Oluka 2:14 - Ohwihwim Olehe

¹⁴ Ohlueshko okyku Ahogbrẽ la a wo Ongyeŋ ekpyemgbyeŋ! Nga opyapyaŋ o dzu pa la moarehwi baŋ a gno oraŋ pa la mo!

Oluka 2:14 ပူးပေါင်းရင်းမြစ်များ

MoaOroma 5:1

Ohuhuhi, okyku obmi ba adlidzi bi, moa a shri opyapyaŋ a zga agʼbaha bi ta la Ahogbrẽ, agi e wo la esõ-egbubiŋ ta la Ahogbrẽ okyku Eyesu Ekristi angyiŋ.

Oluka 19:38

Moa a hlu Ahogbrẽ eshko a lu mi le, Ahogbrẽ a kpo a ghwo la Areŋ la a ba eshko ba Adigi-odne! Opyapyaŋ o dzu Ongyeŋ, nga e da gi e hlu Ahogbrẽ eshko!

MoaOkolosi 1:20

Ahogbrẽ nga a zga esõ ba o zhiŋ obiŋ hi pyeŋ o ba o zga abgo baŋ okro ba Anwye lo angyiŋ. Ahogbrẽ a shri opyapyaŋ a shri a ba okro eku ba Anwye baŋ a kpu egŋe aki. Okyku eka he Ahogbrẽ a bla ekployaŋ a mbo a shri a ghwo abgo baŋ, ekployaŋ a mbo la e wo obiŋ hi ta la Ongyeŋ.

Oluka 1:79

Á da lo a zgi ongyeŋ a tra areyaŋ a mbo la a wo ozhẽ ba eku, Okyku o daŋ a tsa gi ozhẽ la o wo pyapyaŋ.

Otsotsa 5:13

Nga ame e gno ba areyaŋ a mbo la a wo Ongyeŋ ta la obiŋ hi, ta la obiŋ ba egi eshyẽ, ta la emayaŋ a mbo la e wo ami, ta la emayaŋ a mbo la e wo obiŋ hi lo pyeŋ, moa a la a fu abmo a lu mi le, Aŋa la a la a dzu emgbakyiŋ ba oreŋ ta la Anwye Ekylu lo, Ohlueshko ta la esesla, ta la ekʼpo, Moa a dzu a mo gbagbu gbagbu-amo!

Otum 10:36

Agimi e yi otum ba Ahogbrẽ a hom a kom moarehwi ba Esrayila nga a su Oshpaodzadzi, o la o shri opyapyaŋ ba eso o shri o ba okro Eyesu Ekristi, aŋa angyiŋ a wo Adigi-odne moarehwi mvye.

Eyohana 17:4

Ame e tsa obiŋ hi ayimom esesla boŋ, nga ame e kpo otum boŋ o shri o da me e khwo.

2 MoaEtasolonika 2:16

Nga Adigi-odne Eyesu Ekristi ta la Ahogbrẽ la a wo Adigi la a klo gi, okyku okpoghwo baŋ a shri oshye-esõ ba gbagbu-amo ta la okayiozhẽ la o wo odzi a shri a da gi,

MoaEfilibi 2:11

Nga areyaŋ a mbo á su eka ba Eyesu Ekristi angyiŋ a wo Adigi-odne lo, Okyku ohlueshko ba Ahogbrẽ Adigi.

Oluka 3:22

Ogbgaodzi eka aklungu, o gile o tspi eshri baŋ. Enzi e gile e zgi ongyeŋ e ba e lu mi le, Aŋo angyiŋ o wo Anwye me ba eso me. Ame e la e gno oraŋ ka la ŋo nzenze.

Amatiyu 21:9

Moare la a wo egi ayi Eyesu, pa la moare la a wo egi ambla baŋ, moa a lu odlo angyangyeŋ a lu mi le, E hlu Anwye Adawuda eshko. Ahogbrẽ a kpo a ghwo la ŋa la a ba eshko Adigi-odne! E hlu Ahogbrẽ eshko!

MoAfisu 1:9

Ahogbrẽ a kpo ekplo baŋ a sheŋ a shri a zga esõ baŋ angyiŋ. A hwile gi ekplo baŋ a hwim a ghre ma baŋ á ba a bli lo ozhẽ ba Ekristi.

MoAfisu 1:6

Agimi e da gi e hlu Ahogbrẽ eshko okyku okpoghwo baŋ ba ekekʼpo, ta la ototno baŋ a shri a da gi okro ba Anwye baŋ a klo ŋa nzenze!

MoaEfilibi 2:13

Okyku eshi Ahogbrẽ a kpo otum ombamba pyeŋ okyku o da gimi e bmi nga okyku o da gimi e kpo e gbu ba agimi e kpaŋ ekplo baŋ a klo.

MoAfisu 2:7

Aŋa a kpo ohe lo okyku o tsa okpoghwo baŋ la o gre eshri omba pyeŋ la o ra, ibu ba oklo baŋ a tsa gi okyku Eyesu Ekristi.

MoAfisu 2:4

Ambo okayiekŋe ba Ahogbrẽ o gre eshri, nga oklo baŋ okyku gi o wo nzenze o gre eshri.

Eyohana 14:27

Ame e dzu opyapyaŋ ba eso e zga ka la gimi. Opyapyaŋ me, ame e shri e da gimi. Ame e shri lo e da gimi eka ba obiŋ hi o shri o di mbo. Okyku eka he agimi e da eso e ngʼba gimi nga e da eso e tpi gimi ayi mbo nga e kpo eyli mbo.

Eyohana 3:16

Ahogbrẽ a klo moarehwi ba obiŋ hi ma-me, nga a shri Anwye baŋ akyakyeŋ a shri a di, okyku o da areyaŋ a mbo la a bmi ba adlidzi ka la ŋa a yla mbo, ambo a hwiŋ eso ba gbagbu-amo.

Oluka 2:13

Ebuebu nga moanwyeadga ba Ahogbrẽ nzenze a gile a ba. Ta la anwyeadga he lo, moa a fu abmo a hlu Ahogbrẽ eshko a lu mi le,

Oluka 2:15

Ambla ba moanwyeadga he lo a zhiŋ ogbu a gre Ongyeŋ a khwo nga, moa la a kpaŋ ékylu a lu pa la emo a lu mi le, E da gi e yi Ebetalami e yi e ka ekplo la e kpo nga ba Ahogbrẽ a lu a da gi hi.