Oluka 3:16 - Ohwihwim Olehe

¹⁶ Ambo Eyohana a nyuŋ mo pyeŋ a lu mi le, Ame e la e kpo gimi abaptisma la amihĩ, ambo are la a gre me la ekʼpo á ba. Ame e tse ma ku-ku ba ame e gbyle e ngla akpadga baŋ mbo. Aŋa á kpo gimi abaptisma ta la Ogbgaodzi, ta la ovo.

Oluka 3:16 ပူးပေါင်းရင်းမြစ်များ

Amatiyu 3:11

Ame e la e kpo gimi abaptisma la amihĩ okyku o tsa ba agimi e ghwo obiŋ bgu. Ambo are la á ba a ba ambla me, aŋa á kpo gimi abaptisma la Ogbgaodzi, ta la ovo. Aŋa a wo ekʼpo a gre me, nga ame e tse ma ba ame e sko akpadga baŋ mbo.

Amatiyu 3:12

Aŋa nga a wo la ofpo ma, nga aŋa á jygu ashri lo. Aŋa á pla eyi esekʼpa lo á shri á ygi anjygu baŋ nga á shri ogbagba á ygi ovo la o ri o khwo nga mbo!

Eyohana 1:26

Eyohana a tno mo ma a lu mi le, Ame e kpo moare abaptisma la amihĩ, ambo eshki bimi are ba agimi e yi ŋa mbo a tspi ka la gimi.

Eyohana 1:27

Aŋa á ba ambla me, ambo ame e tse ma ba ame e ngla akpadga baŋ mbo.

Eyohana 1:33

Omba he lo, ame e yi ŋa mbo, ambo Ahogbrẽ la a da me e kpo abaptimsa la amihĩ a nyuŋ me a lu mi le, Aŋo ó ka Ogbgaodzi ó gile eshri alom he lo. Alom he lo angyiŋ a la a kpo moare abaptisma la Ogbgaodzi.

Eyohana 7:38

Eka ba Odlo Ahogbrẽ o lu mi le, Areyaŋ a mbo I a bmi ba adlidzi pa la me, ehwlo ami ba eso é zgi eso baŋ.

Otum 1:5

Eyohana a la a kpo moare abaptisma la amihĩ, ambo ambla fi nga moa á kpo gimi abaptisma la Ogbgaodzi.

Otum 10:44

Omba ba Ebitru a la a lu odlo nga, Ogbgaodzi o gile eshri moa la a gno oshpa lo mvye.

Otum 2:33

Moa a kso ŋa a daŋ a yi a dzu obgori ba Ahogbrẽ, nga a yga Ogbgaodzi okro baŋ eka ba Adaŋ a sheŋ a hwim. Ekplo bimi e ka nga e gno ohuhuhi, Ogbgaodzi angyiŋ o shri o da gi.

1 MoaOkorinti 12:13

Nga ekakahelo, agi Eyahuda pa la moa la a wo moaEyahuda mbo, pa la moa la a wo moawaghrẽ, pa la moa la a wo moawaghrẽ mbo, moa a kpo gi abaptisma ibu ba egʼba ekyekyeŋ, la Ogbgaodzi okyekyeŋ. Moa a shri Ogbgaodzi okyekyeŋ he lo angyiŋ a da gi pyeŋ okyku o da gi e yga.