Oluka 16:9 - Ohwihwim Olehe

⁹ Eyesu a sa a lu mi le, Okyku eka he ame e lu e da gimi, e shri angyiŋ ba obiŋ hi e vu ekpom pa la moarehwi, okyku o da gimi e yi odne ba gbagbu-amo.

Oluka 16:9 ပူးပေါင်းရင်းမြစ်များ

Amatiyu 19:21

Eyesu a tno ŋa ma a lu mi le, O wo boŋ o klo o bli angyiŋ le, aŋo o yi o shri angyiŋ boŋ o shri o gbmo nga, o shri amgbaŋ lo o shri o gʼba moaekŋe, okyku eshi aŋo ó hwiŋ angyiŋ Ongyeŋ. Aŋo o kpo eka he o khwo bgu le, o ba o lu me ma.

Amatiyu 6:19

Agimi e kpaŋ angyiŋ-akyeŋ e zga ma obiŋ hi mbo, okyku eshi omle, ta la akpadzidzi a la a tpi lo ayi, nga moasi a la a gom okro moa a shri lo a zga ma nga a la a si lo.

Amatiyu 6:24

Arekyeŋ a kpo a gbu baŋ a dzu awaghrẽ ba moarehwĩ aha mbo. O dzu omgbybi baŋ a klo akyakyeŋ sha. O dzu omgbybi baŋ a dzu akyeŋ a zga nga a kŋe eshri baŋ a bga ta la akyeŋ. O wo ekakahelo angyiŋ ka la gimi. Agimi é kpo é gbu bimi é sko Ahogbrẽ ta la angyiŋ, e da mo a ri ekʼpo eshri bimi otsotse mbo.

Oluka 11:41

Agimi e shri ekployaŋ a mbo la e wo etku ta la akplékpka e shri e da moaekŋe. Agimi é kpo eka he lo le, ekployaŋ a mbo e wo tsetsetseŋ ka la gimi.

Oluka 12:33

Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo.

Oluka 14:14

nga Ahogbrẽ á shri owlama á shri á doŋ, okyku eshi moahi lo a wo la ozhẽ-okyeŋ ba o bla alo o kpo ŋo ma mbo. Ahogbrẽ á shri owlama á doŋ omba ba moa á kso moaodlodzi ongybi.

Oluka 16:11

O wo boŋ o kpo adlidzi angyiŋ ta la angyiŋ ba obiŋ hi mbo le, moa á kpo anyu á ba a bmi á shri angyiŋ ba adlidzi á doŋ?

Oluka 16:13

Arekyeŋ a kpo a gbu baŋ a dzu awaghrẽ moa-odne aha mbo. O dzu omgbybi baŋ a tla akyeŋ nga a klo akyeŋ. O dzu omgbybi baŋ a bmi ta la akyeŋ nga a tla akyeŋ a ta. O kpo o gbu boŋ o dzu awaghrẽ ba Ahogbrẽ ta la awaghrẽ ba angyiŋ otsotse mbo.

Oluka 16:4

Ame e yi ekplo ba ame é ba e kpo bgu! O wo ba ame e kpo eka he lo angyiŋ, omba ba ame e wo la otum ma mbo le, ame é hwiŋ moakyemeazba la á ba a kpo á ghwo la me, nga á da me e yi e dzu adne mo.

Otum 10:31

A nyuŋ me a lu mi le, Okoniliyu! Ahogbrẽ a gno olu boŋ, nga a gre eso a ghre eka boŋ o la o kpo o ghwo la moa-agrogro mbo.

Otum 10:4

A ka anwyeadga ba Ahogbrẽ lo dzo la eyiyli nga a zhĩ a lu mi le, Eshi angyiŋ, Andakʼpo? Anwyeadga ba Ahogbrẽ a tno ma a lu mi le, Ahogbrẽ a gno olu boŋ, a gre eso a ghre eka boŋ o la o kpo o ghwo la moa-agrogro mbo.

2 MoaOkorinti 4:17

Nga ela ewu ba agi e la e kpo okyku omba fi sha hi, é shri anyuŋ owlama ba gbagbu-amo la e gre ewu nzenze angyiŋ é ba é shri é kom gi.

Eyahuda 1:21

Nga e dzu la oklo ba Ahogbrẽ omba ba agimi e dzu e bli Adigi-odne Eyesu Ekristi, okyku eshi okyku okayiekŋe baŋ he lo angyiŋ aŋa á ba a shri esõ ba gbagbu-amo á shri á da gimi.