Oluka 17:6 - Ohwihwim Olehe

⁶ Adigi-odne a tno ma a lu mi le, O wo bimi e wo la obmi ba adlidzi la o wo etsitsi eka eyi ba amastad sha a mbo, agimi e kpo e gbu bimi e nyuŋ esĩ aki hi e lu mi le, O gʼbu la emgbʼbo nga o yi o kũ anyuŋ-ondzu! Ó kpo ó gbu.

Oluka 17:6 ပူးပေါင်းရင်းမြစ်များ

Amatiyu 17:20

Eyesu a tno ma a lu mi le, Alo o kpo eka he okyku bimi e bli la obmi ba adlidzi mbo angyiŋ. Agimi e ngli e gno, o wo bimi e wo la obmi ba adlidzi la o wo etsitsi eka eyi ba amastad sha a mbo, agimi e kpo e gbu bimi e lu ta la akũ hi e lu mi le, O gʼbu ahe o yi a mi. Alo á gʼbu. Nga agimi é kpo é gbu ba o kpo ekployaŋ a mbo! [

Amatiyu 21:21

Eyesu a nyuŋ mo a lu mi le, Agimi e tne e ka! O wo bimi e bmi ba adlidzi nga e fu eha esõ bimi ku-ku mbo, agimi a mbo é kpo é gbu ba gimi é kpo edgu ekplo ba ame e kpo ta la esĩ ebro he. Nga agimi é kpo ekplo la e gre ehi a mbo. O wo bimi e bmi ba adlidzi le, agimi é kpo é gbu bimi e nyuŋ akũ e lu mi le, Akũ o gʼbu o yi o gre anyuŋ-ondzu, ó dzu eka he lo.

Amarku 9:23

Eyesu a tno ŋa ma a lu mi le, Aŋo o bmi ba adlidzi bgu le, ekployaŋ a mbo é kpo é gbu o wo ba obmi ba adlidzi o wo ma.

Oluka 13:19

O wo eka eyi ba amastad angyiŋ, ba alomakyeŋ a sko a yi a fu agbi baŋ. E zgi e khwo nga, e zhiŋ e dzu esĩ aki, nga awunu nga a ba a ta eygu mo embgu lo.

1 MoaOkorinti 13:2

O wo ba alo o kpo o gbu ba ame e nyum oshpa la o gre eso, nga e kpo e gbu ba ame e wo la oyioyi ba obiŋ hi pyeŋ, nga ba ame e ka eshyẽ ekployaŋ a mbo e bmye, nga o wo ba alo o kpo o gbu ba ame e wo la obmi ba adlidzi la o kpo o gbu ba ame e gʼbu akukũ a mbo, ambo o wo ba ame e wo la oklo ma mbo le, ame e wo akplokyeŋ angyiŋ mbo.

Oluka 19:4

Okyku eka he, a knye a yi a vre anva okyku o daŋ a ka Eyesu omba baŋ a bre a yi.

Amarku 4:31

O wo eka eyi amastad. E wo tsitsi e gre eyi asĩ aki ahwõ mvye la e wo obiŋ hi. O wo ba moa a fu lo le,

Oluka 7:13

Omba ba Adigi-odne a ka ŋa a ka ŋa ayiekŋe. Okyku eka he a nyuŋ ashe lo a lu mi le, O wu okũ mbo.

Oluka 7:19

a hom mo otum okro ba Adigi-odne okyku o da mo a zhĩ Eyesu a lu mi le, Aŋo angyiŋ o wo are ba Eyohana a nyum oshpa ma aŋa á ba le, agi e ka ayi ozhẽ okyku arekyeŋ ondundum?

Oluka 17:7

O wo ba akyeŋ eshki bimi a wo la anwye-odne la a lbi agbi, o mbo le a kpaŋ ékylu le, omba baŋ a zgi akla a ba odne, aŋo o nyuŋ ŋa o lu mi le, O ba shoŋ o ri algo boŋ?

Amatiyu 14:29

Eyesu a lu mi le, O ba! Ebitru nga a zgi amgblami a la a dzi ami a yi okro Eyesu.