Ambla ba moa a kpo Eyesu abaptisma a khwo nga, aŋa a zgi ami lo, ongyeŋ o hwile, nga aŋa a ka Ogbgaodzi ba Ahogbrẽ o gile o ba obiŋ eka ba aklungu, nga o tspi eshri baŋ.
Okyku eka he nga Eyohana a zgi a la a su akaŋ ondzu ba Ordu obiŋ ba Eyahuda a lu mi le, Agimi e kyu ayakplobi abgo okyku o da me e kpo gimi abaptisma. Ahogbrẽ nga á kyu gimi abgo odlobi bimi.
Omba he lo nga Eyesu a bla a gre obiŋ ba Egalili. Ekʼpo Ogbgaodzi e wo ka la ŋa. Oshpa baŋ a ba ogʼba obiŋ hi lo o ngla o tsu o gre ogʼba ba obiŋ hi mvye.
Ogbgaodzi ba Adigi-odne o wo pa la me. Aŋa angyiŋ a sla me okyku o da me e nyum Oshpaodzadzi e ygi moaekŋe. A hom me otum okyku o da me e su odzudum e ygi moare la moa a klu mo aku. Nga e shaŋ moavgayi, Nga okyku o ngla moa la a kpo ewu.
Agimi e gno oshpa ba Eyesu Ekristi ba Anazarata eka ba Ahogbrẽ a bli ŋa la Ogbgaodzi, ta la ekʼpo. Aŋa a gre okroyaŋ a mbo nga a la a kpo odlodzi, nga a la a shaŋ moare ba ekʼpo ba egbgabi e kpo mo ewu, okyku Ahogbrẽ a wo ka la ŋa.