiŋ anáŋ Esima nga a lu a daŋ a lu mi le, Agi e hwiŋ Emisiya. A dzu Ekristi.

Eyohana 12:46

Ame e ba obiŋ hi eka ba ayimom angyiŋ, okyku o da areyaŋ a mbo la a bmi ba adlidzi pa la me a dzu evbu nga mbo.

Eyohana 3:34

Are ba Ahogbrẽ a daŋ a ba lo, a la a nyum odlo ba Ahogbrẽ, okyku eshi Ahogbrẽ a mbga Ogbgaodzi ombga a shri a daŋ mbo.

Otum 10:38

Agimi e gno oshpa ba Eyesu Ekristi ba Anazarata eka ba Ahogbrẽ a bli ŋa la Ogbgaodzi, ta la ekʼpo. Aŋa a gre okroyaŋ a mbo nga a la a kpo odlodzi, nga a la a shaŋ moare ba ekʼpo ba egbgabi e kpo mo ewu, okyku Ahogbrẽ a wo ka la ŋa.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

Otum 4:26

Moareŋ ba obiŋ hi a fu eshri, Nga moa la a ri oreŋ a hwim Eshri Adigi-odne, ta la Emisiya baŋ.

Otum 4:27

Adlidzi angyiŋ, Ehirudu, ta la Obuntu Ebilatu moa a fu eshri osku he angyiŋ pa la moa la a wo moaEyahuda mbo, ta la moarehwi ba Esrayila eshri Eyesu Anwye-odne boŋ ba esesla, a boŋ o daŋ a dzu Emisiya.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.