Oluka 2:34 - Ohwihwim Olehe

³⁴ Esimiyo a fa anyuadzi a ygi mo a khwo nga, a nyuŋ anaŋ anwye a lu mi le, Ahogbrẽ angyiŋ a sla anwye he lo. Okyku ŋa moare nzenze ba Esrayila moa á tsi á gbu, nga okyku ŋa moare nzenze ba Esrayila moa á vre. Á dzu egŋe la e zgi okro Ahogbrẽ e ba, nga moare nzenze á tla ŋa.

Oluka 2:34 ပူးပေါင်းရင်းမြစ်များ

Amatiyu 11:19

Anwye Arehwĩ a ba nga, a la a ri nga a wa, nga areyaŋ a mbo a lu odlo ototno eshri baŋ a lu mi le, Ahi lo, a wo ambyela, ta la are la a wa ami anab la a no, nga a sa a wo la a ri ekpom pa la moa la a yga ewaŋ, pa la moaedlobi! Otum okaobmye ba Ahogbrẽ o kpo, o tsa gi zhezheŋ eka ba okaobmye he lo o wo adlidzi angyiŋ.

Amatiyu 12:46

Omba ba Eyesu a la a lu odlo pa la moare nga, anaŋ, pa la moanáŋ-alalom moa a gbu. Moa a tspi edzi a dzu a bli ŋa okyku o lu odlo ka la ŋa.

Amatiyu 21:44

Areyaŋ a mbo la a tsu a gbu ezhim hi lo, á gom okyukyukyku. Nga o wo ba ezhim lo e gbu arekyeŋ le, é sha ŋa rerereŋ.]

Amatiyu 27:63

nga moa a lu a daŋ a lu mi le, Andakʼpo, agi e sheŋ e yi ba asheŋakpro mi a lu omba baŋ a yi a wo ma, ma aŋa á kso olum ba otra ambla baŋ a kpu.

Oluka 2:35

Moa á lu ayakplo la a wo eso mo eshri anwye he lo, á ba edzi. Eso é tpi ŋo ayi é gre eshri.

Eyohana 3:20

Areyaŋ a mbo la a kpo ayakplobi, a la a klo ayimom mbo, nga aŋa á ba okro lo mbo, okyku eshi aŋa a klo o da ayakplobi baŋ a kpo lo a ra a tspa mbo.

Eyohana 5:18

Okyku odlo ba Eyesu a lu, moaEyahuda a zga eso ba o bga ŋa. Okyku eshi Eyesu a pre odaŋ ba Asabat nga a lu mi ma Ahogbrẽ angyiŋ a wo Adaŋ. O dzu eka baŋ a sko eshri baŋ a zga okyekyeŋ angyiŋ ta la Ahogbrẽ.

Otum 13:45

Omba ba moaEyahuda a ka eshki nzenze eka he nga, moa a kpo efpu nga moa a lu odlo ototno ta la Oblus, nga moa a klo odlo ka la ŋa.

Otum 17:6

Ambo moa a hwiŋ mo ahe mbo. Okyku eka he, moa a vu Ejaso pa la moanáŋ a dra obiŋ a shri a kom moandakʼpo. Moa a shri mo a ba nga moa a lu mi le, O ka moarehwi hi a la a sla okro ayaŋ a mbo! O ka moa a ba osku bi ohuhuhi a mo.

Otum 24:5

Agi e ka tki, alom he lo a wo are la a wo oyla, nga a la a tpi okro ayi. Aŋa a la a sla eshki moaEyahuda ayi ayaŋ a mbo obiŋ hi. Nga a sa a wo andakʼpo ba eshki moa a bzi lo ma Anazari.

Otum 28:22

Agi e klo e gno ekplo boŋ o ka, okyku eshi agi e yi zhezheŋ okroyaŋ a mbo moare a la a lu odlo ototno eshri ozhẽ he lo.

Otum 4:26

Moareŋ ba obiŋ hi a fu eshri, Nga moa la a ri oreŋ a hwim Eshri Adigi-odne, ta la Emisiya baŋ.

Otum 6:7

Ambla ne nga, odlo Ahogbrẽ o ngla o ta ma-ma. Moa la a bmi ba adlidzi a ta ma-ma ombamba mvye osku ba Orushalima, nga moandakʼpo olu ba Ahogbrẽ nzenze a bmi ba adlidzi.

MoaOroma 9:32

Okyku eshi moa a hwiŋ lo mbo? Okyku ba moa a sko ekployaŋ a mbo a zga obmi ba adlidzi mbo, ambo moa a sko ekployaŋ a mbo a zga otum sha. Moa a sheŋ evgo ezhim

1 MoaOkorinti 1:23

Ambo agi e su Ekristi egŋe aki. Oshpa he lo o la o tpi moaEyahuda eso ayi, nga o dzu ekplo adro angyiŋ pa la moa la a wo moaEyahuda mbo.

MoaIbrani 7:1

Amalkizedeki angyiŋ a wo anyuŋ-areŋ ba Esalem, nga a wo andakʼpo olu ba Ahogbrẽ la a wo la ekʼpo ma pyeŋ. Omba ba Ebrahim a zgi eko a ba omba baŋ a bga moanyuŋ-areŋ lo okro ba eko he lo, omba he lo nga Amalkizedeki a hwiŋ ŋa ozhẽ nga a fa anyuadzi a daŋ.

MoaIbrani 7:7

Alo o wo adlidzi angyiŋ, ba are la a fa anyuadzi a ygi, a wo la ekekʼpo a gre are la ba moa a fa lo a ygi ŋa.

1 Ebitru 4:14

O wo ba moa a dzĩ gimi okyku bimi e lu Ekristi ma le, agimi e kpo ovye. O dzu eka ba Ogbagaodzi ba esesla la o wo Ogbgaodzi ba Ahogbrẽ, o ba o gile okro bimi angyiŋ.