Oluka 2:9 - Ohwihwim Olehe

⁹ Anwyeadga ba Ahogbrẽ a ba okro mo. Ayimom ba Ahogbrẽ nga a tra mo. Eyli e kpo mo nzenze.

Oluka 2:9 ပူးပေါင်းရင်းမြစ်များ

Amatiyu 1:20

Omba baŋ a wo aga a la a tne eshri lo nga, anwyeadga ba Adigi-odne a ba okro baŋ onze, nga a nyuŋ ŋa a lu mi le, Oyusufu, aŋo ba ogu ba Adawuda, aŋo o fu eha ba o sko ashe boŋ Emeri mbo. Ogbgaodzi angyiŋ o shri onyi lo o daŋ.

Oluka 1:28

Anwyeadga ba Ahogbrẽ a ba okro anwyeshe a nyuŋ ŋa a lu mi le, Opyapyaŋ ba eso o dzu ka la ŋo. Ahogbrẽ a wo ka la ŋo, okyku eka he, aŋa a doŋ o raŋ eshri okro baŋ!

Oluka 2:8

Okyukyku he lo, moakyeŋ la a kpaŋ ékylu a kʼpu ékylu mo aklakyeŋ osusku ta la Ebetalami.

Oluka 24:4

O so mo ayi, nga moa a tspi okro lo, nga moarealom aha la a ygi anzho la a shka ayi leleleŋ a ba a tspi egi ayi mo.

Eyohana 12:41

Eshaya a lu eka he okyku baŋ a ka ayimom ba esesla ba Eyesu, nga baŋ a nyum oshpa eshri baŋ.

Otum 12:7

Anwyeadga ba Ahogbrẽ a gnyu nga a ba a tspi okro lo, nga ayimom a tra enjygu aku lo. Anwyeadga ba Ahogbrẽ a kne Ebitru ehwre nga a daŋ a kso nga a nyuŋ ŋa a lu mi le, O kso shoshoŋ! Nga aslika lo a ngla a sku abgo baŋ.

Otum 27:23

Okyku eshi okyukyku ore, anwyeadga ba Ahogbrẽ ba ame e la e lu ŋa ma, nga e la e hlu ŋa eshko, a ba okro me.

Otum 5:19

Okyukyku onda he lo, anwyeadga ba Ahogbrẽ a ba a hwile ayizhẽ aku lo, nga a da moa la a nyum oshpa a zgi nga a nyuŋ mo a lu mi le,

2 MoaOkorinti 3:18

Okyku eka he nga, agi pyeŋ e la e tsa ayimom ba esesla ba Ahogbrẽ la eyayi moa a kha lo la emakyeŋ mbo. Nga ayimom ba esesla mi lo e zgi okro ba Adigi-odne la a wo Ogbgaodzi. Aŋa angyiŋ a la a zhiŋ gi a da gi e la e sko emle baŋ. Aŋa a la a da gi e ta ma ombamba pyeŋ la ayimom ba esesla he lo.

2 MoaOkorinti 4:6

Ahogbrẽ la a lu mi le, Ayimom lo á zgi evbu angyiŋ á ba a tra! Aŋa angyiŋ a da ayimom baŋ a tra eso bi, okyku o da gi e hwiŋ ayimom ba oyioyi ba esesla ba Ahogbrẽ la a shka ayi eyayi ba Ekristi.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

MoaIbrani 12:21

Okro lo pyeŋ o zhiŋ o dzu ekro ba eyli o gre eshri, okyku eka he Omusa a lu mi le, Egʼba e zhga me ara nga eyli e kpo me!

Otsotsa 18:1

Ambla he nga ame e ka anwyeadgakyeŋ a zgi Ongyeŋ a ba obiŋ. A wo la anyuŋ ekʼpo ma. Ayimom baŋ nga a shki obiŋ hi pyeŋ.

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.